Boloka (May 2018)

Thursday, May 31, 2018

Ho lehlohonolo
ya tshwaretsweng tlolo ya hae,
eo sebe sa hae se hlakotsweng.

PESALEMA 32:1 sebe tshwarelo tšhegofatšo

Wednesday, May 30, 2018

Bohle ba hlomphe lenyalo, mme dikano tsa lona di bolokwe ka botshepehi. Modimo o tla ahlola dihlola le difebe.

Tuesday, May 29, 2018

Motho ka mong a ke a fane ho ya kamoo a rerileng kateng ka pelong ya hae, e seng ka ho kganana kapa ka ho qobellwa. Modimo o rata ya fanang a thabile.

2 BAKORINTHE 9:7 lethabo go fa pelo

Monday, May 28, 2018

Motsheare Morena o tla ntshitsa,
a ntshitse ka mohau wa hae;
bosiu ke tla mminela,
ke rapele Modimo ya mphedisang.

PESALEMA 42:9 lerato go direla/hlankela thapelo

Sunday, May 27, 2018

Lefatshe, mmoho le ditakatso tsa lona, le a fela, empa ya etsang thato ya Ntate o tla phela kamehla yohle.

1 JOHANNE 2:17 bophelo bjo bo sa felego boikobo ditumo

Saturday, May 26, 2018

Ya bonang se ka dipelong, o tseba sepheo sa Moya, hobane Moya o rapella badumedi ho ya ka thato ya Modimo.

BAROMA 8:27 Moya wa Modimo mmoelanyi

Friday, May 25, 2018

Ke o batla ka pelo ya ka yohle;
se ntumelle ho kgeloha,
ho kgeloha melao ya hao.

PESALEMA 119:10 molao boloki pelo

Sohle seo le se etsang, le se etse ka dipelo tsohle tsa lona, jwaloka hoja le se etsetsa Morena, e seng batho. Tsebang hore Morena o tla le putsa ka ho le etsa majalefa a hae. Morena eo le mo sebeletsang ke Kreste.

BAKOLOSE 3:23-24 moputso bophelo go amogela

Wednesday, May 23, 2018

Ba nna ba tiisetsa thutong ya baapostola, le kopanong ya bodumedi, le ho ngwathweng ha bohobe, le dithapelong.

DIKETSO 2:42 setšhaba thapelo boikobo

Tuesday, May 22, 2018

Leredi ke thetsane,
botle ke lefeelafeelane;
mosadi ya tshabang Modimo
ke yena ya tla roriswa.

MAELE 31:30 tlhompho bobotse

Monday, May 21, 2018

Seo re tsebang ka sona hore re phela ka ho yena, le yena o phela ka ho rona, ke sena: o re neile Moya wa hae.

1 JOHANNE 4:13 Modimo Moya wa Modimo bokgauswi

Sunday, May 20, 2018

Ha ba qetile ho rapela, sebaka seo ba neng ba kopanetse ho sona sa reketla, mme bohle ba tlala Moya o Halalelang, ba bolela lentswe la Modimo ka sebete.

DIKETSO 4:31 pentakoste Moya Mokgethwa thapelo

Saturday, May 19, 2018

Ya phelang tshireletsong
ya Ya Hodimodimo,
ya ahileng moriting
wa Ya Matla wohle,
o re ho Morena:
“O setshabelo sa ka
le qhobosheane ya ka,
Modimo wa ka eo ke mo tshepang.”

PESALEMA 91:1-2 tshepo polokego khutša

Friday, May 18, 2018

Lerato le hloke boikaketsi. Hloyang bobe, kgomarelang botle.

BAROMA 12:9 lerato mpe botse

Thursday, May 17, 2018

Jwalokaha re ena le ditho tse ngata mmeleng o le mong, empa ditho tseo tsohle di sa etse mosebetsi o tshwanang, ka mokgwa o jwalo, leha re le bangata, re mmele o le mong ho Kreste, e mong ke setho sa e mong.

BAROMA 12:4-5 mmele Jesu setšhaba

Wednesday, May 16, 2018

Ka hlokomela hore boikitlaetso bohle le katleho yohle, di tswalwa ke ho honohelana ha batho. Hona le hona ke lefeela le tshwanang le ho lelekisa moya feela.

MORUTI 4:4 mošomo moagišane ditumo

Tuesday, May 15, 2018

Jesu a re ho yena: “Ke nna tsoho le bophelo; ya dumelang ho nna leha a ka shwa o tla phela. Mang le mang ya phelang, mme a dumela ho nna, ha a ka ke a shwa le ka mohla o le mong; na o dumela hona na?”

JOHANNE 11:25-26 tumelo lehu go tsoga bahung

Monday, May 14, 2018

Se ahloleng ba bang, mme ha le ka ke la ahlolwa; le se tswe ba bang, mme ha le ka ke la tsuwa. Tshwarelang, mme le tla tshwarelwa.

LUKA 6:37 kahlolo tshwarelo

Sunday, May 13, 2018

Moya wa ka, o nyahametseng?
O hloretseng ka sefubeng sa ka?
Tshepa Modimo.
Ke sa tla nne ke mmoke,
yena mopholosi wa ka
le Modimo wa ka.

PESALEMA 42:12 go direla/hlankela kholofelo moya

Saturday, May 12, 2018

Se busetseng bobe ka bobe, kapa tlhapa ka tlhapa, empa le hlohonolofatse, hobane Modimo o le bitseditse ho ja lefa la mahlohonolo, hobane ho thwe.

1 PETROSE 3:9 go bolela tšhegofatšo pitšo

Friday, May 11, 2018

Maruo a bolotsana a tla fela hang,
a kolletswang kahanyane
wona a a eketseha.

MAELE 13:11 tšhelete megabaru mošomo

Thursday, May 10, 2018

Jwale Jesu a ba isa kantle ho motse, a ya le bona ho ya fihla Bethania, a phahamisa matsoho, a ba hlohonolofatsa. Eitse ha a ntse a ba hlohonolofatsa, a tloha ho bona, a nyollelwa lehodimong.

LUKA 24:50-51 Jesu tšhegofatšo legodimo