Tahirin-kevitra (Aogositra 2016)

Alarobia 31 Aogositra 2016

Ary nahoana ianao no mijery ny sombin-kazo eo amin'ny mason'ny rahalahinao, fa ny andry eo amin'ny masonao dia tsy mba tsaroanao?

Matio 7:3 fahotana fitsarana

Talata 30 Aogositra 2016

Ankino amin'i Jehovah ny asanao,
Dia ho lavorary izay kasainao.

Ohabolana 16:3 fahatokisana fandrindrana fitahiana

Ary ho an'izay mahay manao mihoatra noho ny zavatra rehetra, eny, mihoatra lavitra noho izay rehetra angatahintsika na heverintsika aza, araka ny hery izay miasa ato amintsika, ho Azy anie ny voninahitra ao amin'ny fiangonana sy ao amin'i Kristy Jesosy hatramin'ny taranaka farany indrindra mandrakizay mandrakizay. Amena.

Efesiana 3:20-21 fanetren-tena fiankohofana tanjaka

Alahady 28 Aogositra 2016

Ary Jesosy namaly ka nanao taminy hoe: Lazaiko aminareo marina tokoa: Raha manam-pinoana ianareo ka tsy miahanahana, dia tsy izao natao tamin'ny aviavy izao ihany no ho vitanareo, fa raha hiteny amin'ity tendrombohitra ity aza ianareo ka hanao hoe: Mifindrà ianao, ka mianjerà any an-dranomasina, dia ho tonga izany.

Matio 21:21 finoana lahateny fahagagana

Asabotsy 27 Aogositra 2016

Matokia an'i Jehovah amin'ny fonao rehetra,
Fa aza miankina amin'ny fahalalanao;
Maneke Azy amin'ny alehanao rehetra,
Fa Izy handamina ny lalanao.

Ohabolana 3:5-6 fahatokisana fiankinan-doha fo

Zoma 26 Aogositra 2016

Mba homen'Andriamanitr'i Jesosy Kristy Tompontsika, Rain'ny voninahitra, ho anareo ny fanahin'ny fahendrena sy ny fanambarana amin'ny fahalalana Azy tsara.

Efesiana 1:17 Fanahy fahendresena mahatakatra

Alakamisy 25 Aogositra 2016

Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan'Andriamanitra ho ao am-pontsika.

Romana 5:5 fanantenana fo Fanahy

Alarobia 24 Aogositra 2016

Vonjeo izahay, ry Andriamanitry ny famonjena anay ô,
noho ny voninahitry ny anaranao;
ary afaho izahay, ka mamelà ny helokay,
noho ny anaranao.

Salamo 79:9 famonjena fiankohofana fahotana

Talata 23 Aogositra 2016

Aza mitsara, mba tsy hotsaraina ianareo.

Matio 7:1 lalàna fitsarana

Alatsinainy 22 Aogositra 2016

Jesosy namaly ka nanao taminy hoe: Izao no asan'Andriamanitra, dia ny hinoanareo Izay nirahiny.

Jaona 6:29 finoana Andriamanitra Jesosy

Alahady 21 Aogositra 2016

Aleo ho tsara laza toy izay ho be harena,
Ary tsara ny fitia noho ny volafotsy sy ny volamena.

Ohabolana 22:1 vola fitiavan-karena fandraisana

Asabotsy 20 Aogositra 2016

Raha hoy isika: Manana firaisana aminy isika, kanefa mandeha amin'ny maizina, dia mandainga isika ka tsy manao ny marina.

1 Jaona 1:6 fahotana fanaovana ny marina fahamarinana

Zoma 19 Aogositra 2016

Ary hitady Ahy ianareo, dia ho hitanareo Aho, raha katsahinareo amin'ny fonareo rehetra.

Jeremia 29:13 mitady fo aina

Alakamisy 18 Aogositra 2016

Akory re ny haben'ny zava-tsoanao voarakitrao
ho an'ny matahotra Anao!
dia izay nataonao teo anatrehan'ny zanak'olombelona
ho an'izay mialoka aminao!

Salamo 31:19 fahatokisana tahotra fitahiana

Alarobia 17 Aogositra 2016

Omeo, dia mba homena ianareo; fatra tsara sady ahintsana no afatratra ka mihoatra no homeny ho ao am-pofoanareo. Fa izay fatra ataonareo no hamarana ho anareo kosa.

Lioka 6:38 valisoa manomeza fahazoana

Talata 16 Aogositra 2016

Ary tamin'izany andro izany dia nanomboka nitori-teny Jesosy ka nanao hoe: Mibebaha ianareo, fa efa akaiky ny fanjakan'ny lanitra.

Matio 4:17 Jesosy fiovam-po fitoriana ny filazantsara

Alatsinainy 15 Aogositra 2016

Na dia levona aza ny nofoko sy ny foko,
dia mbola vatolampin'ny foko
sy anjarako mandrakizay Andriamanitra.

Salamo 73:26 tanjaka fiainana fiankinan-doha

Alahady 14 Aogositra 2016

Ary izay tsy mitondra ny hazo fijaliany ka tsy manaraka Ahy dia tsy miendrika ho Ahy.

Matio 10:38 fijaliana Jesosy fanarahana

Asabotsy 13 Aogositra 2016

Dia nitsangana Joba ka nandriatra ny lambany, ary nanaratra ny lohany, dia niapoka tamin'ny tany ka niankohoka sady nanao hoe: Nitanjaka no nivoahako avy tany an-kibon'ineny, ary mitanjaka no hiverenako any; Jehovah no nanome, ary Jehovah no nanaisotra; isaorana anie ny anaran'i Jehovah.

Joba 1:20-21 fiankohofana fijaliana fisaonana

Zoma 12 Aogositra 2016

Ny lalàn'ny fahamarinanao no fidiko;
Apetrako eo anatrehako ny fitsipikao.

Salamo 119:30 finoana lalàna fahamarinana

Alakamisy 11 Aogositra 2016

Iza eo aminareo no hendry sy manam-pahalalana? Aoka hasehony amin'ny fitondran-tena tsara ny asany amin'ny fahalemem-panahin'ny fahendrena.

Jakoba 3:13 fanetren-tena fahendresena fiainana

Alarobia 10 Aogositra 2016

Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny fanatrehan'ny Tompo.

Asan'ny Apostoly 3:19 fiovam-po fahotana famelàn-keloka

Talata 9 Aogositra 2016

Mamandrika ny tahotra olona;
Fa izay matoky an'i Jehovah no hovonjena.

Ohabolana 29:25 fahatokisana tahotra

Alatsinainy 8 Aogositra 2016

Ny zavatra rehetra azo atao, nefa tsy ny zavatra rehetra no mahasoa; ny zavatra rehetra azo atao, nefa tsy ny zavatra rehetra no mampandroso.

1 Korintiana 10:23 lalàna hatsaram-panàhy rariny

Alahady 7 Aogositra 2016

Fa tsy sitrako ny fahafatesan'izay maty, hoy Jehovah Tompo. Koa mibebaha ianareo mba ho velona.

Ezekiela 18:32 fiovam-po fahafatesana fiainana mandrakizay

Asabotsy 6 Aogositra 2016

Izay mino anatra dia ho tonga eo amin'ny lalan'ny fiainana;
Fa mivily izay mandà anatra.

Ohabolana 10:17 fankatoavana fiainana mihaino

Zoma 5 Aogositra 2016

Raha velon'ny Fanahy isika, dia aoka handeha araka ny Fanahy.

Galatiana 5:25 Fanahy fiainana fanarahana

Alakamisy 4 Aogositra 2016

Izaho efa nandevona ny fahadisoanao tahaka ny fandevona ny zavona,
ary ny fahotanao tahaka ny rahona;
Koa miverena amiko, fa efa nanavotra anao Aho.

Isaia 44:22 fahotana famonjena fiovam-po

Alarobia 3 Aogositra 2016

Hanandratra Anao aho, ry Andriamanitro Mpanjaka ô,
Sy hankalaza ny anaranao mandrakizay doria.

Salamo 145:1 fiankohofana fiainana mandrakizay fiderana

Talata 2 Aogositra 2016

Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.

Efesiana 4:26-27 fahotana hatezerana faharatsiana

Alatsinainy 1 Aogositra 2016

Fa raha mandeha eo amin'ny mazava isika, tahaka Azy eo amin'ny mazava, dia manana firaisana isika, ary ny ran'i Jesosy Zanany no manadio antsika ho afaka amin'ny ota rehetra.

1 Jaona 1:7 fanadiovana sorona fiaraha-monina