Gcina (Julayi 2019)

2019 Julayi 31, Lwesithathu

Ndiyakuthanda, Ndikhoyo, mandla am.
NguNdikhoyo iliwa lam; nguye inqaba yam; nguye umkhuseli wam.
Xa ndizimele ngoThixo wam ndihlala ndikhuselekile.
Nguye ikhaka lam, nguye ondigcina ndifihlakele.

INdumiso 18:1-2 usindiso amandla umhlawuleli

2019 Julayi 30, Lwesibini

Andifekethi ngesisa sikaThixo; kuba, ukuba umntu ebenokuba lilungisa phambi koThixo ngenxa yokugcina umthetho, loo nto ibiya kuthetha ukuba wafumana wafa uKrestu.

KUMAGALATI 2:21 ubabalo ubulungisa umthetho

2019 Julayi 29, Mvulo

UNdikhoyo uThixo wakho unawe;
uligorha elisindisayo.
Yena unemihlali ngawe, enovuyo;
uya kukuthulisa ngothando lwakhe;
ugcoba ngawe eyiyizela.

UZEFANIYA 3:17 uThixo uvuyo umhlawuleli

2019 Julayi 28, Cawe

UNdikhoyo ngumvuli wamehlo eemfama,
umphakamisi wâbo bawileyo.
UNdikhoyo ngumathand' amalungisa.

INdumiso 146:8 ukugula ukuphilisa ubulungisa

2019 Julayi 27, Mgqibelo

Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.

2 KUTIMOTI 1:7 uthando ukuzibamba amandla

2019 Julayi 26, Lwesihlanu

Umyalelo endiniyala ngawo ngowokuba nithandane njengoko mna ndanithandayo.

UYOHANE 15:12 umthetho uthando UYesu

2019 Julayi 25, Lwesine

Yizani siqubude simnqule,
siguqe phambi koNdikhoyo umdali wethu.

INdumiso 95:6 indalo unqulo ukuthobeka

2019 Julayi 24, Lwesithathu

Ngoko ke zithobeni phantsi kwesandla sikaThixo esinamandla; yena ke uya kuniphakamisa ngexesha elifanelekileyo.

1 KAPETROS 5:6 ukuthobeka ibuyiselo

2019 Julayi 23, Lwesibini

Inene, okholwayo kum uya kuzenza izinto endizenzayo, ade enze nezinkulu kunezi, kuba ndiya kuBawo.

UYOHANE 14:12 ukholo umsebenzi ukunyuka

2019 Julayi 22, Mvulo

Khanilungiselele abaxakekileyo neenkedama,
nibonelele iintsizana namahlwempu.

INdumiso 82:3 iinkedama ummelwane ubulungisa

2019 Julayi 21, Cawe

Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.

1 KAYOHANE 1:9 isono ukusulungekiswa ububi

2019 Julayi 20, Mgqibelo

Ngoko ke, njengoko senenjenjalo kakade, khuthazanani, nakhane omnye nomnye.

1 KWABASETESALONIKA 5:11 ukhuthazo ukufunda ummelwane

2019 Julayi 19, Lwesihlanu

Kuba wena, Nkosi, ulungile, uyaxolela;
uphuphuma luthando kwabo bakholosa ngawe.

INdumiso 86:5 ukuthembeka uthando uxolelo

2019 Julayi 18, Lwesine

Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”

KUMAHEBHERE 13:5 thembela imali ukuthanda izinto eziphathekayo

Ndizabalazile elugqatsweni olukhulu; ngoku ndifikile entanjeni; ke lona ukholo ndilugcinile. Ngoku ke sendilindelwe yimbasa, isithsaba esibonakalisa ubulungisa, eya kundithwesa sona ngaloo Mini inkulu iNkosi, uMgwebi ogweba engenaxanasi. Phofu ke asindim ndedwa olindelwe seso sithsaba, koko ngabo bonke abayithandayo iNkosi eza kufika.

2 KUTIMOTI 4:7-8 ukholo ubulungisa ibuyiselo

2019 Julayi 16, Lwesibini

Ubutyebi obufunyenwe ngobuqhophololo abuphumelelisi,
kodwa ke kona ukuziphatha kakuhle kuhlangula ekufeni.

IZAFOBE 10:2 ukunyaniseka imali ubulungisa

2019 Julayi 15, Mvulo

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2019 Julayi 14, Cawe

Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.

1 KWABASEKORINTE 15:58 ukuthobela ibuyiselo ukhuthazo

2019 Julayi 13, Mgqibelo

Ndinqwenela into enye kuphela kuNdikhoyo,
ndaye ndifuna yona kanye:
le yokuba ze ndihlale kwaNdikhoyo yonke imihla yobomi bam,
ndiqwalasele ubuhle bakhe, ndimfune endlwini yakhe.

INdumiso 27:4 uthando uThixo ukusondela

2019 Julayi 12, Lwesihlanu

Phaphani ngoko, kuba ningàwazi umhla wokufika kweNkosi yenu.

UMATEWU 24:42 ukuza kwesibini umonde ukuphela kwexesha

2019 Julayi 11, Lwesine

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2019 Julayi 10, Lwesithathu

Umntu ongaqiqiyo akayikhathalele imfundiso kayise;
kambe ke yena ozamkelayo iziluleko unengqondo.

IZAFOBE 15:5 UTata ubulumko abantwana

2019 Julayi 9, Lwesibini

Ze ningaziqwebeli ubutyebi emhlabeni, apho konakalisa inundu nomhlwa, nalapho amasela aqhekezayo ebe. Koko ziqwebeleni ubutyebi ezulwini, apho kungonakalisi nundu namhlwa, nalapho amasela angaqhekeziyo ebe.

UMATEWU 6:19-20 ukubawa ukuthanda izinto eziphathekayo izulu

2019 Julayi 8, Mvulo

Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.

UYOSHUWA 1:9 uThixo uloyiko ukhuthazo

2019 Julayi 7, Cawe

Wena ulikhaka nekhusi lam;
ndiqamele ngelizwi lakho.

INdumiso 119:114 ithemba ILizwi likaThixo ukukhuselwa

2019 Julayi 6, Mgqibelo

Akukho nto indonwabisa njengokuva ukuba abantwana bam bahlala bethe ngcembe enyanisweni.

3 KAYOHANE 1:4 uvuyo inyaniso abantwana

2019 Julayi 5, Lwesihlanu

Inkulu ngokungenambaliso imfihlelo yonqulo lwethu. Kaloku uKrestu Yesu:
Wavela ngesimo sobuntu
waza wangqinelwa nguMoya,
wabonwa zizithunywa zezulu.
Washunyayelwa ezizweni,
wamkelwa lihlabathi,
waza wawongwa ezulwini.

1 KUTIMOTI 3:16 UYesu Umoya iingelosi