Tahirin-kevitra (Septambra 2016)

Zoma 30 Septambra 2016

Ka dia hasehoko ny fihalehibiazako sy ny fahamasinako; ary ho fantatra eo imason'ny firenena maro Aho: ka dia ho fantany fa Izaho no Jehovah.

Ezekiela 38:23 Andriamanitra fahamasinana fitoriana ny filazantsara

Alakamisy 29 Septambra 2016

Izay manafina ny fahotany tsy hambinina;
Fa izay mitsotra ka mahafoy azy no hahazo famindram-po.

Ohabolana 28:13 fahotana fibabohana famindram-po

Tsy ianareo no nifidy Ahy, fa Izaho no nifidy anareo ka nanendry anareo mba handeha sy hamoa, ary mba haharetan'ny vokatrareo, mba homen'ny Ray anareo izay rehetra hangatahinareo amin'ny anarako na inona na inona.

Jaona 15:16 fankatoavana fivavahana fiantsoana

Talata 27 Septambra 2016

Tsy manao na inona na inona tokoa Jehovah Tompo,
raha tsy milaza ny heviny amin'ny mpaminany mpanompony.

Amosa 3:7 faminaniana fandrindrana fitokisana

Alatsinainy 26 Septambra 2016

Ny adala tsy mba finaritra amin'ny fahalalana,
Fa ta-haneho izay ao am-pony.

Ohabolana 18:2 lahateny fahendresena fitiavan-tena

Alahady 25 Septambra 2016

Hianareo vehivavy, maneke ny vadinareo tahaka ny anekena ny Tompo. Fa ny lahy no lohan'ny vavy, dia tahaka an'i Kristy koa no Lohan'ny fiangonana; ary Izy no mpamonjy ny tena.

Efesiana 5:22-23 fanambadiana Jesosy famonjena

Asabotsy 24 Septambra 2016

Ary ny faharoa dia izao: Tiava ny namanao tahaka ny tenanao. Tsy misy didy hafa lehibe noho ireo.

Marka 12:31 lalàna fitiavana manaraka

Zoma 23 Septambra 2016

Izay fatra-panaraka fahamarinana sy famindram-po
Dia hahazo fiainana sy fahamarinana ary voninahitra.

Ohabolana 21:21 fitiavana rariny fiainana

Alakamisy 22 Septambra 2016

Avy aminao ny harena sy ny voninahitra, ary Hianao no manjaka amin'izao rehetra izao; eo an-tananao ny hery sy ny tanjaka, ka eo an-tananao koa ny mampahalehibe sy ny mampahatanjaka izao rehetra izao.

1 Tantara 29:12 andriamanitra lehibe tanjaka vola

Alarobia 21 Septambra 2016

Izaho dia Izaho no mpampionona anareo, koa nahoana ianao no dia matahotra ny zanak'olombelona mety maty sy ny zanak'olona hatao tahaka ny ahitra.

Isaia 51:12 mpampionona tahotra fankaherezana

Talata 20 Septambra 2016

Sokafy ny vavanao hisolo ny moana,
Hahazoan'ny kamboty ny rariny.

Ohabolana 31:8 lahateny fahalemena

Alatsinainy 19 Septambra 2016

Misy marary va eo aminareo? Aoka izy hampaka ny loholon'ny fiangonana; ary aoka hanosotra diloilo azy amin'ny anaran'ny Tompo ireo sady hivavaka eo aminy; ary ny fivavaky ny finoana dia hamonjy ilay marary, fa ny Tompo hanangana azy; ary raha nanota izy, dia havela ny helony.

Jakoba 5:14-15 aretina fivavahana finoana

Alahady 18 Septambra 2016

Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.

Deotoronomia 31:8 fanarahana tahotra fankaherezana

Asabotsy 17 Septambra 2016

Fa indray mipi-maso ihany ny fahatezerany;
nefa mandritra ny andro iainana kosa ny fankasitrahany;
amin'ny hariva dia misy fitomaniana tonga hivahiny miloaka alina;
Fa nony maraina kosa dia misy fihobiana.

Salamo 30:5 fitiavana faharetana fisaonana

Zoma 16 Septambra 2016

Fa tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.

Romana 5:19 rariny fankatoavana famonjena

Alakamisy 15 Septambra 2016

Ary toy izany koa ny vehivavy, hiravaka amin'ny fitafiana mahamendrika mbamin'ny fahamaotinana sy ny fahononan-tena, fa tsy amin'ny volo mirandrana sy ny volamena, na vato soa, na fitafiana saro-bidy, fa amin'ny asa tsara, araka izay mahamendrika ny vehivavy manaiky ny fivavahana amin'Andriamanitra.

1 Timoty 2:9-10 hatsàra fiankohofana fitiavan-karena