Ingobo yomlando (Meyi 2016)

ULwesibili, Meyi 31, 2016

Enimthanda ningambonanga, enithi ningamboni manje nikholwa nguye, nithokoza ngentokozo engakhulumekiyo netusekayo, namukela isigcino sokukholwa kwenu esiyinsindiso yemiphefumulo.

1 kaPetru 1:8-9 inkolo injabulo insindiso

UMsombuluko, Meyi 30, 2016

Thokozani eNkosini njalonjalo; ngiyaphinda ngithi: Thokozani!

KwabaseFilipi 4:4 UNkulunkulu injabulo

ISonto, Meyi 29, 2016

Umphefumulo wami uzithulele kuNkulunkulu kuphela;
insindiso yami ivela kuye.

AmaHubo 62:1 insindiso ukuphumula umphefumulo

UMgqibelo, Meyi 28, 2016

Emlonyeni munye kuphuma ukubusisa nokuqalekisa. Akufanele, bazalwane bami, ukuba lokho kube kanjalo.

EkaJakobe 3:10 isibi ukukhuluma khulekela

Washo kanje uJehova Sebawoti, wathi: ‘Yahlulelani izahlulelo eziqinisileyo, nenze umusa nobubele, kube yilowo nalowo kumfowabo, ningacindezeli abafelokazi, nezintandane, nabafokazi, nabampofu, kungabi ngoceba okubi ngomfowabo enhliziyweni yakhe.’

UZakariya 7:9-10 okubi ukulunga umakhelwane

ULwesine, Meyi 26, 2016

Bongani uJehova, nibize igama lakhe,
nizazise phakathi kwabantu izenzo zakhe.

AmaHubo 105:1 ukukhuluma ukuvangela khulekela

ULwesithathu, Meyi 25, 2016

Ukulaya konke okwamanje kungathi akusikho okwentokozo, kepha kungokosizi, kodwa ngasemuva kuyabathelela isithelo esihle sokulunga labo abahlakahliswe yikho.

KumaHeberu 12:11 ukulunga ukuthula izingane

ULwesibili, Meyi 24, 2016

Khuthalela ukuba uziveze uthembekile kuNkulunkulu, isisebenzi esingenamahloni, esiqondisa kahle izwi leqiniso.

2 kuThimothewu 2:15 thembeka iqiniso umsebenzi

UMsombuluko, Meyi 23, 2016

Othanda imali akayikusutha ngemali,
nothanda okuningi akaneliswa yizithelo;
nalokho kuyize.

UmShumayeli 5:10 imali ukwemana ukuthanda izinto ezibambekayo

ISonto, Meyi 22, 2016

Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.

UDuteronomi 28:1 umthetho ukulalela umthetho isibusiso

UMgqibelo, Meyi 21, 2016

Ngokuba nayo iNdodana yomuntu ayizelanga ukukhonzwa kepha ukukhonza nokunikela ukuphila kwayo, kube yisihlengo sabaningi.

NgokukaMarku 10:45 ukuthobeka UJesu umhlatshelo

ULwesihlanu, Meyi 20, 2016

Bongani uJehova, ngokuba muhle,
ngokuba umusa wakhe umi phakade.

1 iziKronike 16:34 thembekile khulekela ukubonga

ULwesine, Meyi 19, 2016

Niyakuhamba emva kukaJehova uNkulunkulu wenu, nimesabe, niyigcine imiyalo yakhe, nililalele izwi lakhe, nimkhonze, ninamathele kuye.

UDuteronomi 13:4 mangala ukulalela ukulandela

ULwesithathu, Meyi 18, 2016

Kepha kukho konke lokho siyanqoba nokunqoba ngowasithandayo.

KwabaseRoma 8:37 ukunqoba UNkulunkulu uthando

ULwesibili, Meyi 17, 2016

Phakama, Nkulunkulu,
phezu kwezulu,
inkazimulo yakho ibe phezu komhlaba wonke.

AmaHubo 108:5 khulekela izulu

UMsombuluko, Meyi 16, 2016

Ekukhuthaleni ningenqeni, nivuthe emoyeni, nikhonze iNkosi.

KwabaseRoma 12:11 ukulalela umthetho UMoya ukukhonza

ISonto, Meyi 15, 2016

Kwase kubonakala kubo izilimi ezahlukeneyo kungathi ezomlilo; zahlala phezu kwalowo nalowo kubo. Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.

IzEnzo 2:3-4 ukukhuluma UMoya ipentekoste

UMgqibelo, Meyi 14, 2016

Ngakho-ke nxa wabela isipho, ungakhalisi icilongo phambi kwakho, njengalokhu kwenza abazenzisi emasinagogeni nasemigwaqweni ukuba badunyiswe ngabantu. Ngiqinisile ngithi kini: Sebewamukele umvuzo wabo.

NgokukaMathewu 6:2 ukuthobeka umvuzo ukupha

ULwesihlanu, Meyi 13, 2016

Akukho ukwesaba othandweni, kepha uthando olupheleleyo luyaxosha ukwesaba, ngokuba ukwesaba kunesijeziso, nowesabayo akaphelele othandweni.

1 kaJohane 4:18 uthando uvalo isijeziso

ULwesine, Meyi 12, 2016

Ekuhluphekeni kwami ngambiza uJehova,
ngakhala kuNkulunkulu wami;
walizwa izwi lami esethempelini lakhe;
ukukhala kwami phambi kwakhe kwangena ezindlebeni zakhe.

AmaHubo 18:6 ukukhuluma umkhuleko ukulalela

ULwesithathu, Meyi 11, 2016

Makungaphumi emlonyeni wenu nalinye izwi elibolileyo, kodwa kube ngelilungele ukwakha njengokuswelekileyo, ukuze libavezele umusa abezwayo.

Kwabase-Efesu 4:29 ukukhuluma inhlebo okuhle

ULwesibili, Meyi 10, 2016

UJehova muhle, uyinqaba ngosuku lwenhlupheko,
uyabazi abaphephela kuye.

UNahume 1:7 ukuvikela okuhle ukuphepha

UMsombuluko, Meyi 9, 2016

Nabalaziyo igama lakho bayakwethemba wena;
ngokuba wena Jehova awubashiyi abakufunayo.

AmaHubo 9:10 ukwethemba ukufuna thembekile

ISonto, Meyi 8, 2016

UJehova uNkulunkulu wathi: “Akukuhle ukuba umuntu ahlale yedwa. Ngizakumenzela umsizi onjengaye.”

UGenesise 2:18 indalo umshado ubudlelwano

UMgqibelo, Meyi 7, 2016

Yibani ngabalenzayo izwi, ningabi ngabalizwayo kuphela, nizikhohlisa.

EkaJakobe 1:22 ukulalela umthetho IZwi likaNkulunkulu ukulalela

ULwesihlanu, Meyi 6, 2016

Khumbula, Jehova, ububele bakho nomusa wakho,
ngokuba kukhona kwaphakade.
Ungazikhumbuli izono zobusha bami neziphambeko zami;
ngikhumbule ngokomusa
wakho ngenxa yobubele bakho, Jehova.

AmaHubo 25:6-7 isibi isihe okuhle

ULwesine, Meyi 5, 2016

Kwathi eseshilo lokho, wakhushulwa bebuka; ifu lamsusa emehlweni abo.

IzEnzo 1:9 izimangaliso UJesu izulu

ULwesithathu, Meyi 4, 2016

UJesu ebabheka wathi: “Kubantu akunakwenzeka, kepha kuNkulunkulu akunjalo; ngokuba kuNkulunkulu kungenzeka konke.”

NgokukaMarku 10:27 izimangaliso insindiso UJesu

ULwesibili, Meyi 3, 2016

UJehova uyinqaba yocindezelweyo,
uyinqaba ezikhathini zokuhlupheka.

AmaHubo 9:9 ukuvikela ukuphepha

UMsombuluko, Meyi 2, 2016

Uthando lukaNkulunkulu lwabonakaliswa kithi ngalokho ukuthi uNkulunkulu wathumela ezweni iNdodana yakhe ezelwe yodwa ukuba siphile ngayo.

1 kaJohane 4:9 uthando UJesu ukuphila

ISonto, Meyi 1, 2016

Yilowo nalowo anikele njengalokho azikhethele khona enhliziyweni, kungabi ngokudabuka nangokucindezelwa, ngokuba uNkulunkulu uyamthanda onikelayo ethokoza.

2 kwabaseKorinte 9:7 injabulo ukupha inhliziyo