Gcina (Meyi 2016)

2016 Meyi 31, Lwesibini

Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.

1 KAPETROS 1:8-9 ukholo uvuyo usindiso

2016 Meyi 30, Mvulo

Ngoko ke, nimanywe neNkosi nje, yonwabani! Ewe, ndiyaphinda ndithi vuyani!

KWABASEFILIPI 4:4 uThixo uvuyo

2016 Meyi 29, Cawe

Ndithe cwaka ndikholose ngoThixo;
kaloku nguye yedwa ondikhululayo.

INdumiso 62:1 usindiso phumla umphefumlo

2016 Meyi 28, Mgqibelo

Imibulelo neziqalekiso zimpompoza mlonyeni mnye. Mawethu, mayingenzeki le nto!

EKAYAKOBI 3:10 isono ukuthetha unqulo

Utsho uNdikhoyo onamandla onke ukuthi: ‘Wisani izigwebo ezinyanisekileyo, nenzelane ububele nenceba omnye nomnye. Musani ukubacinezela abahlolokazi neenkedama, ngokunjalo nabangeneleli kunye namahlwempu, ningayili ububi ezintliziyweni zenu omnye komnye.’

UZAKARIYA 7:9-10 ububi ubulungisa ummelwane

2016 Meyi 26, Lwesine

Bulelani uNdikhoyo, ninqule igama lakhe,
nizibalisel' iintlanga ngezintw' asenzele zona.

INdumiso 105:1 ukuthetha ukuvangela unqulo

2016 Meyi 25, Lwesithathu

Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.

KUMAHEBHERE 12:11 ubulungisa uxolo abantwana

2016 Meyi 24, Lwesibini

Zama kangangoko unako ukuba ukholeke kuThixo, ube ngumntu ongenadyudyu ngomsebenzi wakhe, uyifundisa ngokufanelekileyo inyaniso.

2 KUTIMOTI 2:15 ukunyaniseka inyaniso umsebenzi

2016 Meyi 23, Mvulo

Umntu oyinyolukeleyo imali soze imanelise;
kanti ke noxhinele ubutyebi akaze aneliswe yingeniso yakhe.
Nale ke into ngamampunge.

AMAVA ENGQONDI 5:10 imali ukubawa ukuthanda izinto eziphathekayo

2016 Meyi 22, Cawe

Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.

UHLAZIYO-MNQOPHISO 28:1 umthetho ukuthobela intsikelelo

2016 Meyi 21, Mgqibelo

Kuba kaloku noNyana woLuntu akezanga kukhonzwa, weza kukhonza, nokuncama ubomi bakhe, bube yintlawulelo yokukhulula abaninzi.

UMARKO 10:45 ukuthobeka UYesu umbingelelo

2016 Meyi 20, Lwesihlanu

Bambani ngazibini, kuba ulungile uNdikhoyo.
Kaloku izibele zakhe ziya kuhlala zikho ngonaphakade.

1 YEZIGANEKO 16:34 ukuthembeka unqulo umbulelo

2016 Meyi 19, Lwesine

NguNdikhoyo uThixo wenu emanimlandele, nimhlonele. Mthobeleni, niyenze imiyalelo yakhe; futhi mkhonzeni, nibambelele kuye.

UHLAZIYO-MNQOPHISO 13:4 ukumoyika uthixo ukuphulaphula ukulandela

2016 Meyi 18, Lwesithathu

Kanti ke, kwezi zinto zonke sisuka soyise sitshatshele ngalowo wasithandayo.

KWABASEROMA 8:37 ukoyisa uThixo uthando

2016 Meyi 17, Lwesibini

Awu, Thixo, zimaseka phezulu esibhakabhakeni;
isidima nesihomo sakho masibe phezu kwehlabathi jikelele.

INdumiso 108:5 unqulo izulu

2016 Meyi 16, Mvulo

Zondelelani ningatyhafi. Yibani nefuthe loMoya. Yikhonzeni iNkosi.

KWABASEROMA 12:11 ukuthobela Umoya ukukhonza

2016 Meyi 15, Cawe

Kwabonakala amadangatye angathi ziilwimi, laza lalelo idangatye lahlala kumntu ngamnye kubo. Bazaliswa ke bonke nguMoya oyiNgcwele, baza bathetha ngalwimi zimbi, njengoko uMoya wabaphayo.

UMSEBENZI WABATHUNYWA 2:3-4 ukuthetha Umoya ipentekoste

2016 Meyi 14, Mgqibelo

Ke ngoko, xa sukuba usipha ihlwempu, uze ungemi phezu kwendlu umemeze, njengokuba besenjenjalo abahanahanisi ezindlwini zesikhungo nasezitalatweni, ukuze banconywe ngabantu. Inene, sebewufumene umvuzo wabo.

UMATEWU 6:2 ukuthobeka ibuyiselo ukupha

2016 Meyi 13, Lwesihlanu

Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.

1 KAYOHANE 4:18 uthando uloyiko isohlwayo

2016 Meyi 12, Lwesine

Ndazibika kuNdikhoyo ndikuloo ngxingongo,
ndalucela uncedo kuThixo wam.
Wandiva engqendeve ebhotwe lakhe,
savakala kuye isikhalo sam.

INdumiso 18:6 ukuthetha umthandazo ukuphulaphula

2016 Meyi 11, Lwesithathu

Intetho ekrwada mayingaphumi emilonyeni yenu. Ukuthetha kwenu makuthambe, kube kokwakhayo, ukuze kube luncedo nentsikelelo kwabaphulaphuleyo.

KWABASE-EFESE 4:29 ukuthetha ukuhleba ukulunga

2016 Meyi 10, Lwesibini

Ewe, uNdikhoyo ulungile:
ungumqolomba ngamaxesha eenkathazo;
ubakhathalele abo bathembele kuye.

UNAHUM 1:7 ukukhuselwa ukulunga ukhuseleko

2016 Meyi 9, Mvulo

Bathembele ngawe, Ndikhoyo, bonke abakwaziyo;
kaloku akuzange ubafulathele abo bakufunayo.

INdumiso 9:10 thembela ukufuna ukuthembeka

2016 Meyi 8, Cawe

Uthe ke uNdikhoyo uThixo emva koko: “Akukuhle ukuba le ndoda ihlale ililolo. Kuhle ndiyenzele umlingane onokuncedisana nayo.”

EYEZIQALO 2:18 indalo umtshato ubudlelwane

2016 Meyi 7, Mgqibelo

Musani ukuzikhohlisa ngokuliphulaphula nje qha ilizwi likaThixo. Endaweni yaloo nto nina yenzani oko likuthethayo.

EKAYAKOBI 1:22 ukuthobela ILizwi likaThixo ukuphulaphula

2016 Meyi 6, Lwesihlanu

Khumbula, Ndikhoyo, inceba yakho,
nothando lwakho obukade unalo kwakudala.
Ungazikhumbuli izono zobutsha bam,
nokungathobeli kwam umthetho wakho;
kanye ndazelelele ngothando olungagungqiyo,
ngenxa yobubele bakho, Ndikhoyo.

INdumiso 25:6-7 isono inceba ukulunga