Tahirin-kevitra (Oktobra 2016)

Alatsinainy 31 Oktobra 2016

Koa raha Izaho, Tompo sy Mpampianatra aza, no nanasa ny tongotrareo, ianareo kosa mba tokony hifanasa tongotra.

Jaona 13:14 fanetren-tena fanompoana Jesosy

Alahady 30 Oktobra 2016

Be saina izay mahatsindry fo;
Fa ny malaky tezitra mampiseho ny fahadalany.

Ohabolana 14:29 fahendresena faharetana mahatakatra

Asabotsy 29 Oktobra 2016

Izay mino ny Zanaka manana fiainana mandrakizay; fa izay tsy mino ny Zanaka dia tsy hahita fiainana, fa ny fahatezeran'Andriamanitra no mitoetra eo aminy.

Jaona 3:36 fiainana mandrakizay finoana fankatoavana

Zoma 28 Oktobra 2016

Ary ny mpihazakazaka rehetra dia mahonon-tena amin'ny zavatra rehetra. Kanefa ireny dia mitady satro-boninahitra mety ho lò ihany, fa isika kosa ny tsy mety ho lò.

1 Korintiana 9:25 fifehezan-tena valisoa fiainana mandrakizay

Alakamisy 27 Oktobra 2016

Hianao no fiereko,
miaro ahy tsy ho azon'ny fahoriana Hianao;
fihobiam-pamonjena no ahodidinao ahy.

Salamo 32:7 fifaliana filaminana fiarovana

Hotahina izay olona matoky an'i Jehovah,
dia izay manana an'i Jehovah ho tokiny.
Fa ho toy ny hazo ambolena eo amoron-drano izy,
izay mamaka eo anilan'ny rano mandeha,
ka tsy hatahotra, na dia avy aza ny hainandro,
sady ho maitso ny raviny,
ka tsy hanahy izy, na dia mihantona aza ny andro,
fa tsy hitsahatra ny famoany.

Jeremia 17:7-8 fahatokisana fitahiana mamoa

Talata 25 Oktobra 2016

Tsy misy olona mahay manompo tompo roa; fa ny anankiray ho halany, ary ny anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy Mamôna ianareo.

Matio 6:24 fanompoana vola trosa

Alatsinainy 24 Oktobra 2016

Fa mahafa-po ny fanahy mangetaheta Izy,
Ary ny fanahy noana dia vokisany soa.

Salamo 107:9 fitokisana hanina

Alahady 23 Oktobra 2016

Fa tsy nitondra na inona na inona ho amin'izao tontolo izao isika, sady hita fa tsy hahatondra na inona na inona hiala. Fa raha manan-kanina sy fitafiana isika, dia aoka hianina amin'izany.

1 Timoty 6:7-8 hanina fitiavan-karena fahafaham-po

Asabotsy 22 Oktobra 2016

Fa ny zavatra rehetra eo amin'izao tontolo izao, dia ny filan'ny nofo sy ny filan'ny maso ary ny rehaka momba izao fiainana izao, dia tsy avy amin'ny Ray, fa avy amin'izao tontolo izao ihany.

1 Jaona 2:16 faniriana mpidoroka fiavonavonana

Zoma 21 Oktobra 2016

Ny fankahalana ny ratsy no fahatahorana an'i Jehovah.
Ny fiavonavonana sy ny fireharehana sy ny lalana ratsy
Ary ny vava fandainga dia samy halako avokoa.

Ohabolana 8:13 fanajana fiavonavonana faharatsiana

Alakamisy 20 Oktobra 2016

Ary aza mitondra anay ho amin'ny fakam-panahy,
fa manafaha anay amin'ny ratsy.

Matio 6:13 fakam-panahy faniriana faharatsiana

Alarobia 19 Oktobra 2016

Fa mahasoa kely ihany ny fampiasana ny tena; fa ny toe-panahy araka an'Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa.

1 Timoty 4:8 fahasalamana fankatoavana fiainana

Talata 18 Oktobra 2016

Aoka tsy handao anao ny famindram-po sy ny fahamarinana;
Afehezo eo am-bozonao izany,
Ary soraty ao amin'ny fonao tahaka ny amin'ny vato fisaka,
Ka dia hahazo fitia sy fahalalana tsara
Eo anatrehan'Andriamanitra sy ny olona ianao.

Ohabolana 3:3-4 fitiavana valisoa fo

Alatsinainy 17 Oktobra 2016

Izany no ankalazana ny Raiko, mba hamoazanareo be ka ho tonga mpianatro ianareo.

Jaona 15:8 Ray fanarahana fitoriana ny filazantsara

Alahady 16 Oktobra 2016

Dia hoy izy taminy: Mandehana, hano ny matavy, ary sotroy ny mamy, dia mba anatero anjara izay tsy manan-javatra voavoatra; fa masina ho an'ny Tompontsika ity andro ity; koa aza malahelo ianareo, fa ny fifaliana avy amin'i Jehovah no fiarovana mafy ho anareo.

Nehemia 8:10 hanina manomeza fifaliana