Boloka (July 2016)

Sunday, July 31, 2016

Polelo tse monate
di ka mahe a dinotshi,
moyeng di a hlabosa,
di matlafatse mmele.

Saturday, July 30, 2016

Jwale tlotla e be ho Modimo Ntata rona kamehla le mehla. A ho be jwalo!

BAFILIPI 4:20 boikokobetšo go direla/hlankela Ntate

Friday, July 29, 2016

Petrose a re ho bona: “Bakang, mme e mong le e mong wa lona a kolobetswe ka lebitso la Jesu Kreste, le tle le tshwarelwe dibe tsa lona, mme le tla amohela mpho ya Moya o Halalelang.”

DIKETSO 2:38 tshwarelo Moya wa Modimo kolobetšo

Thursday, July 28, 2016

A ke ke a tlohela leoto la hao,
a le tlohella ho thella,
molebedi wa hao a ke ke a otsela.

PESALEMA 121:3 tshepo potego go ikanya

Wednesday, July 27, 2016

Ka seroko, Paulosi le Silase ba rapela, ba tlotlisa Modimo ka difela, mme batshwaruwa ba ba mamela.

DIKETSO 16:25 go direla/hlankela thapelo go theeletša

Tuesday, July 26, 2016

Jesu a araba, a re ho yena: “Haeba o batla ho phetheha, eya, o rekise maruo a hao, o abele mafutsana tjhelete eo, mme o tla ba le letlotlo lehodimong; jwale o tle, o ntatele.”

MATHEU 19:21 go hloka bosodi go fa mahumo a lefase

Monday, July 25, 2016

Mahlo a ka a tadima dithabeng;
ekaba thuso ya ka e tla tswa kae?
Thuso ya ka e tswa ho Morena,
ya entseng mahodimo le lefatshe.

PESALEMA 121:1-2 tlholo tlhohleletšo go ikanya

Sunday, July 24, 2016

Hobane moo letlotlo la hao le leng teng, le yona pelo ya hao e tla ba hona teng.

MATHEU 6:21 mahumo a lefase tšhelete pelo

Saturday, July 23, 2016

Modimo wa ka o tla le sitsa ka tsohle tseo le di hlokang, ho ya ka bongata ba maruo a hae, ka Kreste Jesu.

BAFILIPI 4:19 tshepo Jesu tšhegofatšo

Friday, July 22, 2016

Metswalle mmotwana
e isa motho timelong,
wa sebele yena o tshepahala
ho feta ngwanabo motho.

MAELE 18:24 segwera lapa

Thursday, July 21, 2016

Ha ho le jwalo, a re leboheng Modimo ya re neileng ho hlola ka Morena wa rona Jesu Kreste.

1 BAKORINTHE 15:57 Jesu tebogo go hlola

Wednesday, July 20, 2016

Mohau wa Morena Jesu Kreste o ke o be le lona.

BAFILIPI 4:23 kgaugelo Jesu tšhegofatšo

Tuesday, July 19, 2016

Etsa hore ke tsebe mohau wa hao,
ke o tsebe e sa le hoseng,
hobane ke o tshepile;
mpontshe tsela
eo nka tsamayang ka yona,
hobane ke o rapela
ka moya wa ka wohle.

PESALEMA 143:8 tshepo lerato peakanyo

A re hlokomelaneng, mme re kgothaletsaneng leratong le mesebetsing e metle. Re se ke ra furalla diphutheho tsa rona, jwalokaha ba bang ba tlwaetse. Empa re kgothatsane, haholoholo kaha le a bona hore Letsatsi la Morena le ntse le atamela.

BAHEBERU 10:24-25 go boya la bobedi setšhaba tlhohleletšo

Sunday, July 17, 2016

Ho feta mona, re motlotlo le hara matshwenyeho, ka ho tseba hore matshwenyeho a hlahisa mamello, mamello ke bopaki ba hore re amohelehile, ho amoheleha hoo ho hlahisa tshepo.

BAROMA 5:3-4 tlaišego kholofelo lethabo

Saturday, July 16, 2016

Tshepa Morena, o etse botle,
o tle o iphelele lefatsheng ka kgotso.

PESALEMA 37:3 tshepo polokego botse

Friday, July 15, 2016

Bohle ba tsamaiswang ke Moya wa Modimo ke bana ba Modimo.

BAROMA 8:14 boikobo Moya wa Modimo bana

Thursday, July 14, 2016

Ka utlwa lentswe le phahameng, le tswang teroneng, le re: “Bona, leaho la Modimo ke leo hara batho. O tla aha le bona; bona e tla ba setjhaba sa hae, mme Modimo ka sebele a be le bona, e le Modimo wa bona. O tla hlakola meokgo yohle mahlong a bona, mme lefu ha le sa tla hlola le eba teng, esita le mahlomola, kapa dillo, kapa bohloko, hobane tsa kgale di fetile.”

TŠENOLO 21:3-4 Modimo manyami go belaela