Gcina (Disemba 2016)

2016 Disemba 31, Mgqibelo

Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.

KWABASEROMA 15:13 ukholo Umoya ithemba

2016 Disemba 30, Lwesihlanu

UThixo wayewayeke ngabom loo maxesha apho abantu babengazi. Kungokunje uyalela abantu bonke, ezindaweni zonke, ukuba baguquke ezindleleni zabo ezimbi.

UMSEBENZI WABATHUNYWA 17:30 inguquko uguqulo uxolelo

2016 Disemba 29, Lwesine

Umntu onyanisekileyo uhamba engaxhalele nto;
ke yena onamaqhinga uya kubhaqwa.

IZAFOBE 10:9 isono ukhuseleko ubomi

2016 Disemba 28, Lwesithathu

UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”

UMARKO 9:35 ukuthobeka UYesu ukuqonda

2016 Disemba 27, Lwesibini

Sinalo ke uthando kuba thina sathandwa nguThixo kuqala.

1 KAYOHANE 4:19 uthando uThixo

2016 Disemba 26, Mvulo

Ulogxoth' izono zithi qelele kuthi
njengempumalanga nentshonalanga.

INdumiso 103:12 isono usindiso

2016 Disemba 25, Cawe

Makadunyiswe uThixo kweliphezulu,
kube luxolo emhlabeni kubantu abamkholisayo.

ULUKA 2:14 krisimesi uxolo iingelosi

UJosefu ke waphuma kwelaseGalili, kwidolophu iNazarete, waya kwelakwaJuda, kwidolophu kaDavide eyiBhetelehem, kuba wayengowomlibo kaDavide. Wayesiya kubhalisa, enoMariya owayesendela kuye. Yena wayeselekhulelwe.

ULUKA 2:4-5 krisimesi

2016 Disemba 23, Lwesihlanu

Ndisisicaka sakho, Ndikhoyo, ndikhangele ngobubele;
ndihlangule ezintshabeni zam ngenxa yezibele zakho.

INdumiso 31:16 intsikelelo uthando usindiso

2016 Disemba 22, Lwesine

Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.

EYEMFUDUKO 23:25 unqulo intsikelelo ukugula

2016 Disemba 21, Lwesithathu

Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.

KWABASEKOLOSE 3:16 ILizwi likaThixo ukufunda unqulo

2016 Disemba 20, Lwesibini

Mandikubonge ngomxhelo wam wonke, Ndikhoyo,
ndibalise ngayo yonke imimangaliso oyenzileyo.

INdumiso 9:1 unqulo umbulelo imimangaliso

2016 Disemba 19, Mvulo

Yonke into enimelwe kukuyenza yenzeni ngaphandle kokukhalaza nokuxambulisana, niziphathe nyulu ningenagxeke, njengosapho lukaThixo olungabekwa bala phakathi kwabantu abakhohlakeleyo beli phakade. Khanyani phakathi kwabo njengeenkwenkwezi zikhanya esibhakabhakeni, nibanika iindaba zobomi.

KWABASEFILIPI 2:14-16a ubungcwele ILizwi likaThixo ubomi

2016 Disemba 18, Cawe

Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.

UISAYA 25:1 ukuthembeka uThixo unqulo

2016 Disemba 17, Mgqibelo

Kaloku ubutyebi busuka buthi shwaka ngephanyazo;
ungáde ucinge ukuba busuke bantshula amaphiko bantinga njengokhozi.

IZAFOBE 23:5 imali iminqweno ukuthanda izinto eziphathekayo

2016 Disemba 16, Lwesihlanu

Kwinto yonke yibani ngcwele. Kaloku uThixo onibizileyo ungcwele.
Kanti ke neziBhalo zitsho ukuthi: “Yibani ngcwele, ngokuba mna ndingcwele.”

1 KAPETROS 1:15-16 ubungcwele ubomi ubizo

2016 Disemba 15, Lwesine

Niyabona, uNdikhoyo uba nani xa nani ningakuye. Xa nizondelela ukumfuna nomfumana; kodwa ke xa nithe namshiya, naye wonishiya.

2 YEZIGANEKO 15:2b ukufuna ukusondela ukuthembeka

2016 Disemba 14, Lwesithathu

Kaloku uNdikhoyo uyakuthanda okulungileyo;
akayi kubafulathela abantu bakhe.
Wasoloko ebakhusela uNdikhoyo,
kodwa yona inzala yamatshijolo iyanqunyulwa.

INdumiso 37:28 ubomi obungunaphakade ukuthembeka ubulungisa

2016 Disemba 13, Lwesibini

Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.

1 KWABASEKORINTE 13:4-5 uthando umonde umsindo

2016 Disemba 12, Mvulo

Lowo usisicaka sam makandilandele, abe kunye nam apho ndikhoyo. Osisicaka sam ke uya kunikwa imbeko nguBawo.

UYOHANE 12:26 ukukhonza ukulandela UTata

2016 Disemba 11, Cawe

Musa ukuzibona usisilumko wena ngokwakho;
ndaweni yaloo nto hlala umhlonela uNdikhoyo, ubucezele ububi.
Loo nto iya kuwunika impilo umzimba wakho,
atsho omelezeke amathambo akho.

IZAFOBE 3:7-8 ukumoyika uthixo intsikelelo ububi

2016 Disemba 10, Mgqibelo

Kananjalo nabani na othe wabiza igama leNkosi uya kusindiswa.

UMSEBENZI WABATHUNYWA 2:21 usindiso unqulo umthandazo

2016 Disemba 9, Lwesihlanu

Yondikhusela iNkosi kulo naliphi na ilinge lokundenzakalisa. Yondikhusela ndide ndifike kulawulo lwayo ezulwini. Huntshu-u-u! Mayibongwe iNkosi ngonaphakade! Amen.

2 KUTIMOTI 4:18 ukukhuselwa ububi izulu

2016 Disemba 8, Lwesine

Ngoko ke ndiya kulandelwa kokulungileyo nabububele,
umzi wakho ube likhaya lam yonke imihla yobomi bam.

INdumiso 23:6 ubabalo ubomi ukusondela

2016 Disemba 7, Lwesithathu

Makungabikho bani ufuna ukulungelwa yedwa; elowo makakhathalele nokwabanye.

1 KWABASEKORINTE 10:24 ukuzingca uthando ummelwane

2016 Disemba 6, Lwesibini

Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.

UYOSHUWA 23:14 ukuthembeka intliziyo umphefumlo

2016 Disemba 5, Mvulo

Kulungile ukuzuza ubulumko kunokufumana igolide;
kungcono ukukhetha ulwazi kunokwamkela isiliva.

IZAFOBE 16:16 imali ukuthanda izinto eziphathekayo ubulumko

2016 Disemba 4, Cawe

Kuthi mnye uThixo. Yena nguThixo uYise owadala izinto zonke, esikholo yena thina. Inye kuthi neNkosi. Yona nguYesu Krestu, ezabakho ngaye zonke izinto, esikho ngaye nathi.

1 KWABASEKORINTE 8:6 UTata ubomi UYesu

2016 Disemba 3, Mgqibelo

Ngoko ke makungabikho bani unixoxisayo ngento emaniyitye, okanye niyisele, nangemisitho yokuthwasa kwenyanga neyoMhla wokuPhumla. Ezi zinto zazisisithunzi nje sento eyayilindelekile – inkqu yayo nguKrestu.

KWABASEKOLOSE 2:16-17 ukutya isabatha umgwebo