Tahirin-kevitra (Aprily 2018)

Alatsinainy 30 Aprily 2018

Dia hoy Jesosy taminy: Tiava an'i Jehovah Andriamanitrao amin'ny fonao rehetra sy ny fanahinao rehetra ary ny sainao rehetra.

Matio 22:37 fo aina saina

Ny Fanahin'i Jehovah Tompo no ato amiko,
satria Jehovah efa nanosotra Ahy
hitory teny soa mahafaly amin'ny mpandefitra,
efa naniraka Ahy hahasitrana ny torotoro fo Izy,
ary hitory fanafahana amin'ny babo
sy hamoaka ny ao an-trano-maizina ho amin'ny mazava.

Isaia 61:1 Fanahy fanantenana mpanafaka

Asabotsy 28 Aprily 2018

Ho foana ny fikasana, raha tsy misy mpisaina;
Fa raha maro ny mpanolo-tsaina, dia tanteraka izany.

Ohabolana 15:22 lahateny fandrindrana

Zoma 27 Aprily 2018

Izay rehetra ataonareo dia ataovy amin'ny fitiavana.

1 Korintiana 16:14 fitiavana asa

Alakamisy 26 Aprily 2018

Fa izay maharitra hatramin'ny farany no hovonjena.

Matio 24:13 faharetana famonjena andro farany

Alarobia 25 Aprily 2018

Misaora an'i Jehovah, ry fanahiko;
Ary izay rehetra ato anatiko, misaora ny anarany masina.

Salamo 103:1 fahamasinana fiankohofana aina

Talata 24 Aprily 2018

Aza mety ho resin'ny ratsy ianao, fa reseo amin'ny soa ny ratsy.

Romana 12:21 faharatsiana hatsaram-panàhy fandresena

Alatsinainy 23 Aprily 2018

Eny, izay rehetra te-ho velona amin'ny toe-panahy araka an'Andriamanitra, izay ao amin'i Kristy Jesosy, dia henjehina.

2 Timoty 3:12 fiainana fanenjehana Jesosy

Alahady 22 Aprily 2018

Raha tonga ny fiavonavonana, dia tonga koa ny fahafaham-baraka;
Fa ao amin'ny manetry tena no misy fahendrena.

Ohabolana 11:2 fanetren-tena fahendresena fiavonavonana

Asabotsy 21 Aprily 2018

Ary izay nandray tsara ny teniny dia natao batisa; ary tokony ho telo arivo no olona nanampy ho isany tamin'izany andro izany.

Asan'ny Apostoly 2:41 finoana batisa Tenin'Andriamanitra

Zoma 20 Aprily 2018

Izany teny izany efa nolazaiko taminareo mba hanananareo fiadanana amiko. Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao.

Jaona 16:33 fankaherezana fiadanana fandresena

Alakamisy 19 Aprily 2018

Ary koa, ny olona rehetra izay omen'Andriamanitra vola aman-karena sady omeny fahefana hihinanany azy sy hahazoany ny anjarany sy hifaliany amin'ny fisasarana, dia fanomezan'Andriamanitra izany.

Mpitoriteny 5:18 vola hanina asa

Alarobia 18 Aprily 2018

Mitadiava an'i Jehovah sy ny heriny,
Katsaho mandrakariva ny tavany.

1 Tantara 16:11 tanjaka mitady manodidina

Talata 17 Aprily 2018

Izay soratra rehetra nomen'ny tsindrimandrin'Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin'ny fahamarinana, mba ho tanteraka ny olon'Andriamanitra, ho vonona tsara ho amin'ny asa tsara rehetra.

2 Timoty 3:16-17 Tenin'Andriamanitra fiainana fitaovana

Alatsinainy 16 Aprily 2018

Mamindrà fo amiko, Andriamanitra ô,
araka ny fahasoavanao;
araka ny haben'ny fiantranao
vonoy ny fahadisoako.
Sasao madio aho mba ho afa-keloka,
ary diovy aho mba ho afa-pahotana.

Salamo 51:1-2 fahotana famindram-po fanadiovana

Alahady 15 Aprily 2018

Farany, miraisa saina ianareo rehetra. ka miaraha ory, mifankatiava tahaka ny mpirahalahy, mifamindrà fo, manetre tena.

1 Petera 3:8 fanetren-tena fiaraha-monina manaraka

Asabotsy 14 Aprily 2018

Ary na inona na inona no ataonareo, na amin'ny teny, na amin'ny asa, dia ataovy amin'ny anaran'i Jesosy Tompo izany, ka misaora Andriamanitra Ray amin'ny alalany.

Kolosiana 3:17 lahateny fankasitrahana fanarahana

Zoma 13 Aprily 2018

Ny tenin'Andriamanitra dia voadio avokoa;
Ampinga ho an'izay mialoka aminy Izy.

Ohabolana 30:5 fahamarinana Tenin'Andriamanitra fiarovana

Alakamisy 12 Aprily 2018

Ary raha misy ianareo tsy manam-pahendrena, aoka izy hangataka amin'Andriamanitra, Izay manome malalaka ho an'ny olona rehetra sady tsy mandatsa; ary dia homena azy izany.

Jakoba 1:5 fahendresena fahazoana fahalalahan-tanana

Alarobia 11 Aprily 2018

Ary mba hampahiratina ny mason'ny sainareo, mba ho fantatrareo izay fanantenana avy amin'ny fiantsoany sy izay haren'ny voninahitry ny lovany eo amin'ny olona masina.

Efesiana 1:18 mahatakatra fanantenana fahazoana

Talata 10 Aprily 2018

Aoka izay rehetra manam-pofonaina samy hidera an'i Jehovah.
Haleloia.

Salamo 150:6 fiankohofana fiderana

Alatsinainy 9 Aprily 2018

Ary ny Tompo anie hanitsy lalana ny fonareo ho amin'ny fitiavana an'Andriamanitra sy ho amin'ny faharetan'i Kristy.

2 Tesaloniana 3:5 fitiavana fiovana fanarahana

Alahady 8 Aprily 2018

Hoy Filipo taminy: Tompoko, asehoy anay ny Ray, dia ampy ho anay izay.

Jaona 14:8 Ray fahafaham-po

Asabotsy 7 Aprily 2018

Ny zavatra rehetra samy nataony ho mendrika amin'ny fotoany avy; ary ny mandrakizay dia efa nataony tao am-pony, kanefa tsy hitan'ny olona ny asan'Andriamanitra hatramin'ny voalohany ka hatramin'ny farany.

Mpitoriteny 3:11 famoroana izao tontolo izao mahatakatra fiainana

Zoma 6 Aprily 2018

Koa lazaiko aminareo: Na inona na inona tononinareo amin'ny fivavahana sy angatahinareo, dia minoa fa efa nandray ianareo, dia ho azonareo izany.

Marka 11:24 finoana fivavahana fahazoana

Alakamisy 5 Aprily 2018

Ary aoka ny firavahanareo tsy ho zavatra eny ivelany, toy ny firandranam-bolo sy ny firava-bolamena na ny fiakanjoana; fa aoka ho toetra miafina ao am-po, izay tsy mety ho lò, dia ny fanahy malemy sady miadana, izay soa indrindra eo imason'Andriamanitra.

1 Petera 3:3-4 fanetren-tena hatsàra fo

Alarobia 4 Aprily 2018

ANDRIAMANITRA ô, Andriamanitro Hianao;
mitady Anao fatratra aho;
mangetaheta Anao ny fanahiko,
maniry Anao ny nofoko,
eto amin'ny tany maina
sy mangentana tsy misy rano.

Salamo 63:1 fiankohofana mitady aina

Talata 3 Aprily 2018

Fa raha isika manantena izay tsy mbola hitantsika, dia miandry amin'ny faharetana.

Romana 8:25 fahatokisana fanantenana faharetana

Alatsinainy 2 Aprily 2018

Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy.

Ezekiela 36:27 Fanahy lalàna fanarahana

Alahady 1 Aprily 2018

Ary tamin'izay dia niditra koa ny mpianatra anankiray izay tonga taloha teo amin'ny fasana, ary nahita ka nino. Fa tsy mbola fantany ny Soratra Masina fa tsy maintsy hitsangana amin'ny maty Jesosy.

Jaona 20:8-9 fahagagana paka fitsanganana amin'ny maty