Gcina (Epreli 2018)

2018 Epreli 30, Mvulo

Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”

UMATEWU 22:37 intliziyo umphefumlo ingqondo

Ke mna ndonganyelwe nguMoya woMhlekazi uNdikhoyo,
kuba kaloku uNdikhoyo undithambisile.
Undithume ukubhengeza iindaba ezimnandi kumahlwempu,
ndibophe abantliziyo zingamahlwili,
ndibhengeze ukukhululeka kwabathinjwa,
ndazise inkululeko kumabanjwa.

UISAYA 61:1 Umoya ithemba umhlawuleli

2018 Epreli 28, Mgqibelo

Apho kungekho kucebisana izicwangciso ziyabhanga,
kanti ke apho kukho abacebisi abaninzi ziyaphumelela.

IZAFOBE 15:22 ukuthetha ukucwangcisa

2018 Epreli 27, Lwesihlanu

Wonke umsebenzi wenzeni ngothando.

1 KWABASEKORINTE 16:14 uthando umsebenzi

2018 Epreli 26, Lwesine

Ke lowo uzingisa kude kube sekupheleni wosindiswa.

UMATEWU 24:13 umonde usindiso

2018 Epreli 25, Lwesithathu

Mbonge uNdikhoyo, moya wam!
Mandimbonge uNdikhoyo ngomxhelo wam wonke!

INdumiso 103:1 ubungcwele unqulo umphefumlo

2018 Epreli 24, Lwesibini

Musa ukoyiswa bububi; boyise ububi ngokulungisa.

KWABASEROMA 12:21 ububi ukulunga ukoyisa

2018 Epreli 23, Mvulo

Kambe intshutshiso yomfikela nawuphi na umKrestu ofuna ukuhlala esoyika iNkosi.

2 KUTIMOTI 3:12 ubomi intshutshiso UYesu

2018 Epreli 22, Cawe

Umntu ozigwagwisayo uyakhawuleza ukuhlazeka;
kambe ke kona ukuzithoba kuhamba nobulumko.

IZAFOBE 11:2 ukuthobeka ubulumko ikratshi

2018 Epreli 21, Mgqibelo

Abantu abaninzi balwamkela olu daba, baza babhaptizwa. Baba ngamawaka amathathu abantu abongezelelwayo enanini labo.

UMSEBENZI WABATHUNYWA 2:41 ukholo ubhaptizo ILizwi likaThixo

2018 Epreli 20, Lwesihlanu

Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.

UYOHANE 16:33 ukhuthazo uxolo ukoyisa

2018 Epreli 19, Lwesine

Ewe, umntu xa ephiwe ubutyebi nezinye izinto eziphathekayo, aze futhi uThixo amnike inyhweba yokuzixhamla ezo zinto, kufuneka akuxhamle enombulelo ukubulaleka kwakhe – kaloku eso sisipho esivela kuThixo.

AMAVA ENGQONDI 5:19 imali ukutya umsebenzi

2018 Epreli 18, Lwesithathu

Lufuneni kuNdikhoyo uncedo;
mfunen' aph' akhoyo ngawo onke amaxesha.

1 YEZIGANEKO 16:11 amandla ukufuna ukusondela

2018 Epreli 17, Lwesibini

Sonke isibhalo sinefuthe loMoya kaThixo. Siyanceda ekufundiseni inyaniso nokuchitha imposiso. Siyanceda ukulungisa isimilo, sinike ingqeqesho; ukuze lowo uzinikele kuThixo abe namandla okuwuphumeza nawuphi na umsebenzi omhle.

2 KUTIMOTI 3:16-17 ILizwi likaThixo ubomi izixhobo

2018 Epreli 16, Mvulo

Awu, Thixo, ndiyatarhuzisa!
Ngenxa yezibele zothando lwakho,
nobubanzi benceba yakho, nceda uzicime iziphoso zam!
Ndihlambe ndahlukane nabo bonke ububi;
ndenze ndibe nyulu, ndingabi nasono!

INdumiso 51:1-2 isono inceba ukusulungekiswa

2018 Epreli 15, Cawe

Ndiphetha ngelithi: Velanani, nibe moya mnye. Thandanani, nenzelane ububele, nilulamelane.

1 KAPETROS 3:8 ukuthobeka uluntu ummelwane

2018 Epreli 14, Mgqibelo

Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.

KWABASEKOLOSE 3:17 ukuthetha umbulelo ukulandela

2018 Epreli 13, Lwesihlanu

Yonke into ayithethayo uThixo ithembekile;
ulikhaka kwabazimela ngaye.

IZAFOBE 30:5 inyaniso ILizwi likaThixo ukukhuselwa

2018 Epreli 12, Lwesine

Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.

EKAYAKOBI 1:5 ubulumko ukwamkela isisa

2018 Epreli 11, Lwesithathu

Ndiyamcela ukuba anikhanyisele nibe nokuqonda, khon' ukuze nilazi ithemba anibizele kulo, niziqonde iintsikelelo ezingaka ezililifa lemilowo yakhe.

KWABASE-EFESE 1:18 ukuqonda ithemba ukwamkela

2018 Epreli 10, Lwesibini

Ewe, konke okushukumayo makudume kubonge uNdikhoyo!
Masidanduluke sonke sithi: “Bayethe, Mhlekazi!”

INdumiso 150:6 unqulo dumisani

2018 Epreli 9, Mvulo

Ngamana yanithundeza iNkosi, nimthande uThixo, nibe nenyameko efuze ekaKrestu.

2 KWABASETESALONIKA 3:5 uthando inguqu ukulandela

2018 Epreli 8, Cawe

UFilipu wabhekisa kuYesu, wathi: “Nkosi, khawusibonise uYihlo; kosanelisa.”

UYOHANE 14:8 UTata ukwaneliseka

2018 Epreli 7, Mgqibelo

Into yonke uyimisele ixesha layo. Umntu yena umnike ulangazelelo lokuqonda nangamaxesha angamiselwanga. Kodwa ke umntu akafikeleli ekuyazini into eyenziwa nguThixo ukususela ekuqaleni kuye esiphelweni.

AMAVA ENGQONDI 3:11 indalo ukuqonda ubomi

2018 Epreli 6, Lwesihlanu

Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.

UMARKO 11:24 ukholo umthandazo ukwamkela

2018 Epreli 5, Lwesine

Musani ukuhombela ukubukwa ngokuluka iinwele, nitsho ngezacholo zegolide nempahla engayiwayo. Isihombo senu masibe sesangaphakathi, esingagugiyo. Umoya omhle wobulali yinto ayixabisileyo uThixo.

1 KAPETROS 3:3-4 ukuthobeka ubuhle intliziyo

2018 Epreli 4, Lwesithathu

Wena Thixo, unguThixo wam, ndithe swi nguwe.
Umphefumlo wam uyakulangazelela.
Ndihlala ndizula-zula ndikufuna;
ndinxanele wena oku komhlaba obharhileyo.

INdumiso 63:1 unqulo ukufuna umphefumlo