Phupjane 2015

Morena, ke tla o boka hara ditjhaba,
ke o roke hara merabe.

PESALEMA 108:4 go direla/hlankela lefase tumišo

2015 Phupjane 29, Mmantaha

O se ke wa jara ngwaneno ka pelo. O kgalemele mohaeno, esere wa itjarisa sebe ka baka la hae. O se ke wa iphetetsa, kapa wa ntshetsa disuwa baneng ba setjhaba sa heno, empa o rate wa heno jwalokaha o ithata. Ke nna Morena.

MEETLO 19:17-18 lerato bonolo pefelo

2015 Phupjane 28, Sontaha

Eka kgona yena a hole, empa nna ke nyenyefale.

JOHANNE 3:30 boikokobetšo Jesu

2015 Phupjane 27, Moqebelo

Jesu a nka dinkgwa tse hlano le ditlhapi tse pedi, a lelalla lehodimong, a di hlohonolofatsa, a di ngwatha, a di nea barutuwa ho di abela letshwele. Bohle ba eja, ba kgora, mme ha bokellwa diroto tse leshome le metso e mmedi tsa makumane a setseng.

LUKA 9:16-17 mehlolo dijo thapelo

2015 Phupjane 26, Labohlane

Ebang le maikutlo ana a neng a le ho Kreste Jesu.

BAFILIPI 2:5 kgalalelo Jesu

2015 Phupjane 25, Labone

Ako kgahlwe ke mantswe
a tswang molomong wa ka,
le ke menahano e ka pelong ya ka,
wena Morena, lefika la ka,
le molopolli wa ka.

PESALEMA 19:15 go bolela thapelo pelo

2015 Phupjane 24, Laboraru

Mosa wa lona o ke o tsejwe ke batho bohle. Morena o haufi.

BAFILIPI 4:5 bonolo bokgauswi

2015 Phupjane 23, Labobedi

Hobane Mora Motho o tlile ho batla le ho pholosa ba lahlehileng.

LUKA 19:10 phološo Jesu go nyaka

2015 Phupjane 22, Mmantaha

Pelo e thabileng
e tseba ho fodisa,
empa moya o hlorileng
o tepeletsa mmele.

MAELE 17:22 pholo pelo bolwetši

2015 Phupjane 21, Sontaha

Nka etsa tsohle ka Kreste ya mmatlafatsang.

BAFILIPI 4:13 Modimo maatla tšhireletšo

2015 Phupjane 20, Moqebelo

Ke le siela kgotso, ke le fa kgotso ya ka; ha ke le fe kamoo lefatshe le fanang kateng. Pelo tsa lona di se ferekane, leha e le ho ba boi.

JOHANNE 14:27 tlhohleletšo khutšo go belaela

2015 Phupjane 19, Labohlane

Ha ba lokileng ba lla,
Morena o a ba utlwa;
o ba lopolla
matshwenyehong wohle a bona.
Morena o haufi
le ba feletsweng ke tshepo,
o pholosa ba meya e tetebetseng.

PESALEMA 34:18-19 phološo molopolodi bokgauswi

2015 Phupjane 18, Labone

Empa haeba batho ba le hlokofaletsa ho loka ha lona, le lehlohonolo. Le se ke la ba tshaba, mme le se ke la ferekana.

1 PETROSE 3:14 boloki tlaišego letšhogo

2015 Phupjane 17, Laboraru

Jwale tsena tse tharo, e leng tumelo, le tshepo, le lerato, di tla nne di be teng, empa e kgolo ho tsona ke lerato.

1 BAKORINTHE 13:13 tumelo lerato kholofelo

2015 Phupjane 16, Labobedi

Karabo e nepahetseng
e thabisa monga yona,
e tlang ka nako ya yona
e molemo hakaakang!

MAELE 15:23 go bolela lethabo

2015 Phupjane 15, Mmantaha

A re ho bona: “Eyang lefatsheng lohle, le phatlalletse dibopuwa tsohle molaetsa o molemo.”

MAREKA 16:15 boikobo boebangedi Jesu

2015 Phupjane 14, Sontaha

Ho se be ya o nyedisang ka baka la botjha ba hao, o mpe o iketse mohlala ho badumedi ka dipolelo, ka metsamao, ka lerato, ka tumelo le ka bohlweki.

1 TIMOTHEA 4:12 tumelo lerato bophelo

2015 Phupjane 13, Moqebelo

Oho, Modimo, ako bope ka ho nna,
o bope pelo e hlwekileng,
o kenye moya o motjha, o tiileng,
o o kenye ka sefubeng sa ka.

PESALEMA 51:12 tlhwekišo Moya wa Modimo pelo

2015 Phupjane 12, Labohlane

Ha ngwaneno a o sitetswe, eya, o mo nyatse le le inotshi. Haeba a o mamela, e tla ba o hapile pelo ya hae.

MATHEU 18:15 sebe go bolela go theeletša

2015 Phupjane 11, Labone

Jesu a ba tadima, a re ho bona: “Hona ho sita batho, empa Modimo ha a sitwe ke letho.”

MATHEU 19:26 mehlolo phološo kwešišo

2015 Phupjane 10, Laboraru

Tsela tsa Modimo di phethehile,
tshepiso tsa Morena ke tsa nnete;
yena ke thebe
ya bohle ba tshabelang ho yena.

PESALEMA 18:31 go hloka bosodi Lentšu la Modimo tšhireletšo

2015 Phupjane 9, Labobedi

Bohle ke baetsadibe, ba ikamohile tlotla ya Modimo. Empa ba lokafatswa feela ka mohau wa hae, ka ho lopollwa ke Kreste Jesu.

BAROMA 3:23-24 sebe kgaugelo Mophološi

2015 Phupjane 8, Mmantaha

Ka baka leo, le se ke la itshwenya ka la hosasane, hobane la hosasane le tla itshwenya ka tsa lona; letsatsi ka leng le lekanwa ke bothata ba lona.

MATHEU 6:34 bophelo go belaela go ikanya

2015 Phupjane 7, Sontaha

Ke ya metsamao e se nang kodi,
ya etsang tse lokileng;
ya buang nnete
e tswang pelong ya hae,
ya sa etseletseng ka leleme la hae,
ya sa etseng mohahabo hampe,
ya sa tlameletseng wa habo.

PESALEMA 15:2-3 nnete go hloka bosodi lesebo

2015 Phupjane 6, Moqebelo

Atamelang ho Modimo, mme o tla atamela ho lona. Lona baetsadibe, hlatswang matsoho a lona; lona ba qeaqeang, hlwekisang dipelo tsa lona.

JAKOBO 4:8 sebe tlhwekišo boloki

2015 Phupjane 5, Labohlane

Re phela ka tumelo, e seng ka ho mmona.

2 BAKORINTHE 5:7 tshepo tumelo bophelo

2015 Phupjane 4, Labone

Ho lehlohonolo motho ya mosa,
motho ya adimanang,
ya sebetsang ditaba tsa hae ka toka.

PESALEMA 112:5 go rata go fa mohau go tshepega

2015 Phupjane 3, Laboraru

Ka mokgwa o jwalo le Kreste o ile a inyehela hanngwe, ho tlosa dibe tsa ba bangata. Mohla a tlang kgetlo la bobedi, sebe se se se fedisitswe, o tla iponahatsa ho ba mo lebeletseng hore a ba pholose.

BAHEBERU 9:28 sebe sehlabelo phološo

2015 Phupjane 2, Labobedi

Pelo e tletse mano
ho feta dintho tsohle,
e senyehile
hoo e ke keng ya phekolwa,
ke mang ya ka e utlwisisang?
“Ke nna Morena ya lekolang dipelo,
mohopolo le wona o lekolwa ke nna.
Ke putsa motho
ho ya ka diketso tsa hae,
ho latela tholwana
tsa mesebetsi ya hae.”

JEREMIA 17:9-10 moputso bophelo pelo