Boloka (August 2016)

Wednesday, August 31, 2016

O tadimelang phatsa e ka leihlong la ngwaneno, empa o sa lemohe sekoqo se ka leihlong la hao?

Tuesday, August 30, 2016

Bea mesebetsi ya hao
atleng tsa Morena,
mme merero ya hao
e tla phethahala.

Yena eo matla a hae, ka ho sebetsa ka ho rona, a ka etsang tse fetang hole tseo re ka di kopang kapa tseo re ka di hopolang, a ke a tlotliswe kerekeng le ho Kreste Jesu, kamehla le mehla, ka mengwaha le mengwaha. A ho be jwalo!

BAEFESE 3:20-21 boikokobetšo go direla/hlankela maatla

Sunday, August 28, 2016

Jesu a ba araba, a re: “Ruri ke a le bolella hore haeba le ena le tumelo, le sa belaele, ha le na ho etsa feela se entsweng sefateng sa feiye, empa leha le ka re ho thaba ena: ‘Sutha, o yo wela lewatleng,’ hoo ho tla etsahala.”

MATHEU 21:21 tumelo go bolela mehlolo

Saturday, August 27, 2016

Tshepa Morena
ka pelo ya hao yohle,
o se ke wa tshepa bohlale ba hao.
Kenya Morena mererong ya hao,
mo kenye ho yona yohle,
tsela tsa hao a tla di otlolle.

MAELE 3:5-6 tshepo go ikanya pelo

Friday, August 26, 2016

Ke kopa Modimo wa Morena wa rona Jesu Kreste, Ntate ya tlotlehang, hore a ke a le fe moya wa bohlale o le senolelang yena, le tle le mo tsebe.

BAEFESE 1:17 Moya wa Modimo bohlale kwešišo

Thursday, August 25, 2016

Mme tshepo eo ha e swabise, hobane dipelo tsa rona di tlatsitswe lerato la Modimo ke Moya o Halalelang oo re o neilweng.

BAROMA 5:5 kholofelo pelo Moya wa Modimo

Wednesday, August 24, 2016

Ako re thuse, Modimo,
wena mopholosi wa rona,
bitso la hao le tle le tlotliswe;
ako re namolele,
mme o re tshwarele dibe
ka baka la lebitso la hao.

PESALEMA 79:9 phološo go direla/hlankela sebe

Tuesday, August 23, 2016

Se ahloleng ba bang, hore Modimo a tle a se ke a le ahlola.

MATHEU 7:1 molao kahlolo

Monday, August 22, 2016

Jesu a araba, a re ho bona: “Mosebetsi wa Modimo ke hore le dumele ho eo a mo romileng.”

JOHANNE 6:29 tumelo Modimo Jesu

Sunday, August 21, 2016

Bitso le letle le molemo
ho feta maruo a mangata,
ho hlompheha ho molemo
ho feta silefera kapa kgauta.

MAELE 22:1 tšhelete mahumo a lefase ditswalano

Saturday, August 20, 2016

Haeba re re re phedisana le yena, empa re phela lefifing, re leshano, mme ha re phethe tsa nnete.

1 JOHANNE 1:6 sebe go tshepega nnete

Friday, August 19, 2016

Le tla mpatla, mme le mphumane, haeba le mpatla ka dipelo tsa lona tsohle.

JEREMIA 29:13 go nyaka pelo moya

Thursday, August 18, 2016

Morena, molemo wa hao
o mokaakang!
O o boloketse ba o tshabang;
pontsheng ya bana ba batho
o o etsetsa ba tshabelang ho wena.

PESALEMA 31:20 tshepo letšhogo tšhegofatšo

Wednesday, August 17, 2016

Fanang, mme le tla fuwa: mekotlaneng ya lona le tla tshellwa haholo, e hlohlwe, e hlokohlwe, e sasamale, hobane le tla lekanyetswa ka tekanyo eo le lekanyang ka yona.

LUKA 6:38 moputso go fa go amogela

Tuesday, August 16, 2016

Ho tloha nakong eo, Jesu a qala ho ruta, a re: “Bakang, hobane Mmuso wa mahodimo o atametse!”

MATHEU 4:17 Jesu tshokologo boebangedi

Monday, August 15, 2016

Leha mmele wa ka
le pelo ya ka di ka fela,
Modimo ke lefika la ka
le kabelo ya ka kamehla.

PESALEMA 73:26 maatla bophelo go ikanya

Sunday, August 14, 2016

Mme ya sa nkeng sefapano sa hae a ntatela ha a ntokele.

MATHEU 10:38 tlaišego Jesu go latela

Saturday, August 13, 2016

Yaba Jobo o a ema, o hahola seaparo sa hae, o beola hlooho ya hae, o itahlela fatshe ho rapela,
o re:
“Ke tswetswe ke mme ke le feela,
ke tla ya lebitleng
ke ntse ke le feela.
Morena o na fane,
Morena o amohile,
ho ke ho roriswe lebitso la hae.”

JOBO 1:20-21 go direla/hlankela tlaišego manyami

Friday, August 12, 2016

Ke ikgethetse tsela ya nnete,
dikahlolo tsa hao ke di hlokometse.

PESALEMA 119:30 tumelo molao nnete

Thursday, August 11, 2016

Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.

JAKOBO 3:13 boikokobetšo bohlale bophelo