Romana 12

MG1865

Ampitahao

Koa amin'izany mangataka aminareo aho, ry rahalahy, noho ny famindram-pon'Andriamanitra, mba hatolotrareo ny tenanareo ho fanatitra velona, masina, sitrak'Andriamanitra, dia fanompoam-panahy mety hataonareo izany.
Romana 12:1 famindram-po fahamasinana fankatoavana
Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.
Romana 12:2 lafatra fankatoavana fiainana
Fa noho ny fahasoavana nomena ahy dia izao no lazaiko amin'ny olona rehetra izay eo aminareo: Aza mihevitra mihoatra noho izay tokony hoheverina; fa mihevera izay onony araka ny ohatry ny finoana izay nozarain'Andriamanitra ho anareo avy.
Romana 12:3 fahasoavana finoana saina
Fa toy ny ananantsika zavatra maro momba ny tena iray, nefa tsy mitovy asa izay rehetra momba ny tena, dia toy izany koa isika, na dia maro aza, dia tena iray ihany ao amin'i Kristy, ary samy miara-momba ny tena isika rehetra.
Romana 12:4-5 vatana Jesosy fiaraha-monina
Aoka ny fitiavana ho amin'ny tsi-fihatsaram-belatsihy; mankahalà ny ratsy; mifikira amin'ny tsara.
Romana 12:9 fitiavana faharatsiana hatsaram-panàhy
Mifankatiava araka ny fifankatiavan'ny mpirahalahy; mitariha lalana amin'ny fifanomezam-boninahitra.
Romana 12:10 fitiavana manaraka
Mazotoa, fa aza malaina, ary aoka hafana fo amin'ny fanompoana ny Tompo.
Romana 12:11 fankatoavana Fanahy fanompoana
Mifalia amin'ny fanantenana; miareta amin'ny fahoriana; mahareta amin'ny fivavahana.
Romana 12:12 fifaliana fivavahana faharetana
Misaora izay manenjika anareo; misaora, fa aza manozona.
Romana 12:14 fitahiana fanenjehana
Miaraha mifaly amin'izay mifaly, ary miaraha mitomany amin'izay mitomany.
Romana 12:15 fifaliana mamindra fo fisaonana
Miraisa saina. Aza mihevitra izay hiavonavonana, fa aoka mba ho zatra amin'ny fietrena ianareo. Aza manao ny tenanareo ho hendry.
Romana 12:16 fanetren-tena fiaraha-monina fiankinan-doha
Raha azo atao, dia ataovy izay hihavananareo amin'ny olona rehetra.
Romana 12:18 fiadanana fiainana manaraka
Ry malala, aza mamaly ratsy, fa omeo lalana ny fahatezerana; fa voasoratra hoe: Ahy ny famaliana; Izaho no hamaly, hoy Jehovah.
Romana 12:19 hatezerana sazy fitsarana
Aza mety ho resin'ny ratsy ianao, fa reseo amin'ny soa ny ratsy.
Romana 12:21 faharatsiana hatsaram-panàhy fandresena