Gcina (Agasti 2016)

2016 Agasti 31, Lwesithathu

Yini na ukuba usibone isibi esiselisweni lowenu, kanti wona umqadi okwelakho iliso akuwuboni?

2016 Agasti 30, Lwesibini

Kunikele kuNdikhoyo konke okwenzayo,
yaye ke yena uya kuziphumelelisa izicwangciso zakho.

IZAFOBE 16:3 thembela ukucwangcisa intsikelelo

Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.

KWABASE-EFESE 3:20-21 ukuthobeka unqulo amandla

2016 Agasti 28, Cawe

Waphendula uYesu wathi kubo: “Ndithi kuni, inene, ukuba niyakholwa, ningathandabuzi, niya kuba nako ukuyenza le nto ndiyenzé kulo mkhiwane, ngaphezu koko nibe nokuthi nakule ntaba: ‘Funquka, uphoseke elwandle,’ ize yenzeke loo nto.”

UMATEWU 21:21 ukholo ukuthetha imimangaliso

2016 Agasti 27, Mgqibelo

Kholosa ngoNdikhoyo ngomxhelo wakho wonke,
ungaze ungqiyame ngezakho iimbono.
Mkhumbule uNdikhoyo kuyo yonke ihambo yakho,
waye ke yena eya kukukhokela kuzo zonke iindlela zakho.

IZAFOBE 3:5-6 thembela ukuxhomekeka intliziyo

2016 Agasti 26, Lwesihlanu

Ndiyamcela uThixo weNkosi yethu uYesu Krestu, uSosidima, ukuba aniphe uMoya wobulumko, anityhilele uThixo, ukuze nimazi.

KWABASE-EFESE 1:17 Umoya ubulumko ukuqonda

2016 Agasti 25, Lwesine

Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.

KWABASEROMA 5:5 ithemba intliziyo Umoya

2016 Agasti 24, Lwesithathu

Khawuncede usisindise, Thixo wethu,
ngenxa yesidima segama lakho.
Sihlangule usixolele amatyala ethu ngenxa yegama lakho.

INdumiso 79:9 usindiso unqulo isono

2016 Agasti 23, Lwesibini

Musani ukugweba, ze nani ningagwetywa nguThixo.

UMATEWU 7:1 umthetho umgwebo

2016 Agasti 22, Mvulo

Waphendula uYesu, wathi kubo: “Umsebenzi uThixo afuna niwenze ngulo wokuba nizinikele nikholwe kulowo uThixo amthumileyo.”

UYOHANE 6:29 ukholo uThixo UYesu

2016 Agasti 21, Cawe

Igama elihle lilungile ngaphezu kwentabalala yobutyebi;
ukuba nesidima kungaphezu kwayo isiliva negolide.

IZAFOBE 22:1 imali ukuthanda izinto eziphathekayo ubudlelwane

2016 Agasti 20, Mgqibelo

Xa ke sithi sinobudlelane noThixo, kodwa sibe sihleli ebumnyameni, sithetha ubuxoki, nezenzo zethu azingqinelani nenyaniso.

1 KAYOHANE 1:6 isono ukunyaniseka inyaniso

2016 Agasti 19, Lwesihlanu

Nondifuna nindifumane, xa nindifuna ngomxhelo wonke.

UJEREMIYA 29:13 ukufuna intliziyo umphefumlo

2016 Agasti 18, Lwesine

Hayi ubuhle bezinto ozigcinele abo bakuhlonelayo, Ndikhoyo;
zintle kambe izinto ozenzela abo bakholose ngawe!

INdumiso 31:19 thembela uloyiko intsikelelo

2016 Agasti 17, Lwesithathu

Yiphani; nani ke niya kuphiwa nguThixo. Ewe, nophiwa isabelo esihle, esipheleleyo, esigalelwa engubeni yenu. Indlela enabela abanye ngayo, nani niya kwabelwa kwangayo nguThixo.

ULUKA 6:38 ibuyiselo ukupha ukwamkela

2016 Agasti 16, Lwesibini

Ukususela ngoko uYesu washumayela esithi: “Guqukani, kuba ulawulo lukaThixo lusemnyango.”

UMATEWU 4:17 UYesu uguqulo ukuvangela

2016 Agasti 15, Mvulo

Umzimba nentliziyo zingade ziphelelwe,
wona amandla am nguThixo, ulibango lam naphakade.

INdumiso 73:26 amandla ubomi ukuxhomekeka

2016 Agasti 14, Cawe

Nalowo uthe akawuthwala umnqamlezo wakhe andilandele, akandifanelanga.

UMATEWU 10:38 ukubandezeleka UYesu ukulandela

2016 Agasti 13, Mgqibelo

Kwesi sithuba ke uYobi waphakama, wakrazula umnweba wakhe, wayigugula intloko yakhe, waza ke wee guqaqa wanqula, wathi:
“Ndazalwa nguma ndizé, ndaye ke ndiya kunduluka ndikwazé.
NguNdikhoyo onikayo, ikwanguye nothathayo.
Malidunyiswe igama likaNdikhoyo!”

UYOBI 1:20-21 unqulo ukubandezeleka usizi

2016 Agasti 12, Lwesihlanu

Ndenze isigqibo sokuba ndinyaniseke;
ndizimisele ukusithobela isigwebo sakho.

INdumiso 119:30 ukholo umthetho inyaniso

2016 Agasti 11, Lwesine

Ukuba bakho abantu abalumkileyo nabaqondayo phakathi kwenu, loo nto mabayibonakalise ngobomi obumsulwa, nangezenzo zentobeko nobulumko.

EKAYAKOBI 3:13 ukuthobeka ubulumko ubomi

2016 Agasti 10, Lwesithathu

Guqukani ke ngoko, nibuyele kuThixo, ukuze zicinywe izono zenu.

UMSEBENZI WABATHUNYWA 3:19 uguqulo isono uxolelo

2016 Agasti 9, Lwesibini

Ukuxhalela abantu kusenokuba ngumgibe;
kambe ke othembela kuNdikhoyo ukhuselekile.

IZAFOBE 29:25 thembela uloyiko

2016 Agasti 8, Mvulo

“Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.

1 KWABASEKORINTE 10:23 umthetho ukulunga ubulungisa