Ingobo yomlando (Septhemba 2019)

UMsombuluko, Septhemba 30, 2019

Hambani ngokuhlakanipha kubo abangaphandle, nithengisise isikhathi. Ukukhuluma kwenu makube nomusa njalo, kuyolisiwe ngosawoti, ukuze nazi enifanele ukubaphendula ngakho bonke abantu.

KwabaseKolose 4:5-6 ubumnene inhlakanipho ukukhuluma

ISonto, Septhemba 29, 2019

Lapho amazwi emaningi khona,
akuphuthi ukuphambeka;
obamba umlomo wakhe uhlakaniphile.

IzAga 10:19 isibi ukukhuluma

Bathandekayo, manje singabantwana bakaNkulunkulu, kepha akukabonakali esiyakuba yikho. Siyazi ukuthi, nxa ebonakaliswa, siyakuba njengaye, ngokuba siyakumbona njengokuba enjalo. Bonke abanalo lelo themba kuye bayazihlambulula, njengokuba yena ehlambulukile.

1 kaJohane 3:2-3 ukuhlanzwa umndeni izulu

ULwesihlanu, Septhemba 27, 2019

Makube kini umusa nokuthula okuvela kuNkulunkulu uBaba wethu naseNkosini uJesu Kristu.

KwabaseRoma 1:7b umusa ukuthula UBaba

ULwesine, Septhemba 26, 2019

Ukwambulwa kwamazwi akho kuyakhanyisa,
yebo, kuyabaqondisa abangenalwazi.

AmaHubo 119:130 IZwi likaNkulunkulu ukuqonda inkazimulo

ULwesithathu, Septhemba 25, 2019

Umusa weNkosi yethu uJesu Kristu mawube nomoya wenu.

KuFilemoni 1:25 umusa UJesu isibusiso

ULwesibili, Septhemba 24, 2019

Ngokuba ngingubani mina, nabantu bami, bayini ukuba sibe namandla okunikela ngenhliziyo engaka na? Ngokuba konke kuvela kuwe, nokuvela esandleni sakho lokhu sikunike wena.

1 iziKronike 29:14 imali ukupha ukuncika

UMsombuluko, Septhemba 23, 2019

Khumbula, Jehova, ububele bakho nomusa wakho,
ngokuba kukhona kwaphakade.
Ungazikhumbuli izono zobusha bami neziphambeko zami;
ngikhumbule ngokomusa
wakho ngenxa yobubele bakho, Jehova.

AmaHubo 25:6-7 isibi isihe okuhle

ISonto, Septhemba 22, 2019

Kodwa sithi sikhuluma iqiniso ngothando, sikhulele ngakho konke kuye oyinhloko, uKristu.

Kwabase-Efesu 4:15 uthando iqiniso UJesu

UMgqibelo, Septhemba 21, 2019

Uma sazi ukuthi uyasizwa noma sicelani, siyazi ukuthi sinakho esikucelileyo, esikucele kuye.

1 kaJohane 5:15 ukwethemba umkhuleko ukulalela

ULwesihlanu, Septhemba 20, 2019

Isicebi sibusa phezu kwabampofu,
nobolekayo uyisigqila somtshelekileyo.

IzAga 22:7 imali isikweletu ubugqila

ULwesine, Septhemba 19, 2019

Waphendula uJesu, wathi: “Ngiqinisile, ngiqinisile ngithi kuwe: Uma umuntu engazalwa ngamanzi nangoMoya, angengene embusweni kaNkulunkulu.”

NgokukaJohane 3:5 ukuzalwa kabusha umbuso ukubhapathizwa

ULwesithathu, Septhemba 18, 2019

Ningaduki; uNkulunkulu akahlekwa. Ngokuba lokho akuhlwanyelayo umuntu, lokho wokuvuna.

KwabaseGalathiya 6:7 UNkulunkulu ukulunga isivuno

ULwesibili, Septhemba 17, 2019

Ngiyamthanda uJehova,
ngokuba uyezwa izwi lokukhuleka kwami.
Ngokuba ubekile indlebe kimi
ngiyakukhuleka kuye zonke izinsuku zami.

AmaHubo 116:1-2 uthando khulekela ukulalela

UMsombuluko, Septhemba 16, 2019

Ngokuba uma sikholwa ukuthi uJesu wafa, wavuka, ngokunjalo-ke uNkulunkulu uyakubaletha nabaleleyo kuJesu kanye naye.

1 kwabaseThesalonika 4:14 inkolo UJesu ukuvuka

ISonto, Septhemba 15, 2019

Ngokuba yileyo ndlu yakhiwa ngothile; kepha owakha konke nguNkulunkulu.

KumaHeberu 3:4 indalo UNkulunkulu

UMgqibelo, Septhemba 14, 2019

UJehova ungukukhanya kwami nensindiso yami;
ngizakwesaba bani na?
UJehova uyinqaba yokuphila kwami;
ngizakuba novalo ngobani na?

AmaHubo 27:1 ukuphepha uvalo inkazimulo

ULwesihlanu, Septhemba 13, 2019

Wayesethi kubo: “Kungenxa yokukholwa kwenu okuncane. Ngokuba ngiqinisile ngithi kini: Uma ninokukholwa njengembewu yesinaphi, niyakuthi kule ntaba: ‘Suka lapha, uye laphaya,’ iyakusuka; akukho okuyakunahlula.”

NgokukaMathewu 17:20 ukwethemba inkolo izimangaliso

ULwesine, Septhemba 12, 2019

Ngokuba uma uthando lukhona, kwamukeleka njengalokho umuntu anakho, kungenjengalokho angenakho.

2 kwabaseKorinte 8:12 isikhuthazo ukupha isisa

ULwesithathu, Septhemba 11, 2019

Izindebe zolungileyo ziyakwazi okuhle,
kepha umlomo wababi okuphambeneyo.

IzAga 10:32 iqiniso ukulunga ukukhuluma

ULwesibili, Septhemba 10, 2019

Futhi nxa nimi nikhuleka, thethelelani, uma ninamagqubu nomunye, ukuze noYihlo osezulwini anithethelele iziphambeko zenu.

NgokukaMarku 11:25 umkhuleko intethelelo UBaba

UMsombuluko, Septhemba 9, 2019

Ngalokho-ke nathi, lokhu sinefu elingaka lawofakazi elisihaqileyo, masilahle konke okusindayo nesono esithandela kangaka kithi, sigijime ngokubekezela kulokhu kuncintisana esikumiselweyo.

KumaHeberu 12:1 isibi ukuphila ukunqoba

ISonto, Septhemba 8, 2019

Indlela kaNkulunkulu iphelele;
izwi likaJehova lihlanzekile;
yena uyisihlangu kubo bonke abaphephela kuye.

AmaHubo 18:30 ongenasici IZwi likaNkulunkulu ukuvikela

UMgqibelo, Septhemba 7, 2019

Ngokuba umusa kaNkulunkulu wokusindisa ubonakalisiwe kubantu bonke; uyasifundisa ukuba sidele ukungakholwa nezinkanuko zezwe, sihambe ngokuqonda, nangokulunga, nangokumesaba uNkulunkulu kulesi sikhathi samanje.

KuThithu 2:11-12 umusa ukulunga insindiso

ULwesihlanu, Septhemba 6, 2019

Nginamandla ukwenza konke ngaye ongiqinisayo.

KwabaseFilipi 4:13 UNkulunkulu amandla ukuvikela

ULwesine, Septhemba 5, 2019

Ulimi oluthulayo lungumuthi wokuphila,
kepha ukuphambanisa kwalo kungukuchotshozwa komoya.

IzAga 15:4 ukukhuluma UMoya ukuqamba amanga

ULwesithathu, Septhemba 4, 2019

Ngokuba nonke ningabantwana bakaNkulunkulu ngokukholwa kuKristu. Ngokuba nonke enabhapathizelwa kuKristu nembatha uKristu.

KwabaseGalathiya 3:26-27 inkolo ukubhapathizwa izingane

ULwesibili, Septhemba 3, 2019

Sengathi kungaba khona kubo inhliziyo enjalo ukuba bangesabe, bagcine njalo yonke imiyalelo yami, kube kuhle kubo nakubantwana babo kuze kube phakade.

UDuteronomi 5:29 umthetho ukulalela umthetho isibusiso