Andin-teny ao amin'ny Baiboly malaza indrindra (2/4)

Fa manompoa an'i Jehovah Andriamanitrareo, dia hitahy ny haninao sy ny ranonao… Eksodosy 23:25

MG1865

Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.
Eksodosy 23:25 fiankohofana fitahiana aretina
Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo.
1 Korintiana 15:58 fankatoavana valisoa fankaherezana
Ary ankehitriny dia ireto telo ireto no mitoetra: ny finoana, ny fanantenana, ny fitiavana: fa ny fitiavana no lehibe amin'ireo.
1 Korintiana 13:13 finoana fitiavana fanantenana
Miverena, ka lazao amin'i Hezekia, mpanapaka ny oloko, hoe: Izao no lazain'i Jehovah, Andriamanitr'i Davida rainao: Efa nohenoiko ny fitarainanao, ary efa hitako ny ranomasonao; indro, hahasitrana anao Aho, ka raha afaka ampitso dia hiakatra ho ao an-tranon'i Jehovah ianao.
2 Mpanjaka 20:5 fivavahana fisaonana fahasitranana
Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.
Josoa 1:9 Andriamanitra tahotra fankaherezana
Ary aoka ho ambonin'izany rehetra izany ny fitiavana, fa fehin'ny fahatanterahana izany.
Kolosiana 3:14 fitiavana fiaraha-monina lafatra
Ary izao no fahasahiana ananantsika eo anatrehany: Raha mangataka zavatra araka ny sitrapony isika, dia mihaino antsika Izy.
1 Jaona 5:14 fahatokisana fivavahana mihaino
Mifalia amin'ny fanantenana; miareta amin'ny fahoriana; mahareta amin'ny fivavahana.
Romana 12:12 fifaliana fivavahana faharetana
Hanome anao araka ny fonao anie
Izy ary hahatanteraka ny fisainanao rehetra.
Salamo 20:4 fandrindrana fitahiana fo
Ary ny Tompo izany Fanahy izany; ary izay itoeran'ny Fanahin'ny Tompo no itoeran'ny fahafahana.
2 Korintiana 3:17 fahafahana Fanahy Fanahy Masina
Raha mita ny rano ianao, dia homba anao Aho;
Ary raha mita ny ony ianao, dia tsy hanafotra anao izy;
Raha mandeha mamaky ny afo ianao, dia tsy ho may,
Ary tsy hirehitra aminao ny lelafo.
Isaia 43:2 fahatokisana fankaherezana fampanantenana
Koa tandremo tsara izay fandehanareo, mba tsy hitondranareo tena tahaka ny adala, fa tahaka ny hendry, ka hararaoty ny andro azo anaovan-tsoa, fa ratsy izao fiainana izao.
Efesiana 5:15-16 fahendresena fiainana saina
Jehovah ô, Andriamanitro Hianao; Hanandratra Anao sy hidera ny anaranao aho, fa efa nanao zava-mahagaga Hianao, dia zavatra efa voakasa hatramin'ny ela sady mahatoky no marina indrindra.
Isaia 25:1 fitokisana Andriamanitra fiankohofana
Fa hoy Jesosy taminy: Hainao hoe? Ny zavatra rehetra dia hain'ny mino.
Marka 9:23 finoana fahagagana fahasitranana
Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.
2 Korintiana 9:7 fifaliana manomeza fo
Ary nony mamatonalina, dia nivavaka sy nihira fiderana an'Andriamanitra Paoly sy Silasy; ary nihaino azy ny mpifatotra.
Asan'ny Apostoly 16:25 fiankohofana fivavahana mihaino
Mahareta amin'ny fivavahana, ka miambena amin'izany amin'ny fisaorana.
Kolosiana 4:2 fankasitrahana fivavahana
Ary isika efa mahalala sy mino ny fitiavan'Andriamanitra antsika. Andriamanitra dia fitiavana; ary izay mitoetra amin'ny fitiavana no mitoetra ao amin'Andriamanitra, ary Andriamanitra ao aminy.
1 Jaona 4:16 fahatokisana fitiavana Andriamanitra
Amin'ny andro atahorako no itokiako Anao.
Salamo 56:3 fahatokisana Andriamanitra tahotra
Ary hiantso Ahy ianareo ka handeha sy hivavaka amiko, dia hihaino anareo Aho.
Jeremia 29:12 fiankohofana fivavahana mihaino
Izany teny izany efa nolazaiko taminareo mba hanananareo fiadanana amiko. Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao.
Jaona 16:33 fankaherezana fiadanana fandresena
Fa Izaho Jehovah Andriamanitrao
no mitantana ny tananao ankavanana,
dia ilay manao aminao hoe:
Aza matahotra, Izaho no hamonjy anao.
Isaia 41:13 Andriamanitra tahotra fiankinan-doha
Mankanesa atỳ amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana.
Matio 11:28 fanantenana fankaherezana fitsaharana
Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.
Efesiana 4:32 famelàn-keloka mamindra fo hatsaram-panàhy
Antsoy Aho, dia hovaliako ianao ka hampisehoako zavatra lehibe sy saro-pantarina izay tsy fantatrao.
Jeremia 33:3 fivavahana mahatakatra mihaino