Gcina (Juni 2016)

2016 Juni 30, Lwesine

Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!

2016 Juni 29, Lwesithathu

Mna ndinguNdikhoyo, uThixo wakho;
ndokugcina ndikomeleze,
ndithi kuwe: ‘Sukuphaphazela, ndiza kukunceda.’

UISAYA 41:13 uThixo uloyiko ukuxhomekeka

2016 Juni 28, Lwesibini

Ndikhwebule kubuqhetseba nokuxoka;
mandingade ndibe sisityebi okanye ndihlwempuzeke,
nto nje ndiqhekezele isonka sam semihla ngemihla.

IZAFOBE 30:8 ukuthanda izinto eziphathekayo ukutya imali

2016 Juni 27, Mvulo

Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.

UMATEWU 18:20 UYesu uluntu umthandazo

2016 Juni 26, Cawe

Wanga angakuthi jize ngamathamsanqa uNdikhoyo,
akulondoloze.
Wanga angayindlezane kuwe uNdikhoyo,
usixhamle isisa sakhe.
Wanga angakwazelelela uNdikhoyo,
akwambathise uxolo.

EYASENTLANGO 6:24-26 ubabalo intsikelelo uxolo

2016 Juni 25, Mgqibelo

Uzungandibandezeli inceba yakho, Ndikhoyo;
ndilondoloze ngenceba nenyaniso.

INdumiso 40:11 uthando ukuthembeka ukukhuselwa

2016 Juni 24, Lwesihlanu

Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.

KWABASEFILIPI 4:9 uxolo ukuphulaphula ukufunda

2016 Juni 23, Lwesine

Ke kaloku, mawethu, ndiyaniyala: balumkeleni abaxabanisayo nabakhubekisayo, besenza okuchaseneyo nemfundiso enayifundiswayo nina. Zikhwebuleni kubo.

KWABASEROMA 16:17 ubungcwele uluntu ububi

2016 Juni 22, Lwesithathu

Ikratshi lomntu lilandelwa yintshabalalo;
ke lona udumo lukhokelwa yintobeko.

IZAFOBE 18:12 ukuthobeka ikratshi

2016 Juni 21, Lwesibini

Singumsebenzi wezandla zikaThixo ke thina. Kaloku simanywe noYesu Krestu nje, uThixo wasidalela ukuba sizinikele ekwenzeni imisebenzi emihle awasimisela yona kwangaphambili.

KWABASE-EFESE 2:10 indalo UYesu ukulandela

2016 Juni 20, Mvulo

Likwanjalo ke nelizwi endilithethayo:
alibuyi lilambatha,
koko liyawufezekisa umnqweno wam,
liliqaqambise icebo lam.

UISAYA 55:11 ILizwi likaThixo ukuthetha ukuthembeka

2016 Juni 19, Cawe

Ukuthetha komntu kulawula ukuphila nokufa;
ke othetha kakhulu uvuna iziqhamo zaloo nto.

IZAFOBE 18:21 ukuthetha intsikelelo ukuzibamba

2016 Juni 18, Mgqibelo

Nakuwe ke mntundini ugwebayo, nokuba ungubani, amatyholo aphelile. Ewe, ngokugweba omnye, uzigweba ngokwakho. Kaloku wena ugwebayo, wenza kwaezo zinto ugweba omnye ngazo.

KWABASEROMA 2:1 ubulungisa umgwebo ummelwane

2016 Juni 17, Lwesihlanu

Phaphani, nime zinzi elukholweni! Khaliphani, nomelele!

1 KWABASEKORINTE 16:13 ukholo amandla isibindi

2016 Juni 16, Lwesine

Ubulumko ngoyena ndoqo, bufunisise!
Fumana ingqiqo, nokuba kudle konke onako.

IZAFOBE 4:7 ubulumko ukuqonda

Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”

UYOHANE 8:31-32 inyaniso ILizwi likaThixo ukulandela

2016 Juni 14, Lwesibini

Kodwa nguwuphi uThixo onjengawe?
Nguwuphi oxolela ubugwenxa,
angazihoyi iziphoso zamasalela elifa lakhe?
Wena akuhlali uqumbile ngonaphakade;
kaloku uyimvuze-mvuze bububele.

UMIKA 7:18 isono inceba uxolelo

2016 Juni 13, Mvulo

Yibongeni iNkosi!
Mihla le iyasazelelela, uThixo ngumsindisi wethu.

INdumiso 68:19 unqulo ukuxhomekeka usindiso

2016 Juni 12, Cawe

Zihlobo, musan' ukusuka nikhokelwe nje nanguwuphi na umoya. Wonke umoya wuvavanyeni, nikhangele ukuba ngaba uvela kuThixo na. Kaloku baninzi abashumayeli abanefuthe lobuxoki abajikeleza elizweni.

1 KAYOHANE 4:1 thembela Umoya isiprofeto

2016 Juni 11, Mgqibelo

Waza uYesu wathi: “Oko aba umntu akunakwenzeka, kunokwenziwa nguThixo.”

ULUKA 18:27 imimangaliso usindiso UYesu

2016 Juni 10, Lwesihlanu

Lungaziphatha kanjani ulutsha ukuze ihambo yalo ibe nyulu?
Ngokuthobela ilizwi lakho.

INdumiso 119:9 ubungcwele ILizwi likaThixo izixhobo

2016 Juni 9, Lwesine

Kodwa ke, wena mntu uzinikele ngokupheleleyo kuThixo, zicezele zonke ezi zinto. Phuthuma ukulungisa, unqulo, ukuthemba, uthando, ukunyamezela, nobulali.

1 KUTIMOTI 6:11 ukholo uthando ubulungisa

2016 Juni 8, Lwesithathu

Ngamandla akhe uThixo usenzele zonke izinto eziyimfuneko ebomini, ukuze siziphathe ngokwentando yakhe; nokuze sazane nalowo usibizileyo, khon' ukuze sibuxhamle ubuqaqawuli nesidima sakhe.

2 KAPETROS 1:3 amandla ubomi ukwamkela

2016 Juni 7, Lwesibini

Umntu uzilahlela kuloo nto ayinqwenelayo;
phofu akunani kwaukuba lihlwempu kunokuba lixoki.

IZAFOBE 19:22 ukuthembeka imali ukulunga

2016 Juni 6, Mvulo

Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.

ISITYHILELO 3:20 ukuthobela ukutya ukuphulaphula

2016 Juni 5, Cawe

Ewe, uThixo unyule izinto ezibonakala zidelekile ebantwini, ngathi azinto yanto, azikho nokubakho, ezinyulela ukuze aphuthise ngazo izinto ezibonakala ngathi zibalulekile ebantwini. Xa kunjalo ke akukho namnye unokuqhayisa.

1 KWABASEKORINTE 1:28-29 ukuthobeka ubizo umhlaba