Ireo andinin-teny ao amin'ny Baiboly 100 anisan'ny malaza

«»

• Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.
  1 Korintiana 13:4-5fitiavanafaharetanahatezerana
• Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.
  1 Tesaloniana 5:16-18fifalianafankasitrahanafivavahana
• Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.
  Filipiana 4:6-7fankasitrahanafivavahanaahiahy
• Hitahy anao anie Jehovah ka hiaro anao;
  Hampamirapiratra ny tavany aminao anie Jehovah ka hamindra fo aminao;
  Hanandratra ny tavany aminao anie Jehovah ka hanome anao fiadanana.
  Nomery 6:24-26fahasoavanafitahianafiadanana
• Fa izay miandry an'i Jehovah dia mandroso hery kosa;
  Elatra no hiakarany tahaka ny voromahery;
  Hihazakazaka izy, nefa tsy ho sasatra;
  Handeha izy, nefa tsy ho reraka.
  Isaia 40:31fanantenanafankaherezanatanjaka
• Aza matahotra ianao, fa momba anao Aho;
  Ary aza miherikerika foana, fa Izaho no Andriamanitrao;
  Mampahery anao Aho sady mamonjy anao;
  Eny, mitantana anao amin'ny tanana ankavanan'ny fahamarinako Aho.
  Isaia 41:10tahotratanjakaahiahy
• Ary aoka ho ao am-ponao izao teny andidiako anao anio izao. Dia ampianaro tsara ny zanakao izany, ary resaho, na mipetraka ao an-tranonao ianao, na mandeha any an-dalana, na mandry, na mifoha.
  Deotoronomia 6:6-7lalànaankohonanazaza
• Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany.
  Jeremia 29:11fandrindranafitahianafanantenana
• Hotahina izay olona matoky an'i Jehovah,
  dia izay manana an'i Jehovah ho tokiny.
  Fa ho toy ny hazo ambolena eo amoron-drano izy,
  izay mamaka eo anilan'ny rano mandeha,
  ka tsy hatahotra, na dia avy aza ny hainandro,
  sady ho maitso ny raviny,
  ka tsy hanahy izy, na dia mihantona aza ny andro,
  fa tsy hitsahatra ny famoany.
  Jeremia 17:7-8fahatokisanafitahianamamoa
• Izay rehetra ataonareo dia ataovy amin'ny fitiavana.
  1 Korintiana 16:14fitiavanaasa
• Koa lazaiko aminareo: Na inona na inona tononinareo amin'ny fivavahana sy angatahinareo, dia minoa fa efa nandray ianareo, dia ho azonareo izany.
  Marka 11:24finoanafivavahanafahazoana
• Ankino amin'i Jehovah ny asanao,
  Dia ho lavorary izay kasainao.
  Ohabolana 16:3fahatokisanafandrindranafitahiana
• Mba homeny anareo, araka ny haren'ny voninahiny, ny mba hohatanjahina fatratra amin'ny Fanahiny ny toe-panahinareo; mba hitoeran'i Kristy ao am-ponareo amin'ny finoana, ka hamaka sy hiorina mafy amin'ny fitiavana ianareo.
  Efesiana 3:16-17finoanafitiavanaFanahy
• Ampandreneso ny famindram-ponao aho nony maraina,
  Fa Hianao no itokiako;
  Ampahalalao ahy izay lalana tokony halehako,
  Fa aminao no ananganako ny fanahiko.
  Salamo 143:8fahatokisanafitiavanafandrindrana
• Ary Andriamanitry ny fanantenana anie hameno anareo amin'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin'ny Fanahy Masina.
  Romana 15:13finoanaFanahyfanantenana
• Ary na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo.
  Kolosiana 3:23-24valisoafiainanafahazoana
• Fa finoana no andehanantsika, fa tsy fahitana.
  2 Korintiana 5:7fahatokisanafinoanafiainana
• Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.
  Deotoronomia 31:8fanarahanatahotrafankaherezana
• Dia hoy izy roa lahy: Minoa an'i Jesosy Tompo, dia hovonjena ianao sy ny ankohonanao.
  Asan'ny Apostoly 16:31finoanafamonjenaankohonana
• Jehovah hiaro anao amin'ny ratsy rehetra;
  Eny, hiaro ny fanahinao Izy.
  Jehovah hiaro anao, na mivoaka na miditra,
  Hatramin'izao ka ho mandrakizay.
  Salamo 121:7-8fanantenanafiainanafaharatsiana
• Matokia an'i Jehovah amin'ny fonao rehetra,
  Fa aza miankina amin'ny fahalalanao;
  Maneke Azy amin'ny alehanao rehetra,
  Fa Izy handamina ny lalanao.
  Ohabolana 3:5-6fahatokisanafiankinan-dohafo
• Amin'ny fanetren-tena rehetra sy ny fahalemem-panahy, amin'ny fahari-po mifandefitra amin'ny fitiavana.
  Efesiana 4:2fitiavanafanetren-tenafaharetana
• Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.
  Eksodosy 23:25fiankohofanafitahianaaretina
• Aoka tsy handao anao ny famindram-po sy ny fahamarinana;
  Afehezo eo am-bozonao izany,
  Ary soraty ao amin'ny fonao tahaka ny amin'ny vato fisaka,
  Ka dia hahazo fitia sy fahalalana tsara
  Eo anatrehan'Andriamanitra sy ny olona ianao.
  Ohabolana 3:3-4fitiavanavalisoafo
• Hoy Jesosy taminy: Izaho no fananganana ny maty sy fiainana; izay mino Ahy, na dia maty aza, dia ho velona indray. Ary izay rehetra velona ka mino Ahy dia tsy ho faty mandrakizay. Mino izany va ianao?
  Jaona 11:25-26finoanafahafatesanafitsanganana amin'ny maty