Lahateny (3/3)

Ny tenin'i Jehovah no nanaovana ny lanitra; ary ny fofonain'ny vavany no… Salamo 33:6

MG1865

Ny tenin'i Jehovah no nanaovana ny lanitra;
ary ny fofonain'ny vavany no nanaovana ny hamaroany rehetra.
Salamo 33:6 famoroana izao tontolo izao lanitra
Fa ianao kosa dia milazà izay miendrika ny fampianarana tsy misy kilema.
Titosy 2:1 fitoriana ny filazantsara mianatra
Ary Jesosy namaly ka nanao taminy hoe: Lazaiko aminareo marina tokoa: Raha manam-pinoana ianareo ka tsy miahanahana, dia tsy izao natao tamin'ny aviavy izao ihany no ho vitanareo, fa raha hiteny amin'ity tendrombohitra ity aza ianareo ka hanao hoe: Mifindrà ianao, ka mianjerà any an-dranomasina, dia ho tonga izany.
Matio 21:21 finoana fahagagana fahatokisana
Ny teny jadona tsy tandrifiny halahatry ny adala,
Koa mainka fa tsy tokony ho an'ny zanak'andriana ny molotra mandainga.
Ohabolana 17:7 fahendresena lainga
Fitahiana no ho ao amin'ny lohan'ny marina;
Fa loza no mandrakotra ny vavan'ny ratsy fanahy.
Ohabolana 10:6 rariny fitahiana
Volafotsy voafantina ny lelan'ny marina;
Fa ny fon'ny ratsy fanahy tsy misy vidiny.
Ohabolana 10:20 sarobidy rariny
Mitandrema ianareo; fa raha manota ny rahalahinao, dia teneno mafy izy, ka raha mibebaka izy, dia mamelà ny helony. Ary raha manota aminao impito indray andro izy, ary mivalo aminao impito kosa manao hoe; Mibebaka aho, dia mamelà ny helony.
Lioka 17:3-4 fahotana famerim-berenana famelàn-keloka
Hisaotra an'i Jehovah lalandava aho;
ho eo am-bavako mandrakariva ny fiderana Azy.
Salamo 34:1 fiankohofana fitahiana fiderana
Izay mitahiry lolompo dia manana molotra mandainga,
Ary izay mampiely endrikendrika dia adala.
Ohabolana 10:18 fitabatabana lainga
Fa mihoatra noho ny zavatra rehetra, ry rahalahiko, aza mianiana, na amin'ny lanitra, na amin'ny tany, na amin'izay fianianana hafa akory aza; fa aoka ny fanaikinareo ho "Eny", ary ny fandànareo ho "Tsia", fandrao hiharan'ny fitsarana ianareo.
Jakoba 5:12 fanaovana ny marina fahamarinana fitsarana
Ny didin'ny molony tsy mba nialako;
Ny tenin'ny vavany noraketiko mihoatra noho ny faniriako.
Joba 23:12 lalàna fankatoavana Tenin'Andriamanitra
Fony azom-pahoriana aho, dia niantso an'i Jehovah,
eny, Andriamanitro no nitarainako;
nihaino ny feoko tao an-tempoliny Izy,
ary ny fitarainako teo anatrehany dia efa tonga teo an-tsofiny.
Salamo 18:6 fivavahana mihaino
Ary Andriamanitra nanao hoe: Misia mazava; dia nisy mazava.
Genesisy 1:3 famoroana izao tontolo izao fahazavana
Fa tsy nisy faminaniana avy tamin'ny sitrapon'ny olona tany aloha rehetra; fa avy tamin'Andriamanitra no nitenenan'ny olona araka izay nitondran'ny Fanahy Masina azy.
2 Petera 1:21 faminaniana Fanahy Fanahy Masina
Ary raha hoy ianao anakampo: Hataontsika ahoana no fahafantatra ny teny izay tsy nolazain'i Jehovah? Raha miteny amin'ny anaran'i Jehovah ny mpaminany, ka tsy efa ny zavatra, na tsy tanteraka, dia teny izay tsy nolazain'i Jehovah izany: tamin'ny fahasahisahiana no nilazan'ny mpaminany izany, koa aza matahotra azy.
Deotoronomia 18:21-22 faminaniana fahamarinana
Fahavetavetana eo imason'i Jehovah ny molotra mandainga;
Fa izay olona mahatoky no ankasitrahany.
Ohabolana 12:22 lainga fanaovana ny marina fahamarinana
Dia lavo tamin'ny tany aho ka nandre feo nilaza tamiko hoe: Saoly, Saoly, nahoana ianao no manenjika Ahy?
Asan'ny Apostoly 22:7 fahagagana fanenjehana
Ary hiteny ianao amin'izany andro izany ka hanao hoe:
Miderà an'i Jehovah, miantsoa ny anarany,
ampahafantaro any amin'ny firenena ny asany.
Ampahatsiarovy fa efa misandratra ny anarany.
Isaia 12:4 fitoriana ny filazantsara fiankohofana fiderana
Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.
Asan'ny Apostoly 2:3-4 Fanahy pentekosta Fanahy Masina
Hidera an'i Jehovah amin'ny foko rehetra aho;
hanambara ny fahagaganao rehetra aho.
Salamo 9:1 fiankohofana fankasitrahana fahagagana
Ary rehefa nivavaka izy, dia nihovitrovitra ny trano izay niangonany; dia feno ny Fanahy Masina izy rehetra ka nitory ny tenin'Andriamanitra tamin'ny fahasahiana.
Asan'ny Apostoly 4:31 pentekosta Fanahy Masina fivavahana
Efa madio rahateo ianareo noho ny teniko, izay nolazaiko taminareo.
Jaona 15:3 fanadiovana Tenin'Andriamanitra faharatsiana
Ny tenin'ny mpifosafosa dia toy ny hanim-py
Ka mikorotsaka ao anaty kibo indrindra.
Ohabolana 18:8 fitabatabana
Ary nandre ny feon'ny Tompo aho nanao hoe: Iza no hirahiko, ary iza no handeha ho irakay? Dia hoy izaho: Inty aho, iraho aho.
Isaia 6:8 faminaniana fitoriana ny filazantsara
Fa Izaho kosa milaza aminareo hoe: Aza mianiana akory na amin'ny lanitra, fa seza fiandrianan'Andriamanitra izany; na amin'ny tany, fa fitoeran-tongony izany; na amin'i Jerosalema, fa tanànan'ny Mpanjaka lehibe izany.
Matio 5:34-35 fitokisana lanitra izao tontolo izao