Gcina (Septemba 2019)

2019 Septemba 30, Mvulo

Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.

KWABASEKOLOSE 4:5-6 ubulali ubulumko ukuthetha

2019 Septemba 29, Cawe

Ekuthetheni kakhulu isono sidla ngokubakho,
kambe ke ozibambayo ekuthetheni unengqiqo.

IZAFOBE 10:19 isono ukuthetha

2019 Septemba 28, Mgqibelo

Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu.

1 KAYOHANE 3:2-3 ukusulungekiswa usapho izulu

2019 Septemba 27, Lwesihlanu

Makube lubabalo noxolo oluvela kuThixo uBawo wethu, neNkosi uYesu Krestu.

KWABASEROMA 1:7b ubabalo uxolo UTata

2019 Septemba 26, Lwesine

Lithi lakuchazwa ilizwi lakho kutsho kuthi qwenge;
abangazi nto libanika ukuqonda.

INdumiso 119:130 ILizwi likaThixo ukuqonda ukukhanya

2019 Septemba 25, Lwesithathu

Ubabalo lweNkosi uYesu Krestu maluhlale nani nonke.

KUFILMON 1:25 ubabalo UYesu intsikelelo

2019 Septemba 24, Lwesibini

Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.

1 YEZIGANEKO 29:14 imali ukupha ukuxhomekeka

2019 Septemba 23, Mvulo

Khumbula, Ndikhoyo, inceba yakho,
nothando lwakho obukade unalo kwakudala.
Ungazikhumbuli izono zobutsha bam,
nokungathobeli kwam umthetho wakho;
kanye ndazelelele ngothando olungagungqiyo,
ngenxa yobubele bakho, Ndikhoyo.

INdumiso 25:6-7 isono inceba ukulunga

2019 Septemba 22, Cawe

Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.

KWABASE-EFESE 4:15 uthando inyaniso UYesu

2019 Septemba 21, Mgqibelo

Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.

1 KAYOHANE 5:15 thembela umthandazo ukuphulaphula

2019 Septemba 20, Lwesihlanu

Umntu osisityebi uyalilawula ihlwempu;
nalowo ubolekayo likhoboka lalowo ubolekisayo.

IZAFOBE 22:7 imali ityala ubukhoboka

2019 Septemba 19, Lwesine

Waphendula uYesu, wathi: “Ndithi kuwe, inene, ukuba umntu akathanga azalwe ngamanzi nanguMoya kaThixo, akanakulawulwa nguThixo.”

UYOHANE 3:5 ukuzalwa ngokutsha ubukumkani ubhaptizo

2019 Septemba 18, Lwesithathu

Ningazikhohlisi! UThixo akanakwenziwa isidenge ngumntu. Umntu uya kuvuna kanye loo nto ayihlwayeleyo.

KUMAGALATI 6:7 uThixo ubulungisa ukuvuna

2019 Septemba 17, Lwesibini

UNdikhoyo ndiyamthanda, kuba uyandiva;
uyasabela ndakuzibika kuye.
Njengoko endiphulaphula nje,
ndobhenela kuye xa ndisadl' ubomi.

INdumiso 116:1-2 uthando unqulo ukuphulaphula

2019 Septemba 16, Mvulo

Kaloku siyakholwa ukuba uYesu wafa, wabuya wavuka. Ngokukwanjalo ke nâbo bafe bemanywe noYesu uThixo uya kubabuyisa kunye noYesu.

1 KWABASETESALONIKA 4:14 ukholo UYesu uvuko

2019 Septemba 15, Cawe

Indlu nganye inomakhi wayo, kodwa ke nguThixo umseki wazo zonke izinto.

KUMAHEBHERE 3:4 indalo uThixo

2019 Septemba 14, Mgqibelo

InguNdikhoyo nje ondikhanyiselayo,
inguye nje ondisindisayo, ndingoyika ntoni?
InguNdikhoyo nje inqaba yam, ndingoyika bani?

INdumiso 27:1 ukhuseleko uloyiko ukukhanya

2019 Septemba 13, Lwesihlanu

Wathi kubo: “Kungenxa yokulambatha kokholo lwenu. Ndithi kuni, inene, ukuba beninokholo olungangokhozo lwemostade, beninokuthi kule ntaba: ‘Suka apha, uye phaya,’ ize iye, kungabikho nto ininqabelayo.”

UMATEWU 17:20 thembela ukholo imimangaliso

2019 Septemba 12, Lwesine

Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.

2 KWABASEKORINTE 8:12 ukhuthazo ukupha isisa

2019 Septemba 11, Lwesithathu

Umntu onengqondo uthetha amazwi afanelekileyo;
kambe ke sona isikhohlakali sithetha amazwi akrwempayo.

IZAFOBE 10:32 inyaniso ubulungisa ukuthetha

2019 Septemba 10, Lwesibini

Naxa nithandazayo, ukuba ninendawo ngakubani, mxoleleni, ukuze noYihlo osezulwini anixolele iziphoso zenu.

UMARKO 11:25 umthandazo uxolelo UTata

2019 Septemba 9, Mvulo

Ngoko ke, thina siphahlwe ngamangqina amaninzi kangaka nje, masiyilahle ke yonke into enokusibambezela, ingakumbi isono, kuba sona siyarhintyela. Masingene kolu gqatso luphambi kwethu sizimisele.

KUMAHEBHERE 12:1 isono ubomi ukoyisa

2019 Septemba 8, Cawe

Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.

INdumiso 18:30 ngokungenatyala ILizwi likaThixo ukukhuselwa

2019 Septemba 7, Mgqibelo

Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.

KUTITO 2:11-12 ubabalo ubulungisa usindiso

2019 Septemba 6, Lwesihlanu

Ndinako ukumelana nayo nayiphi na imeko ngenxa yamandla alowo undomelezayo.

KWABASEFILIPI 4:13 uThixo amandla ukukhuselwa

2019 Septemba 5, Lwesine

Amazwi axolelanisayo angumthi wobomi;
ke wona awenkohlakalo ayawaphula umoya.

IZAFOBE 15:4 ukuthetha Umoya ukuxoka

2019 Septemba 4, Lwesithathu

Lukholo ke olunenze nangoonyana bakaThixo ngokumanywa noYesu Krestu. Nonke nina babhaptiziweyo nimanywe noKrestu; ngoko ke nambethe uKrestu.

KUMAGALATI 3:26-27 ukholo ubhaptizo abantwana

2019 Septemba 3, Lwesibini

Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.

UHLAZIYO-MNQOPHISO 5:29 umthetho ukuthobela intsikelelo