Tahirin-kevitra (Jona 2016)

Alakamisy 30 Jona 2016

Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany!

Alarobia 29 Jona 2016

Fa Izaho Jehovah Andriamanitrao
no mitantana ny tananao ankavanana,
dia ilay manao aminao hoe:
Aza matahotra, Izaho no hamonjy anao.

Isaia 41:13 Andriamanitra tahotra fiankinan-doha

Talata 28 Jona 2016

Ampanalaviro ahy ny zava-poana sy ny lainga;
Aza manome ahy alahelo na harena;
Fahano aho amin'izay anjara-hanina sahaza ho ahy.

Ohabolana 30:8 fitiavan-karena hanina vola

Alatsinainy 27 Jona 2016

Fa na aiza na aiza no iangonan'ny roa na telo amin'ny anarako, dia ao afovoany Aho.

Matio 18:20 Jesosy fiaraha-monina fivavahana

Alahady 26 Jona 2016

Hitahy anao anie Jehovah ka hiaro anao;
Hampamirapiratra ny tavany aminao anie Jehovah ka hamindra fo aminao;
Hanandratra ny tavany aminao anie Jehovah ka hanome anao fiadanana.

Nomery 6:24-26 fahasoavana fitahiana fiadanana

Asabotsy 25 Jona 2016

Hianao, Jehovah ô, aza miaro ny antranao tsy ho amiko;
aoka ny famindram-ponao sy ny fahamarinanao hiaro ahy mandrakariva.

Salamo 40:11 fitiavana fitokisana fiarovana

Zoma 24 Jona 2016

Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Filipiana 4:9 fiadanana mihaino mianatra

Alakamisy 23 Jona 2016

Fa izaho mananatra anareo, ry rahalahy, mba hitandrina ny amin'izay mahatonga ny fisarahana sy ny fahatafintohinana tsy araka ny fampianarana efa nianaranareo; mialà amin'ireny olona ireny.

Romana 16:17 fahamasinana fiaraha-monina faharatsiana

Alarobia 22 Jona 2016

Ny fireharehan'ny fon'ny olona mialoha ny fahasimbana;
Fa ny fanetren-tena kosa mialoha ny voninahitra.

Ohabolana 18:12 fanetren-tena fiavonavonana

Talata 21 Jona 2016

Fa asany isika, voaforona tao amin'i Kristy Jesosy mba hanao asa tsara, izay namboarin'Andriamanitra rahateo mba handehanantsika eo aminy.

Efesiana 2:10 famoroana izao tontolo izao Jesosy fanarahana

Alatsinainy 20 Jona 2016

Dia ho tahaka izany ny teniko izay aloaky ny vavako:
Tsy hiverina amiko foana izy,
raha tsy efa mahatanteraka izay sitrako
ary ambinina amin'izay ampandehanako azy.

Isaia 55:11 Tenin'Andriamanitra lahateny fitokisana

Alahady 19 Jona 2016

Ny mahafaty sy ny mahavelona samy hain'ny lela,
Koa izay manarana azy dia hihinana ny vokany.

Ohabolana 18:21 lahateny fitahiana fifehezan-tena

Koa amin'izany dia tsy manan-kalahatra ianao, ralehilahy, na zovy na zovy ianao izay mitsara; fa izay itsaranao ny sasany no anamelohanao ny tenanao koa, fa ianao izay mitsara aza dia mba manao izany ihany koa.

Romana 2:1 rariny fitsarana manaraka

Zoma 17 Jona 2016

Miambena ianareo, tomoera tsara amin'ny finoana, aoka hitombandahy, mahereza.

1 Korintiana 16:13 finoana tanjaka herim-po

Alakamisy 16 Jona 2016

Ny voaloham-pahendrena dia izao: Mahazoa fahendrena;
Eny, lanio ny fanananao rehetra hamidy fahalalana tsara.

Ohabolana 4:7 fahendresena mahatakatra

Alarobia 15 Jona 2016

Dia hoy Jesosy tamin'ny Jiosy izay nino Azy: Raha maharitra amin'ny teniko ianareo, dia ho mpianatro tokoa; ka ho fantatrareo ny marina, ary ny marina hahafaka anareo tsy ho andevo.

Jaona 8:31-32 fahamarinana Tenin'Andriamanitra fanarahana

Talata 14 Jona 2016

Iza no Andriamanitra tahaka Anao,
Izay mamela heloka
Sady mandalo ny fahadisoan'ny sisa amin'ny lovany?
Tsy mitana ny fahatezerany ho mandrakizay Izy,
Fa tia famindram-po.

Mika 7:18 fahotana famindram-po famelàn-keloka

Alatsinainy 13 Jona 2016

Isaorana anie ny Tompo
Izay mitondra ny entan-tsika isan'andro isan'andro,
eny, Andriamanitra Izay famonjena antsika.

Salamo 68:19 fiankohofana fiankinan-doha famonjena

Alahady 12 Jona 2016

Ry malala, aza mino ny fanahy rehetra, fa izahao toetra ny fanahy, na avy amin'Andriamanitra ireny, na tsia, satria maro ny mpaminany sandoka efa lasa any amin'izao tontolo izao.

1 Jaona 4:1 fahatokisana Fanahy faminaniana

Asabotsy 11 Jona 2016

Fa hoy Jesosy: Izay zavatra tsy hain'ny olona dia hain'Andriamanitra.

Lioka 18:27 fahagagana famonjena Jesosy

Zoma 10 Jona 2016

Inona no hiarovan'ny zatovo ny lalan-kalehany tsy ho voaloto?
Ny fitandremana araka ny teninao.

Salamo 119:9 fahamasinana Tenin'Andriamanitra fitaovana

Alakamisy 9 Jona 2016

Fa ianao kosa, sy lehilahin'Andriamanitra, mandosira izany zavatra izany, ka miezaha mitady fahamarinana, toe-panahy araka an'Andriamanitra, finoana, fitiavana, faharetana, fahalemem-panahy.

1 Timoty 6:11 finoana fitiavana rariny

Alarobia 8 Jona 2016

Efa nomen'ny herin'Andriamanitra ho antsika ny zavatra rehetra momba ny fiainana sy ny toe-panahy araka an'Andriamanitra amin'ny fahalalana Ilay niantso antsika tamin'ny voninahiny sy ny fahatsarany.

2 Petera 1:3 tanjaka fiainana fahazoana

Talata 7 Jona 2016

Fifaliana amin'ny olona ny manisy soa;
Ary aleo ho malahelo toy izay ho mpandainga.

Ohabolana 19:22 fitokisana vola hatsaram-panàhy

Alatsinainy 6 Jona 2016

Indro, efa mitsangana eo am-baravarana Aho ka mandondòna; raha misy mihaino ny feoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko.

Apokalypsy 3:20 fankatoavana hanina mihaino

Alahady 5 Jona 2016

Ary ny iva razana amin'izao tontolo izao sy izay fanevateva no nofidin'Andriamanitra, dia ny atao ho tsy misy aza, mba hahafoana ny misy, mba tsy hisy nofo hahazo mirehareha eo anatrehan'Andriamanitra.

1 Korintiana 1:28-29 fanetren-tena fiantsoana izao tontolo izao