Mmese 2018

A re ho yena: “ ‘Rata Morena Modimo wa hao ka pelo ya hao yohle, le ka moya wa hao wohle, le ka maikutlo a hao wohle.’ ”

MATHEU 22:37 pelo moya mogopolo

2018 Mmese 29, Sontaha

Moya wa Morena Modimo
o hodima ka,
hobane o ntlotseditse
ho bolella mafutsana,
molaetsa o molemo.
O nthometse ho thoba pelo
tsa ba swabileng,
ho phatlalletsa bathopuwa
tsa tokoloho,
le hore ba tjhankaneng
ba tla lokollwa.

ESAEA 61:1 Moya wa Modimo kholofelo molopolodi

2018 Mmese 28, Moqebelo

Ya sa rateng dikeletso
merero ya hae e a nyopa,
ya eletswang ke ba bangata
yena o a atleha.

MAELE 15:22 go bolela peakanyo

2018 Mmese 27, Labohlane

Etsang tsohle ka lerato.

1 BAKORINTHE 16:14 lerato mošomo

2018 Mmese 26, Labone

Empa ya tla tiisetsa ho fihlela qetellong, yena o tla pholoswa.

MATHEU 24:13 bopelotelele phološo pheletso ya nako

2018 Mmese 25, Laboraru

Boka Morena, wena moya wa ka;
botho bohle ba ka
bo boke bitso la hae le halalelang.

PESALEMA 103:1 kgalalelo go direla/hlankela moya

2018 Mmese 24, Labobedi

O se ke wa hlolwa ke bobe, o mpe o hlole bobe ka botle.

BAROMA 12:21 mpe botse go hlola

2018 Mmese 23, Mmantaha

Efela bohle ba ratang ho phela ho Kreste Jesu ka borapedi, ba tla hloriswa.

2 TIMOTHEA 3:12 bophelo tlhomaro Jesu

2018 Mmese 22, Sontaha

Boikakaso bo etella dihlong pele,
boikokobetso bona
bo tsamaya le bohlale.

MAELE 11:2 boikokobetšo bohlale boikgokgomošo

2018 Mmese 21, Moqebelo

Ba ileng ba dumela molaetsa wa hae, ba kolobetswa, mme ka lona letsatsi leo badumedi ba eketseha ka ba ka bang dikete tse tharo.

DIKETSO 2:41 tumelo kolobetšo Lentšu la Modimo

2018 Mmese 20, Labohlane

Ditaba tsena ke di buile ho lona hore le tle le fumane kgotso ho nna. Le tla ba le matshwenyeho lefatsheng, empa kgothalang, nna ke hlotse lefatshe.

JOHANNE 16:33 tlhohleletšo khutšo go hlola

2018 Mmese 19, Labone

Hape ke mpho ya Modimo ho motho ka mong eo Modimo a mo fileng leruo le matlotlo le matla hore a ithabise ka wona, mme o lokela ho amohela kabelo eo ya hae, a ithabise ka tsa mosebetsi wa matsoho a hae.

MORUTI 5:19 tšhelete dijo mošomo

2018 Mmese 18, Laboraru

Ipatleleng Morena le matla a hae,
le ipatlele yena le sa kgaotse.

1 LIKETSAHALO 16:11 maatla go nyaka bokgauswi

2018 Mmese 17, Labobedi

Mangolo wohle a ngotswe ka tshusumetso ya Moya wa Modimo, mme a na le thuso ya ho ruta, ya ho nyatsa, ya ho busetsa batho tseleng ya ho loka le ho ba tsamaisa ho yona, hore motho wa Modimo a tle a phethehe, a kwetlisetswe mesebetsi yohle e lokileng.

2 TIMOTHEA 3:16-17 Lentšu la Modimo bophelo setlabelo

2018 Mmese 16, Mmantaha

Oho, Modimo, ako nkgauhele
ka mohau wa hao,
ho ya ka boholo ba lerato la hao
ako hlakole melato ya ka.
Ntlhatswisise bokgopo ba ka,
o ntlhwekise sebe sa ka.

PESALEMA 51:3-4 sebe mohau tlhwekišo

2018 Mmese 15, Sontaha

Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.

1 PETROSE 3:8 boikokobetšo setšhaba moagišane

2018 Mmese 14, Moqebelo

Eng kapa eng eo le e etsang kapa le e bolelang, le e etse lebitsong la Morena Jesu, mme ka yena le lebohe Modimo Ntata lona.

BAKOLOSE 3:17 go bolela tebogo go latela

2018 Mmese 13, Labohlane

Polelo tsohle tsa Modimo
ke tsa nnete.
Ke thebe ho bohle ba mo tshepang.

MAELE 30:5 nnete Lentšu la Modimo tšhireletšo

2018 Mmese 12, Labone

Haeba e mong wa lona a hloka bohlale, a ke a bo kope ho Modimo ya fang bohle ka matsoho a mabedi, a sa kganane, mme o tla bo fuwa.

JAKOBO 1:5 bohlale go amogela go rata go fa

2018 Mmese 11, Laboraru

Modimo a ke a edise mahlo a lona a moya, le tle le tsebe seo pitso ya hae e le tshepisang sona, seo boholo ba tlotla bo leng sona, e leng tlotla eo le tla e ja lefa mmoho le bahalaledi.

BAEFESE 1:18 kwešišo kholofelo go amogela

2018 Mmese 10, Labobedi

Tsohle tse phelang
di ke di rorise Morena.
Haleluja!

PESALEMA 150:6 go direla/hlankela tumišo

2018 Mmese 9, Mmantaha

Morena a ke a sokollele dipelo tsa lona leratong la Modimo le tiisetsong e kang ya Kreste.

2 BATHESALONIKA 3:5 lerato phetošo go latela

2018 Mmese 8, Sontaha

Filipi a re ho yena: “Morena, re bontshe Ntate, e be ho re lekane.”

JOHANNE 14:8 Ntate kgotsofalo

2018 Mmese 7, Moqebelo

O entse hore ntho e nngwe le e nngwe e lokele nako ya yona; o neile batho takatso ya ho tseba tsa kgale le tse tlang ho tla, empa ha ba na ho fihlela kutlwisiso ya seo Modimo a se entseng ho tloha tshimolohong ho isa qetellong.

MORUTI 3:11 tlholo kwešišo bophelo

2018 Mmese 6, Labohlane

Ka baka leo, ke re ho lona: Tsohle tseo le di kopang ka thapelo, dumelang hore le se le di amohetse, mme le tla di etsetswa.

MAREKA 11:24 tumelo thapelo go amogela

2018 Mmese 5, Labone

Mokgabo wa lona e se ke ya eba o bonwang, jwaloka meriri e lohilweng, mekgabiso ya kgauta le diaparo tse ntlehadi. Mokgabo wa lona o sa senyeheng o tswe botebong ba dipelo tsa lona, e leng moya wa mosa le kgutso, oo e leng ntho ya bohlokwa ho Modimo.

1 PETROSE 3:3-4 boikokobetšo bobotse pelo

2018 Mmese 4, Laboraru

Modimo, ke wena Modimo wa ka,
Modimo eo ke mmatlang,
moya wa ka o o nyoretswe,
mmele wa ka o o hlolohetswe,
jwaloka naha e omeletseng,
e kgathetseng, e hlokang metsi.

PESALEMA 63:2 go direla/hlankela go nyaka moya

2018 Mmese 3, Labobedi

Empa ha re tshepile ho fumana seo re esong ho be le sona, re se lebella ka mamello.

BAROMA 8:25 tshepo kholofelo bopelotelele

2018 Mmese 2, Mmantaha

Ke tla le nea Moya wa ka, ke etse hore le tsamaye ho ya ka ditaelo tsa ka, le boloke melao ya ka, le e phethe.

ESEKIELE 36:27 Moya wa Modimo molao go latela

2018 Mmese 1, Sontaha

Yaba morutuwa eo e mong ya fihlileng pele lebitleng, le yena o a kena, a bona, mme a dumela, hobane ba ne ba eso utlwisise Mangolo a reng eka kgona a tsohe bafung.

JOHANNE 20:8-9 mehlolo paseka go tsoga bahung