Gcina (Agasti 2019)

2019 Agasti 31, Mgqibelo

Ngoko ke olo daba naluvayo kwasekuqaleni lugcineni ezintliziyweni zenu. Ukuba ke olo daba naluvayo kwasekuqaleni luhleli kuni, nani niya kusoloko nimanyene noNyana ngokunjalo noYise.

1 KAYOHANE 2:24 ukuphulaphula ukuvangela UYesu

2019 Agasti 30, Lwesihlanu

Namhla kunamhla, yimini kaNdikhoyo;
masizonwabise sibe nemihlali ngayo.

INdumiso 118:24 indalo uvuyo ubomi

Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.

UHLAZIYO-MNQOPHISO 7:9 ukuthembeka umthetho uThixo

2019 Agasti 28, Lwesithathu

Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.

1 KWABASEKORINTE 13:13 ukholo uthando ithemba

2019 Agasti 27, Lwesibini

Ngubani yena umntu, le nto umkhumbulelayo,
engubani yena unyana womntu, le nto umkhathalelayo?

INdumiso 8:4 intsikelelo ukuthobeka ubabalo

2019 Agasti 26, Mvulo

Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.

EKAYAKOBI 3:17 ukunyaniseka uxolo ubulumko

2019 Agasti 25, Cawe

Kuba siphila ngokukholwa, kungekuko ngezinto esizibonayo.

2 KWABASEKORINTE 5:7 thembela ukholo ubomi

2019 Agasti 24, Mgqibelo

Wuphulaphule umthandazo wam, Ndikhoyo;
sive isikhungo sam.
Wena uthembekile, ulilungisa; nceda undiphendule.

INdumiso 143:1 ukuthembeka ubulungisa umthandazo

2019 Agasti 23, Lwesihlanu

UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.

KWABASEROMA 8:15 uloyiko Umoya abantwana

2019 Agasti 22, Lwesine

Ke iNkosi ayikubambezeli ukuzalisekiswa kwesithembiso esenzileyo, njengoko abanye baba kunjalo. Nto nje ininyamezele kuba ingafuni kutshabalale mntu. Koko ifuna wonke ubani afumane ithuba lokuguquka.

2 KAPETROS 3:9 usindiso umonde uguqulo

2019 Agasti 21, Lwesithathu

Eyona nto emawuyilondoloze ngaphezu kwazo zonke ezinye yintliziyo yakho,
kuba yona ingumthombo wobomi.

IZAFOBE 4:23 ubomi intliziyo ukukhuselwa

2019 Agasti 20, Lwesibini

NguThixo kuphela umniki-mthetho nomgwebi. Nguye kuphela onelungelo lokusindisa okanye atshabalalise. Kuxa ungubani ke wena ude ugwebe ummelwana wakho nje?

EKAYAKOBI 4:12 umthetho umgwebo usindiso

2019 Agasti 19, Mvulo

Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.

2 KWABASEKORINTE 4:18 ubomi obungunaphakade ukuthanda izinto eziphathekayo ukuqonda

2019 Agasti 18, Cawe

Ndihlala ndimbeke phambi kwam uNdikhoyo;
ungasekunene kwam, ngoko ke andiyi kushukunyiswa nto.

INdumiso 16:8 ukuxhomekeka izixhobo ukukhuselwa

2019 Agasti 17, Mgqibelo

Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!

UMATEWU 6:26 ixabisekile thembela UTata

2019 Agasti 16, Lwesihlanu

Wathi ke kubo: “Hambani niye kulo lonke ihlabathi, nizivakalise iindaba ezimnandi kulo lonke elimiweyo.”

UMARKO 16:15 ukuthobela ukuvangela UYesu

2019 Agasti 15, Lwesine

Ke zon' izibele zikaNdikhoyo zivelela abamhloneleyo;
uhlala enobubele kwizizukulwana ngezizukulwana,
kwabanyanisekileyo kumnqophiso wakhe
nabathobela imithetho yakhe.

INdumiso 103:17-18 ukuthembeka umthetho usapho

2019 Agasti 14, Lwesithathu

Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.

KWABASEKOLOSE 3:15 UYesu uxolo umbulelo

2019 Agasti 13, Lwesibini

Lowo ukholwayo abhaptizwe wosindiswa; ke yena ongakholwayo wogwetywa.

UMARKO 16:16 ukholo usindiso ubhaptizo

2019 Agasti 12, Mvulo

UNdikhoyo ngumqolomba:
bazimela kuye abalungisayo, basinde.

IZAFOBE 18:10 uThixo ukhuseleko ukukhuselwa

2019 Agasti 11, Cawe

Kaloku nokuba sidla ubomi, siphilela iNkosi, nokuba siyafa, sifela iNkosi. Ngoko ke nokuba sidla ubomi, nokuba siyafa, singabeNkosi.

KWABASEROMA 14:8 ukufa ubomi

2019 Agasti 10, Mgqibelo

Ekuqaleni uThixo wadala izulu nomhlaba. Kwakuselubala nje emhlabeni, kungekho nto ikhoyo. Inzonzobila yamanzi eyayigubungele konke yayithiwe gqume sisithokothoko sobumnyama. UMoya kaThixo wafukama phezu kwaloo manzi.

EYEZIQALO 1:1-2 indalo Umoya izulu

2019 Agasti 9, Lwesihlanu

Ilizwi lakho sisibane sendlela yam;
liyandikhanyisela eluhambeni.

INdumiso 119:105 ILizwi likaThixo ukukhanya

2019 Agasti 8, Lwesine

Lowo ke uswele amandla elukholweni, mamkeleni, kodwa kungabi nganjongo yakuphikisana nezimvo zakhe.

KWABASEROMA 14:1 ukholo uluntu

2019 Agasti 7, Lwesithathu

Wathi kuyo uYesu: “Hamba uhambe; ukholo lwakho lukuphilisile.”
Yabona ke kwangoko, yamlandela uYesu endleleni apho.

UMARKO 10:52 ukholo usindiso ukuphilisa

2019 Agasti 6, Lwesibini

UNdikhoyo ngumkhuseli wabahambi nabangeneleli,
umxhasi wabahlolokazi neenkedama.
Ke bona abakhohlakeleyo uyabatshabalalisa.

INdumiso 146:9 ukukhuselwa iinkedama abahlolokazi

2019 Agasti 5, Mvulo

Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”

UYOHANE 6:35 ukholo ukutya ubomi

2019 Agasti 4, Cawe

Ithembekile yona kambe iNkosi. Yonikhusela inigcine kuhlaselo lwendoda enobuqhokolo.

2 KWABASETESALONIKA 3:3 ukuthembeka ukhuseleko amandla

2019 Agasti 3, Mgqibelo

Isiseko sobulumko kukuthobela uNdikhoyo;
umntu omaziyo oyiNgcwele kanye uzuza ingqiqo.

IZAFOBE 9:10 ukumoyika uthixo ubulumko ubungcwele

2019 Agasti 2, Lwesihlanu

Kakade nabizelwa loo nto; kaloku uKrestu waphatheka kabuhlungu ngenxa yenu, waza ngaloo ndlela wanishiya nomzekelo, ukuze nina nihambe ekhondweni lakhe.

1 KAPETROS 2:21 ukubandezeleka ukulandela ubizo

2019 Agasti 1, Lwesine

Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.

KUMAGALATI 5:22-23 umthetho Umoya intsikelelo