Boloka (September 2016)

Friday, September 30, 2016

Ke tla bonahatsa jwalo boholo ba ka le kgalalelo ya ka, ke itsebise ditjhaba tse ngata moo di ntseng di bona. Kahoo di tla tseba hore ke nna Morena.

ESEKIELE 38:23 Modimo kgalalelo boebangedi

Thursday, September 29, 2016

Ya patang dibe tsa hae
a ke ke a ba le katleho;
ya ipolelang tsona, a di bakela,
o tla fumana mohau.

MAELE 28:13 sebe boipobolo mohau

Hase lona le nkgethileng, empa ke nna ke le kgethileng, mme ke le beile hore le ye, le behe ditholwana, mme ditholwana tsa lona di dulele ruri, hore eng le eng eo le e kopang Ntate ka lebitso la ka, a le fe yona.

JOHANNE 15:16 boikobo thapelo pitšo

Tuesday, September 27, 2016

Ruri Morena Modimo
ha a ke a etsa letho
a eso senole morero wa hae,
a o senolela bahlanka ba hae,
bahlanka ba hae, baporofeta.

AMOSE 3:7 porofeto peakanyo potego

Monday, September 26, 2016

Sethoto ha se thabele
ho ba le kutlwisiso,
se thabela
ho pepesa mehopolo ya sona.

MAELE 18:2 go bolela bohlale go inaganela o le tee

Sunday, September 25, 2016

Lona basadi, ikokobeletseng banna ba lona, jwalokaha le ikokobeletsa Morena, hobane monna ke hlooho ya mosadi, jwalokaha le Kreste e le hlooho ya Kereke. Ke yena mopholosi wa mmele, e leng kereke.

BAEFESE 5:22-23 lenyalo Jesu phološo

Saturday, September 24, 2016

Ya bobedi ke ena: ‘Rata mohaeno jwalokaha o ithata.’ Ha ho taelo e nngwe e kgolo ho feta tsena.

MAREKA 12:31 molao lerato moagišane

Friday, September 23, 2016

Ya thahasellang ho loka le lerato
o tla fumana bophelo
le toka le tlotla.

MAELE 21:21 lerato boloki bophelo

Thursday, September 22, 2016

Maruo le hlompho di tswa ho wena,
tsohle di buswa ke wena;
tsoho la hao le matla, le sefea,
ho phahamisa le ho matlafatsa bohle.

1 LIKETSAHALO 29:12 ramatla maatla tšhelete

Wednesday, September 21, 2016

Nna, nna ke inotshi,
ke nna ya le tshedisang.
O mang wena o tshabang batho,
dibopuwa tse shwang?
O tshabang batho
ba itshwanelang le jwang feela?

ESAEA 51:12 mohomotši letšhogo tlhohleletšo

Tuesday, September 20, 2016

Eba molomo
wa ba sa tsebeng ho ipuella,
o tseke tokelo
tsa bohle ba saretsweng.

MAELE 31:8 go bolela bokoa

Monday, September 19, 2016

Na hara lona ho teng ya kulang? A ke a bitse baholo ba kereke, hore ba tle ba mo tlotse ka ole ba ntse ba mo rapella ka lebitso la Morena. Thapelo e etswang ka tumelo e tla fodisa mobabi, mme o tla tsoswa diphateng ke Morena. Ha a entse dibe, o tla di tshwarelwa.

JAKOBO 5:14-15 bolwetši thapelo tumelo

Sunday, September 18, 2016

Ke Morena ya tla o etella pele. O tla ba le wena; a ke ke a o lahla kapa a o furalla. O se ke wa tshaba kapa wa tsieleha.

LIPOLELO 31:8 go latela letšhogo tlhohleletšo

Saturday, September 17, 2016

Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo.

PESALEMA 30:6 lerato bopelotelele manyami

Friday, September 16, 2016

Jwalokaha ba bangata ba entswe baetsadibe ka ho se mamele ha motho a le mong, ka mokgwa o jwalo ba bangata ba tla etswa ba lokileng ka ho mamela ha motho a le mong.

BAROMA 5:19 boloki boikobo phološo

Thursday, September 15, 2016

Ka mokgwa o jwalo, diaparo tsa basadi e be tse lokelang. Ba ikgabise ka tshwanelo le ka boitlhompho, e seng ka ho fora moriri, kapa ka mekgabiso ya kgauta, kapa ka mabenyane a bohlokwa, kapa ka diaparo tse theko e boima. Ba ikgabise ka diketso tse lokileng, tse tshwanelang basadi ba ipolelang hore ba hlompha Modimo.

1 TIMOTHEA 2:9-10 bobotse go direla/hlankela mahumo a lefase