Iivesi zeBhayibhile malunga nengqondo

«»

• Iingqondo zenu zimiliseleni kwizinto zaphezulu, kungabi kwizinto zalo mhlaba.
  KWABASEKOLOSE 3:2izuluumhlaba
• Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.
  KWABASE-EFESE 5:15-16ubulumkoubomi
• Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”
  UMATEWU 22:37intliziyoumphefumlo
• Ozingela ubulumko uyazithanda ngokwakhe;
  okuxabisileyo ukuqonda uzuza ukonwaba.
  IZAFOBE 19:8ubulumkoubomi
• Ukukhula kobulumko kwandisa ukukhathazeka;
  kanti ke nokukhula kolwazi kongeza iinzingo.
  AMAVA ENGQONDI 1:18ubulumkousiziukukhathazeka
• Umntu ondwebileyo uthi akuyibona ayicezele ingozi,
  kanti ke yena ongaqiqiyo uphoseka kuyo enzakale.
  IZAFOBE 27:12ukhuselekoukukhuselwaisohlwayo
• Iintsimbi ziyalolana;
  ngokunjalo ke nezihlobo ziyakhuthazana.
  IZAFOBE 27:17ubuhloboubudlelwane
• Unenyhweba kambe umntu obufumeneyo ubulumko;
  nditsho lowo ukuzuzileyo ukuqonda.
  IZAFOBE 3:13ubulumkoukuqonda
• Ukuba bakho abantu abalumkileyo nabaqondayo phakathi kwenu, loo nto mabayibonakalise ngobomi obumsulwa, nangezenzo zentobeko nobulumko.
  EKAYAKOBI 3:13ukuthobekaubulumkoubomi
• Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.
  UMATEWU 7:24ILizwi likaThixoubulumkoukuphulaphula
• Kanti ke nesiyatha sicingelwa ukuba sisilumko ukuba asithandi kuthetha;
  kaloku umntu othuleyo ubalelwa ukuba yingqondi.
  IZAFOBE 17:28ukuthethaubulumko
• Kaloku imo engabonwayo kaThixo – ndithetha amandla akhe angapheliyo kwanobuThixo bakhe – ibonakala kakuhle kwasekudalweni kwehlabathi. Kaloku iqondakala ngezinto azenzileyo uThixo. Ngenxa yoko abantu abanasiphephelo mpela.
  KWABASEROMA 1:20indaloamandlaumhlaba
• Ngalo ubabalo endababalwa ngalo ndithi kuni nonke: Musani ukuzicingela ngaphezu koko umntu amelwe kukuzicingela ngako. Ndaweni yaloo nto yibani neengcinga ezithobekileyo. Elowo nalowo makazikhuthaze ngokokholo aluphiwe nguThixo.
  KWABASEROMA 12:3ubabaloukholoiingcamango
• Kaloku ndagqiba kwelokuba ndingazi nto phakathi kwenu, ingenguye uYesu Krestu, naye ke ebethelelwe emnqamlezweni.
  1 KWABASEKORINTE 2:2ukuvangelaUYesuukubethelwa emnqamlezweni
• Umntu ongaqiqiyo akayikhathalele imfundiso kayise;
  kambe ke yena ozamkelayo iziluleko unengqondo.
  IZAFOBE 15:5UTataubulumkoabantwana
• Nokuthi umthande yena ngentliziyo iphela, nangengqiqo iphela, nangamandla ephela, nokuthi umthande ummelwane wakho kanye ngale ndlela uzithanda ngayo, kungaphezulu lee kunayo yonke imibingelelo namadini atshiswayo.
  UMARKO 12:33intliziyoamandlauthando