Andinin-teny ao amin'ny Baiboly momba ny fahasitranana

«»

• Fa hoy Jesosy taminy: Hainao hoe? Ny zavatra rehetra dia hain'ny mino.
  Marka 9:23finoanafahagagana
• Fa Jesosy, raha nahare, dia namaly azy ka nanao hoe: Aza matahotra; minoa fotsiny ihany, dia ho velona izy.
  Lioka 8:50tahotrafinoanafahagagana
• Mahasitrana ny torotoro fo Izy
  Sy mamehy ny feriny.
  Salamo 147:3foaretinafahasalamana
• Misy marary va eo aminareo? Aoka izy hampaka ny loholon'ny fiangonana; ary aoka hanosotra diloilo azy amin'ny anaran'ny Tompo ireo sady hivavaka eo aminy; ary ny fivavaky ny finoana dia hamonjy ilay marary, fa ny Tompo hanangana azy; ary raha nanota izy, dia havela ny helony.
  Jakoba 5:14-15aretinafivavahanafinoana
• Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.
  Marka 10:52finoanafamonjena
• Sitrano ny marary, atsangano ny maty, diovy ny boka, avoahy ny demonia; efa nahazo maimaimpoana ianareo, koa manomeza maimaimpoana.
  Matio 10:8manomezafahazoanaaretina
• Jehovah ô, sitrano aho, dia ho sitrana;
  Vonjeo aho, dia ho voavonjy;
  Fa Hianao no fiderako.
  Jeremia 17:14aretinafideranafamonjena
• Ny fo ravoravo mahasalama tsara;
  Fa ny fanahy kivy mahamaina ny taolana.
  Ohabolana 17:22foaretinafahalemena
• Nefa Izy dia voalefona noho ny fahadisoantsika
  sy notorotoroina noho ny helotsika,
  ny fampijaliana nahazoantsika fihavanana no namelezana Azy;
  ary ny dian-kapoka taminy no nahasitranana antsika.
  Isaia 53:5fahotanaJesosy
• Koa mifaneke heloka ianareo, ary mifampivavaha, mba ho sitrana ianareo. Ny fiàsan'ny fivavaky ny marina dia mahery indrindra.
  Jakoba 5:16rarinyfivavahanaaretina
• Ary hiposaka aminareo, izay matahotra ny anarako, ny Masoandron'ny fahamarinana, manana fanasitranana ao amin'ny tanany; ary hivoaka ianareo ka hifalihavanja toy ny zanak'omby mifahy.
  Malakia 3:20fifalianararinyfanajana
• Raha ny oloko izay nantsoina amin'ny anarako ho avy hanetry tena ka hivavaka sy hitady ny tavako ary hiala amin'ny ratsy fanaony, dia hihaino any an-danitra Aho ka hamela ny helony ary hahasitrana ny taniny.
  2 Tantara 7:14fanetren-tenafamelàn-kelokafiovam-po
• Ary Izy nitondra ny fahotantsika tamin'ny tenany teo ambonin'ny hazo, mba ho faty ny amin'ny ota isika, fa ho velona ny amin'ny fahamarinana; ary "ny dian-kapoka taminy no nahasitranana anareo".
  1 Petera 2:24fahotanararinyvatana
• Miverena, ka lazao amin'i Hezekia, mpanapaka ny oloko, hoe: Izao no lazain'i Jehovah, Andriamanitr'i Davida rainao: Efa nohenoiko ny fitarainanao, ary efa hitako ny ranomasonao; indro, hahasitrana anao Aho, ka raha afaka ampitso dia hiakatra ho ao an-tranon'i Jehovah ianao.
  2 Mpanjaka 20:5fivavahanafisaonanafaminaniana
• Ary sitrano izay marary ao, ka lazao amin'ny olona hoe: Efa mby akaiky anareo ny fanjakan'Andriamanitra.
  Lioka 10:9aretinamanodidinafanjakana
• Nandefa ny teniny Izy mba hahasitrana azy
  Ary nanafaka azy tamin'ny longoa nianjerany.
  Salamo 107:20Tenin'Andriamanitra
• Ary raha nahare izany Jesosy, dia nanao hoe: Tsy ny finaritra no mila mpanao fanafody, fa ny marary.
  Matio 9:12famelàn-kelokafahasalamana
• Raha hazoto hihaino ny feon'i Jehovah Andriamanitrao ianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin'ny Egyptiana; fa Izaho no Jehovah Izay mahasitrana anao.
  Eksodosy 15:26mihainoaretinarariny
• Jehovah mampahiratra ny jamba
  Jehovah mampitraka ny mitanondrika;
  Jehovah tia ny marina.
  Salamo 146:8aretinararinyfisaonana
• Ary nampianatra tao amin'ny synagoga anankiray Jesosy tamin'ny Sabata. Ary, indro, nisy vehivavy izay nanana fanahy mahafarofy valo ambin'ny folo taona, ary nanjoko izy ka tsy nahatraka akory. Ary rehefa nahita azy Jesosy, dia niantso azy ka nanao taminy hoe: Ravehivavy, afaka amin'ny rofinao ianao. Dia nametraka ny tànany taminy Izy; ary niaraka tamin'izay dia nitraka ravehivavy sady nankalaza an'Andriamanitra. Ary ny mpanapaka ny synagoga dia tezitra, satria Jesosy nahasitrana tamin'ny Sabata, dia namaly ka nanao tamin'ny vahoaka hoe: Henemana no azo anaovan-draharaha; koa avia hositranina amin'izany, fa tsy amin'ny andro Sabata. Fa namaly azy ny Tompo ka nanao hoe: Ry mpihatsaravelatsihy, moa tsy samy mamaha ny ombiny na ny borikiny hiala amin'ny fihinanam-bilona amin'ny Sabata va ianareo ka mitondra azy hisotro rano? Koa ity vehivavy zanak'i Abrahama ity, izay efa nafatotr'i Satana izao valo ambin'ny folo taona izao, moa tsy tokony hovahana ho afaka amin'izany fatorana izany amin'ny andro Sabata va? Ary raha nilaza izany Izy, dia nangaihay izay rehetra nanohitra Azy; fa ny vahoaka rehetra nifaly noho ny zavatra malaza rehetra nataony.
  Lioka 13:10-17fahagaganasabata
• Ny Fanahin'i Jehovah no ato amiko,
  Satria nanosotra Ahy hitory teny soa mahafaly amin'ny malahelo Izy;
  Naniraka Ahy hitory fandefasana amin'ny mpifatotra Izy,
  Sy fampahiratana amin'ny jamba,
  Hanafaka izay nampahorina.
  Lioka 4:18Fanahyfitoriana ny filazantsarafahafahana
• Ary Jesosy nandeha eran'i Galilia ka nampianatra tao amin'ny synagogan'ny olona teo sy nitory ny filazantsaran'ny fanjakana ary nahasitrana ny aretina rehetra mbamin'ny rofy rehetra tamin'ny olona.
  Matio 4:23fitoriana ny filazantsarafanjakanaaretina