Gcina (Septemba 2016)

2016 Septemba 30, Lwesihlanu

Ndiya kuba ndibonisa ubungangamsha bam; ndibe ke ndiyazazisa kwintlaninge yezizwe. Baya kuqonda ukuba mna ndinguNdikhoyo.

UHEZEKILE 38:23 uThixo ubungcwele ukuvangela

2016 Septemba 29, Lwesine

Umntu osifihlayo isono sakhe akabi nampumelelo;
kambe ke yena osivumayo, ahlukane naso, wenzelwa inceba.

IZAFOBE 28:13 isono ukuvuma izono inceba

2016 Septemba 28, Lwesithathu

Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.

UYOHANE 15:16 ukuthobela umthandazo ubizo

2016 Septemba 27, Lwesibini

Ukanti ke yona iNkosi uNdikhoyo ayenzi nto ingathanga ilityhile icebo layo kwizicaka zayo abashumayeli.

UAMOS 3:7 isiprofeto ukucwangcisa ukuthembeka

2016 Septemba 26, Mvulo

Umntu osisiyatha akanamdla wakuqonda nto –
nto angxamele ukuyenza kukuvakalisa ezakhe iimbono.

IZAFOBE 18:2 ukuthetha ubulumko ukuzingca

Nina makhosikazi, bathobeleni ngokuzinikela abayeni benu, kanye ngale ndlela niyithobela ngayo iNkosi. Kaloku indoda iyintloko yomfazi, kanye njengokuba noKrestu eyintloko yebandla. Ke yena uKrestu ukwanguMhlanguli walo ibandla elingumzimba wakhe.

KWABASE-EFESE 5:22-23 umtshato UYesu usindiso

2016 Septemba 24, Mgqibelo

Owesibini ke ngulo: ‘Uze umthande ummelwane wakho kanye ngale ndlela uzithanda ngayo nawe.’ Akukho myalelo wumbi ubalulekileyo kunalé mibini.

UMARKO 12:31 umthetho uthando ummelwane

2016 Septemba 23, Lwesihlanu

Umntu oxunela ubulungisa nenceba
ufumana ubomi nobulungisa nodumo.

IZAFOBE 21:21 uthando ubulungisa ubomi

2016 Septemba 22, Lwesine

Isidima nobutyebi ziphuma kuwe;
wena ungumlawuli weento zonke.
Kulapho kwezo zandla zakho ukomelela ndawonye namandla.
Xa bebonke ubanike ubukhulu namandla.

1 YEZIGANEKO 29:12 usomandla amandla imali

2016 Septemba 21, Lwesithathu

UNdikhoyo utsho ukuthi:
“Mna ndingulowo ukuthuthuzelayo;
ngani ke ukuba woyike umntu –
into evuthuluka njengengca?”

UISAYA 51:12 umthuthuzeli uloyiko ukhuthazo

2016 Septemba 20, Lwesibini

Thetha ubamele abantu abangakwaziyo ukuzithethelela;
ncedisana nabo uwakhusele amalungelo eendwayinge.

IZAFOBE 31:8 ukuthetha ubuthathaka

2016 Septemba 19, Mvulo

Xa umntu egula, makabize amadoda amakhulu ebandla; wona aya kumthandazela, amthambise ngeoyile egameni leNkosi. Lo mthandazo uphuma elukholweni uya kumnyanga umntu ogulayo, iNkosi imbuyisele empilweni, zithi nezono azenzileyo zixolelwe.

EKAYAKOBI 5:14-15 ukugula umthandazo ukholo

2016 Septemba 18, Cawe

NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.

UHLAZIYO-MNQOPHISO 31:8 ukulandela uloyiko ukhuthazo

2016 Septemba 17, Mgqibelo

Kaloku yeyomzuzwana ingqumbo yakhe;
ukanti buhlala buhlel' ububele bakhe.
Ewe, zibakho zon' iinzingo ebusuku,
kodwa kusasa kuba yimincili yodwa.

INdumiso 30:5 uthando umonde usizi

2016 Septemba 16, Lwesihlanu

Kuba njengokuba kwathi, ngokungeva kwalowo mnye unguAdam, abaninzi bafumaneka bengaboni, ngokunjalo kuya kuthi nangokuthobela kwalowo mnye unguKrestu, abaninzi benziwe amalungisa.

KWABASEROMA 5:19 ubulungisa ukuthobela usindiso

2016 Septemba 15, Lwesine

Abafazi bona mabandileke, banxibe ngesidima, bathozame; iinwele bangazihombisi ngokugqithisileyo. Mabangayokozeli ngamaso egolide, nawamatye exabiso, bawunduzelise ngeelokhwe zeendleko. Ndaweni yaloo nto mababe nemisebenzi emihle efanele amakhosikazi abanga igama lobuKrestu.

1 KUTIMOTI 2:9-10 ubuhle unqulo ukuthanda izinto eziphathekayo

2016 Septemba 14, Lwesithathu

Umntu osisityebi uyalilawula ihlwempu;
nalowo ubolekayo likhoboka lalowo ubolekisayo.

IZAFOBE 22:7 imali ityala ubukhoboka

2016 Septemba 13, Lwesibini

Nina nilukhanyiso lwehlabathi. Umzi omi phezu kwentaba awunakufihlakala.

UMATEWU 5:14 ubulungisa ukuvangela ubomi

2016 Septemba 12, Mvulo

Kaloku sanikwa lo myalelo wokuba sithandane kwasekuqaleni.

1 KAYOHANE 3:11 umthetho uthando ummelwane

2016 Septemba 11, Cawe

UNdikhoyo uyalifezekisa icebo lakhe ngam.
Kambe ke, Ndikhoyo, izibele zakho zisisimakade;
ungabi sawushiya umsebenzi wezandla zakho.

INdumiso 138:8 ukuthembeka uThixo ukhuseleko

2016 Septemba 10, Mgqibelo

Yena ngumhlaziyi wâbo batyhafileyo,
umomelezi wâbo bangenamandla.

UISAYA 40:29 amandla ukuxhomekeka izixhobo

2016 Septemba 9, Lwesihlanu

Ewe kaloku, utsho uNdikhoyo,
yena uthi: “Qalisani kwangoku.
Buyelani kum ngamxhelo mnye
ngokuzila, ngeenyembezi, nangesingqala.”

UJOWELI 2:12 uguqulo ukuzila ukutya usizi

2016 Septemba 8, Lwesine

Mfo wam, yithobele imimiselo oyinikwa nguyihlo,
ungazityesheli neziluleko zikanyoko.

IZAFOBE 6:20 ukuthobela usapho ukuphulaphula

2016 Septemba 7, Lwesithathu

Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?

UMATEWU 6:25 ukutya ubomi ukukhathazeka

2016 Septemba 6, Lwesibini

Wawaphendula uYesu wathi: “Ndithi kuni, inene, bonke abenza isono bangamakhoboka esono.”

UYOHANE 8:34 ukuba likhoboka isono ubukhoboka

2016 Septemba 5, Mvulo

Umntu oyinonophelayo imfundiso uyaphumelela;
ewe, yimihlali yodwa kokholosa ngoNdikhoyo.

IZAFOBE 16:20 thembela intsikelelo ukuphulaphula

2016 Septemba 4, Cawe

Yaza yathi kuso inkosi yaso: ‘Ngxatsho ke, sicaka sam esilungileyo, esithembekileyo! Ubuthembekile kwizinto ezimbalwa; ndiya kukuphathisa izinto ezininzi. Ngena uchwayite kunye nenkosi yakho.’

UMATEWU 25:21 ukuthembeka ibuyiselo intsikelelo

2016 Septemba 3, Mgqibelo

Mayibe ndim kuphela osentliziywemi yakho oku komsesane wokutywina;
ewe, mandibe ngumsesane wokutywina engalweni yakho.
Lent' uthando lunamandla nqwa nokufa;
ikhwele lalo aliqheliseli oku kwengcwaba.
Ludangazela ngathi lidangatye,
luvuthe ngathi ngumlilokazi.

UNCUTHU LWENGOMA 8:6 uthando intliziyo ukufa