Ingobo yomlando (Ephreli 2018)

UMsombuluko, Ephreli 30, 2018

UJesu wathi kuye: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.”

NgokukaMathewu 22:37 inhliziyo umphefumulo ingqondo

UMoya weNkosi uJehova uphezu kwami,
ngokuba uJehova ungigcobile
ukuba ngishumayele izindaba ezinhle
kwabathotshisiweyo;
ungithumele ukubopha abanhliziyo ezaphukileyo,
nokumemezela ukukhululwa kwabathunjwa
nokuvulelwa kweziboshwa itilongo.

U-Isaya 61:1 UMoya ngiyethemba umhlengi

UMgqibelo, Ephreli 28, 2018

Lapho kungekho khona ukululekana,
amasu ayachitheka,
kepha ngobuningi babeluleki ayakuma.

IzAga 15:22 ukukhuluma ukuhlela

ULwesihlanu, Ephreli 27, 2018

Konke enikwenzayo akwenziwe ngothando.

1 kwabaseKorinte 16:14 uthando umsebenzi

ULwesine, Ephreli 26, 2018

Kodwa okhuthazelayo kuze kube sekupheleni nguyena oyakusindiswa.

NgokukaMathewu 24:13 ukubekezela insindiso

ULwesithathu, Ephreli 25, 2018

Mbonge uJehova, mphefumulo wami;
konke okuphakathi kwami makubonge igama lakhe elingcwele.

AmaHubo 103:1 ubungcwele khulekela umphefumulo

ULwesibili, Ephreli 24, 2018

Unganqotshwa ngokubi, kodwa nqoba okubi ngokuhle.

KwabaseRoma 12:21 okubi okuhle ukunqoba

UMsombuluko, Ephreli 23, 2018

Yebo, bonke abathanda ukuhamba ngokumesaba uNkulunkulu kuKristu Jesu bayakuzingelwa.

2 kuThimothewu 3:12 ukuphila ushushiso UJesu

ISonto, Ephreli 22, 2018

Lapho kufika ukuziqhenya,
kufika nehlazo;
kepha kwabathobekileyo kukhona ukuhlakanipha.

IzAga 11:2 ukuthobeka inhlakanipho ukuziqhenya

UMgqibelo, Ephreli 21, 2018

Ngakho abalamukeleyo izwi lakhe babhapathizwa, kwenezelwa ngalowo muhla abantu kungathi izinkulungwane ezintathu.

IzEnzo 2:41 inkolo ukubhapathizwa IZwi likaNkulunkulu

ULwesihlanu, Ephreli 20, 2018

Lokho ngikukhulume kini ukuba nibe nokuthula kimi. Ezweni niyakuba lusizi, kepha yimani isibindi, mina ngilinqobile izwe.

NgokukaJohane 16:33 isikhuthazo ukuthula ukunqoba

ULwesine, Ephreli 19, 2018

Futhi bonke abantu uNkulunkulu abaphe ingcebo nemfuyo, abanike futhi namandla okudla kukho ukuba bathathe izabelo zabo, bathokoze ngomshikashika wabo lokho kuyisipho sikaNkulunkulu.

UmShumayeli 5:19 imali ukudla umsebenzi

ULwesithathu, Ephreli 18, 2018

Funani uJehova namandla akhe,
nifunisise ubuso bakhe njalo.

1 iziKronike 16:11 amandla ukufuna ukusondela

ULwesibili, Ephreli 17, 2018

Yonke imibhalo iphefumulelwe nguNkulunkulu ilungele ukufundisa, nokusola, nokuqondisa, nokuyala ekulungeni, ukuze umuntu kaNkulunkulu aphelele, apheleliselwe yonke imisebenzi emihle.

2 kuThimothewu 3:16-17 IZwi likaNkulunkulu ukuphila izisetshenziswa

UMsombuluko, Ephreli 16, 2018

Ngihawukele, Nkulunkulu,
ngokomusa wakho;
yesula iziphambeko zami ngokobubele bakho obukhulu.
Ngigezisise ebubini bami,
ungihlanze esonweni sami.

AmaHubo 51:1-2 isibi isihe ukuhlanzwa

ISonto, Ephreli 15, 2018

Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.

1 kaPetru 3:8 ukuthobeka umphakathi umakhelwane

UMgqibelo, Ephreli 14, 2018

Konke enikwenzayo, noma kungezwi noma kungomsebenzi, kwenzeni konke egameni leNkosi uJesu, nimbonge uNkulunkulu uYise ngaye.

KwabaseKolose 3:17 ukukhuluma ukubonga ukulandela

ULwesihlanu, Ephreli 13, 2018

Onke amazwi kaNkulunkulu acwebile;
uyisihlangu kwabaphephela kuye.

IzAga 30:5 iqiniso IZwi likaNkulunkulu ukuvikela

ULwesine, Ephreli 12, 2018

Uma-ke kukhona kini oswela ukuhlakanipha, makacele kuNkulunkulu obapha bonke ngobuhle engajakadi, khona uyakuphiwa.

EkaJakobe 1:5 inhlakanipho ukwamukela isisa

ULwesithathu, Ephreli 11, 2018

Ekhanyisiwe amehlo enhliziyo yenu, nize nazi okuyithemba lobizo lwakhe nokuyingcebo yenkazimulo yefa lakhe kubo abangcwele.

Kwabase-Efesu 1:18 ukuqonda ngiyethemba ukwamukela

ULwesibili, Ephreli 10, 2018

Konke okuphefumulayo makudumise uJehova.
Haleluya!

AmaHubo 150:6 khulekela indumiso

UMsombuluko, Ephreli 9, 2018

Kepha iNkosi mayiqondise izinhliziyo zenu othandweni lukaNkulunkulu nasekubekezeleni kukaKristu.

2 kwabaseThesalonika 3:5 uthando izinguquko ukulandela

ISonto, Ephreli 8, 2018

UFiliphu wathi kuye: “Nkosi, sikhombise uYihlo, kusanele.”

NgokukaJohane 14:8 UBaba ukwaneliseka

UMgqibelo, Ephreli 7, 2018

Wenzile konke kube kuhle esikhathini sakho, ubekile nokuphakade ezinhliziyweni zabo; nokho umuntu angefumane umsebenzi awenzile uNkulunkulu kwasekuqaleni kuze kube sekupheleni.

UmShumayeli 3:11 indalo ukuqonda ukuphila

ULwesihlanu, Ephreli 6, 2018

Ngalokho ngithi kini: Konke enikukhulekelayo nenikucelayo, kholwani ukuthi nikwamukele, nizakuba nakho.

NgokukaMarku 11:24 inkolo umkhuleko ukwamukela

ULwesine, Ephreli 5, 2018

Ukuhloba kwenu makungabi ngokungaphandle, okokwaluka izinwele, nokokufaka igolide, noma okokugqoka izingubo, kepha makube ngumuntu osithekileyo wenhliziyo ohloba ngokungabhubhiyo komoya omnene onokuthula, okuyigugu phambi kukaNkulunkulu.

1 kaPetru 3:3-4 ukuthobeka ubuhle inhliziyo

ULwesithathu, Ephreli 4, 2018

Nkulunkulu, wena unguNkulunkulu wami,
ngiyakufuna ekuseni;
umphefumulo wami womele wena;
inyama yami ilangazelela wena
ezweni elomileyo eligagadekileyo,
lapho amanzi engekho khona.

AmaHubo 63:1 khulekela ukufuna umphefumulo