Phata 2019

Molaetsa oo le o utlwileng ho tloha tshimolohong le o boloke. Ha le ka boloka ka ho lona molaetsa oo le o utlwileng ho tloha tshimolohong, le lona le tla bolokeha ho Mora le ho Ntate.

1 JOHANNE 2:24 go theeletša boebangedi Jesu

2019 Phata 30, Labohlane

Lena ke lona letsatsi
le entsweng ke Morena;
a re nyakalleng,
re thabeng ke hona.

PESALEMA 118:24 tlholo lethabo bophelo

Tsebang ke hona hore Morena Modimo wa lona, ke yena Modimo. Ke Modimo ya tshepahalang, ya bolokang selekane le lerato la hae le tiileng ho ba mo ratang, le ho ba bolokang melao ya hae, ho isa melokong e sekete.

LIPOLELO 7:9 potego molao Modimo

2019 Phata 28, Laboraru

Jwale tsena tse tharo, e leng tumelo, le tshepo, le lerato, di tla nne di be teng, empa e kgolo ho tsona ke lerato.

1 BAKORINTHE 13:13 tumelo lerato kholofelo

2019 Phata 27, Labobedi

Ebe motho e ne e le eng,
hoo o ka mo hopolang?
Ngwana motho e ne e le eng,
hoo o ka mo hlokomelang?

PESALEMA 8:5 tšhegofatšo boikokobetšo kgaugelo

2019 Phata 26, Mmantaha

Empa bohlale bo tswang hodimo, pele ho tsohle, bo hlwekile; hape bo na le kgotso le mosa, bo bonolo, bo tletse lereko le ditholwana tse molemo; ha bo na leeme, ha bo iketsise.

JAKOBO 3:17 go tshepega khutšo bohlale

2019 Phata 25, Sontaha

Re phela ka tumelo, e seng ka ho mmona.

2 BAKORINTHE 5:7 tshepo tumelo bophelo

2019 Phata 24, Moqebelo

Morena, ako utlwe thapelo ya ka,
o sekehele thapedi ya ka tsebe;
o nkarabe
ka baka la botshepehi ba hao,
le ka baka la ho loka ha hao.

PESALEMA 143:1 potego boloki thapelo

2019 Phata 23, Labohlane

Moya oo le o amohetseng hase moya wa bokgoba o boelang o le tshabisa, empa ke moya o le etsang bana ba Modimo, oo re howang ka wona, re re: “Abba!” ke ho re: “Ntate!”

BAROMA 8:15 letšhogo Moya wa Modimo bana

2019 Phata 22, Labone

Morena ha a diehe ho phethahatsa ditshepiso tsa hae, jwalokaha ba bang ba lekanya hore o a dieha. Empa o a le mamella, hobane ha a rate ha ho ka timela leha a le mong, empa o rata hore bohle ba bake.

2 PETROSE 3:9 phološo bopelotelele tshokologo

2019 Phata 21, Laboraru

Baballa pelo ya hao,
e baballe ho feta tsohle,
hobane ke yona diba sa bophelo.

MAELE 4:23 bophelo pelo tšhireletšo

2019 Phata 20, Labobedi

O mong feela moetsi wa molao le moahlodi: Ke ya nang le matla a ho pholosa le ho timetsa. Ebe wena o mang o ka ahlolang wa heno?

JAKOBO 4:12 molao kahlolo phološo

2019 Phata 19, Mmantaha

Re habile tse sa bonweng, e seng tse bonwang, hobane tse bonwang ke tsa mehla ya jwale, empa tse sa bonweng ke tsa mehla e sa feleng.

2 BAKORINTHE 4:18 bophelo bjo bo sa felego mahumo a lefase kwešišo

2019 Phata 18, Sontaha

Kamehla
ke ntse ke hopotse Morena,
hobane o ka tsohong la ka
le letona,
nke ke ka sisinngwa.

PESALEMA 16:8 go ikanya setlabelo tšhireletšo

2019 Phata 17, Moqebelo

Tadimang dinonyana tse fofang: ha di jale, ha di kotule, ha di bokellele disiung, empa Ntata lona ya mahodimong o a di fepa; ana lona ha le di fete hole ka bohlokwa na?

MATHEU 6:26 bohlokwa tshepo Ntate

2019 Phata 16, Labohlane

A re ho bona: “Eyang lefatsheng lohle, le phatlalletse dibopuwa tsohle molaetsa o molemo.”

MAREKA 16:15 boikobo boebangedi Jesu

2019 Phata 15, Labone

Empa mohau wa Morena,
ho ba mo tshabang,
ke wa kamehla yohle,
e se nang qaleho le qetello;
le ho loka ha hae ho fihla
le ditlohotloholwaneng tsa bona,
ho ba bolokang selekane sa hae,
ba hopolang
ho phethahatsa ditaelo tsa hae.

PESALEMA 103:17-18 potego molao lapa

2019 Phata 14, Laboraru

Kgotso ya Kreste e ke e buse dipelo tsa lona. Ke ka kgotso ena Modimo a le bitseditseng ho ba mmele o le mong. Lebohang ke hona.

BAKOLOSE 3:15 Jesu khutšo tebogo

2019 Phata 13, Labobedi

Ya tla dumela, a be a kolobetswe, o tla pholoswa; athe ya sa tlo dumela o tla tsuwa.

MAREKA 16:16 tumelo phološo kolobetšo

2019 Phata 12, Mmantaha

Lebitso la Morena ke qhobosheane,
ya lokileng o tshabela teng,
a sireletsehe.

MAELE 18:10 Modimo polokego tšhireletšo

2019 Phata 11, Sontaha

Hobane ha re phela, re phelela Morena; leha re eshwa, re shwela Morena. Ka baka leo, leha re phela, kapa re eshwa, re ba Morena.

BAROMA 14:8 lehu bophelo

2019 Phata 10, Moqebelo

Tshimolohong Modimo o ne a hlole lehodimo le lefatshe. Lefatshe le ne le se na sebopeho, le se na letho; lefifi le ne le aparetse bodiba. Moya wa Modimo o ne o okaokela metsi.

TŠIMOLOHO 1:1-2 tlholo Moya wa Modimo legodimo

2019 Phata 9, Labohlane

Lentswe la hao
ke lebone maotong a ka,
ke lesedi tseleng ya ka.

PESALEMA 119:105 Lentšu la Modimo seetša

2019 Phata 8, Labone

Motho ya fokolang tumelong le mo amohele, empa le se ke la phea kgang le yena ka tsa maikutlo a hae.

BAROMA 14:1 tumelo setšhaba

2019 Phata 7, Laboraru

Jesu a re ho sona: “Eya, tumelo ya hao e o fodisitse.” Hanghang Baretimea a boela a bona, mme a latela Jesu tseleng.

MAREKA 10:52 tumelo phološo pholo

2019 Phata 6, Labobedi

Morena o sireletsa bajaki,
o thusa kgutsana le mohlolohadi,
athe merero ya ba kgopo
o a e nyopisa.

PESALEMA 146:9 tšhireletšo ditšhiwana bahlologadi

2019 Phata 5, Mmantaha

Jesu a re ho bona: “Ke nna bohobe ba bophelo; ya tlang ho nna ha a ka ke a lapa le ka mohla, mme ya dumelang ho nna ha a ka ke a nyorwa le ka mohla.”

JOHANNE 6:35 tumelo dijo bophelo

2019 Phata 4, Sontaha

Empa Morena o a tshepahala, o tla le matlafatsa, a le sireletse ho E Mobe.

2 BATHESALONIKA 3:3 potego polokego maatla

2019 Phata 3, Moqebelo

Ho tshaba Morena
ke qaleho ya bohlale,
ho tseba Ya Halalelang
ke yona kutlwisiso.

MAELE 9:10 tlhompho bohlale kgalalelo

2019 Phata 2, Labohlane

Ke seo le se bitseditsweng, hobane Kreste le yena o ile a hlokofatswa ka baka la lona, mme a le siela mohlala, hore le tle le hate mehatong ya hae.

1 PETROSE 2:21 tlaišego go latela pitšo

2019 Phata 1, Labone

Empa se bewang ke Moya ke lerato, thabo, kgotso, mamello, mosa, molemo, botshepehi, bonolo le boitshwaro. Tse kang tsena, ha ho molao o ka di thibelang.

BAGALATA 5:22-23 molao Moya wa Modimo tšhegofatšo