Gcina (Julayi 2016)

2016 Julayi 31, Cawe

Amazwi amyoli nqwa nobusi;
ayanandipheka emphefumlweni, ephilisa emathanjeni.

IZAFOBE 16:24 ubulali ukuthetha umphefumlo

2016 Julayi 30, Mgqibelo

Makadunyiswe uThixo uBawo wethu ngonaphakade kanaphakade! Amen.

KWABASEFILIPI 4:20 ukuthobeka unqulo UTata

2016 Julayi 29, Lwesihlanu

Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”

UMSEBENZI WABATHUNYWA 2:38 uxolelo Umoya ubhaptizo

2016 Julayi 28, Lwesine

Yena wondibamba lungatyibiliki unyawo lwam;
kaloku akozeli, walusa mna.

INdumiso 121:3 thembela ukuthembeka ukuxhomekeka

2016 Julayi 27, Lwesithathu

Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.

UMSEBENZI WABATHUNYWA 16:25 unqulo umthandazo ukuphulaphula

2016 Julayi 26, Lwesibini

UYesu wathi kuye: “Ukuba ufuna ukufeza konke ngokupheleleyo, hamba uye kuzithengisa zonke izinto onazo, wabele amahlwempu imali leyo; woba nobutyebi ezulwini; uze kum ke, undilandele.”

UMATEWU 19:21 ngokungenatyala ukupha ukuthanda izinto eziphathekayo

2016 Julayi 25, Mvulo

Amehlo am ndiwajongis' enkalweni;
yaz'ba lovela ngaphi na uncedo lwam?
Umncedi wam nguNdikhoyo,
yena ungumenzi wamazulu nehlabathi.

INdumiso 121:1-2 indalo ukhuthazo ukuxhomekeka

2016 Julayi 24, Cawe

Kaloku apho bukhoyo ubutyebi benu, yoba lapho nentliziyo yenu.

UMATEWU 6:21 ukuthanda izinto eziphathekayo imali intliziyo

2016 Julayi 23, Mgqibelo

Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.

KWABASEFILIPI 4:19 thembela UYesu intsikelelo

2016 Julayi 22, Lwesihlanu

Iitshomi ezininzi ziyamvuthulula umntu;
kanti ke sikho sona isihlobo esithembekayo kunomntakwenu.

IZAFOBE 18:24 ubuhlobo usapho

2016 Julayi 21, Lwesine

Makubulelwe ke kuThixo osinika uloyiso ngayo iNkosi yethu uYesu Krestu!

1 KWABASEKORINTE 15:57 UYesu umbulelo ukoyisa

2016 Julayi 20, Lwesithathu

Ubabalo lweNkosi uYesu Krestu malube nani nonke.

KWABASEFILIPI 4:23 ubabalo UYesu intsikelelo

2016 Julayi 19, Lwesibini

Ububele bakho mandibuve kwakusasa;
kaloku mna ndikholosa ngawe.
Ndifundise indlela endifaneleyo;
kaloku mna ndizibika kuwe.

INdumiso 143:8 thembela uthando ukucwangcisa

Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.

KUMAHEBHERE 10:24-25 ukuza kwesibini uluntu ukhuthazo

2016 Julayi 17, Cawe

Ngaphezu koko, siqhayisa nangeembandezelo ezi, sisazi nje ukuba iimbandezelo zisiqhelisa ukunyamezela. Ke ukunyamezela kubonisa ukuba sicikidekile. Ukucikideka ke kudala ithemba.

KWABASEROMA 5:3-4 ukubandezeleka ithemba uvuyo

2016 Julayi 16, Mgqibelo

Thembela kuNdikhoyo wena, wenze okulungileyo;
uya kuba sisima-mhlaba, ube nekamva.

INdumiso 37:3 thembela ukhuseleko ukulunga

2016 Julayi 15, Lwesihlanu

Kaloku abo bakhokelwa nguMoya kaThixo, bangoonyana bakaThixo.

KWABASEROMA 8:14 ukuthobela Umoya abantwana

2016 Julayi 14, Lwesine

Ndive ilizwi elikhulu, livela ngasesihlalweni sokulawula, lisithi: “Uyasibona esi sixeko? Kulapho uThixo ahlala khona nabantu. Uya kuhlala phakathi kwabo, babe yimilowo yakhe, yena abe nguThixo wabo. UThixo ngenkqu uya kuhlala nabo. Uya kubosula zonke iinyembezi. Akusayi kubuye kubekho kufa, nalusizi, nasikhalo, nazintlungu. Kaloku lidlule ilizwe lokuqala.”

ISITYHILELO 21:3-4 uThixo usizi ukukhathazeka

2016 Julayi 13, Lwesithathu

Kukho indlela ebonakala ngokungathi ilungile emntwini,
kodwa isiphelo sayo sisa ekufeni.

IZAFOBE 14:12 ubulungisa ubomi isono

2016 Julayi 12, Lwesibini

Kambe ke uNdikhoyo usanilindele,
usazungula ukunibabala ngesisa.
Kaloku yena nguThixo ongajika-jikiyo;
hayi ithamsanqa labo bakholosa ngaye!

UISAYA 30:18 ubabalo ubulungisa umonde

2016 Julayi 11, Mvulo

Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”

UYOHANE 14:23 uthando ukuthobela UTata

2016 Julayi 10, Cawe

Kaloku izibele zothando lwakho ziyabugqwesa nobomi,
ngoko ndiya kuhlala ndikudumisa.
Ndiya kukubonga lo gama ndisaphilayo;
ndiya kunyukela kuwe ngomthandazo.

INdumiso 63:3-4 uthando ubomi unqulo

2016 Julayi 9, Mgqibelo

Ngoko ke mna Nebhukadenezare ndiyambonga ndimdumisa ndimzukisa uKumkani osezulwini. Kaloku konke akwenzayo kulungile, nezenzo zakhe zifanelekile. Ke bona abanekratshi yena uyabathoba.

UDANIYELI 4:37 ubulungisa ukuthobeka unqulo