2019 Juni 30, Cawe
Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.2019 Juni 29, Mgqibelo
Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.2019 Juni 28, Lwesihlanu
Kaloku izibele zothando lwakho ziyabugqwesa nobomi,ngoko ndiya kuhlala ndikudumisa.
Ndiya kukubonga lo gama ndisaphilayo;
ndiya kunyukela kuwe ngomthandazo.
2019 Juni 27, Lwesine
Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.2019 Juni 26, Lwesithathu
Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.2019 Juni 25, Lwesibini
Kulungile ukuzuza ubulumko kunokufumana igolide;kungcono ukukhetha ulwazi kunokwamkela isiliva.
2019 Juni 24, Mvulo
Abo ndibathandayo ndiyabakhalimela ndibohlwaye. Ngoko ke zimisele, uguquke.2019 Juni 22, Mgqibelo
Xa ndandinxubile, ndixhalabile,wandithuthuzela, wandonwabisa wena.
2019 Juni 21, Lwesihlanu
Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.2019 Juni 20, Lwesine
Thandanani ngokwabazalanayo. Shiyiselanani ngokwenzelana imbeko.2019 Juni 19, Lwesithathu
Ukunyaniseka kuyamalusa umntu othe ngqo,kodwa ke bona ubuqhokolo buyawabhangisa amaqhophololo.
2019 Juni 18, Lwesibini
Kaloku isiqhamo sokumelana nezilingo ngokholo lunyamezelo.2019 Juni 17, Mvulo
Izinto zonke zadalwa ngaye; ngaphandle kwakhe akubangakho nto idaliweyo.2019 Juni 16, Cawe
Bufana nomzali kubantwanaububele bukaNdikhoyo kwabamnik' imbeko.
2019 Juni 15, Mgqibelo
Qondani kaloku nizikise ukuba uNdikhoyo uThixo wenu uyaniqeqesha njengomzali eqeqesha abantwana bakhe.2019 Juni 14, Lwesihlanu
Bazeleleleni bonke abantu. INkosi isemnyango.2019 Juni 13, Lwesine
Umntu ovana nezilumko naye uba sisilumko;ke yena otshomana nezityhakala uyenzakala.
2019 Juni 12, Lwesithathu
Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.2019 Juni 11, Lwesibini
Usindiso lufumaneka ngaye kuphela, kuba akukho wumbi emhlabeni ogama uThixo alinike uluntu, esingasindiswa ngalo.2019 Juni 10, Mvulo
Ukuba uyazithoba, umhlonela uNdikhoyo,uya kuxhamla ubutyebi, isidima, nobomi.
2019 Juni 9, Cawe
Ekufikeni komhla wePentekoste babehlangene ndawonye bonke. Ngesaquphe beva isandi esingathi kukuza komoya omkhulu, uvuthuza esibhakabhakeni. Sayizalisa indlu ababehleli kuyo isandi eso.2019 Juni 8, Mgqibelo
Waza uYesu wathi: “Bayekeni abantwana beze kum, ningabanqandi, kuba ábalawulwa nguThixo ngabanjengabo.”2019 Juni 7, Lwesihlanu
Xa ndandisendisithi ndiyoyisakala,wandixhasa ngezibele zakho wena, Ndikhoyo.
2019 Juni 6, Lwesine
Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.2019 Juni 5, Lwesithathu
Wasisindisa. Kwakungengakuba senze misebenzi mihle, kodwa kwakungenxa yenceba yakhe. Wasihlamba ngoMoya oyiNgcwele, wasizala ngokutsha, saza safumana ubomi obutsha.2019 Juni 4, Lwesibini
Ukwenza ubulungisa nokuthe ngqokwamkelekile kuNdikhoyo kunamadini.
2019 Juni 3, Mvulo
Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.2019 Juni 2, Cawe
Ewe, Ndikhoyo, bobakho bonke ubukhulu ndawonye namandla;naso isidima sikwasesakho, ubungangamsha nobunewu-newu.
Kaloku zezakho zonke ezisezulwini,
kanti nezisemhlabeni ikwazezakho.
Ewe, Ndikhoyo, lolwakho ulawulo;
uyingqanga-ngqanga evelele konke jikelele.
2019 Juni 1, Mgqibelo
UThixo ulihlathi nenqaba yethu;ngexesha leenkathazo uluncedo oluhlala lulungile.
Izihloko ezinxulumeneyo
Uthando
Uthando lunomonde, lunobubele. Uthando...
Ithemba
“Kaloku zisekuhleni kum izicwangciso...
Ukholo
Ngenxa yoko ndithi kuni...
Usapho
Le miyalelo ndikunika yona...
Unqulo
Ndikhoyo, wena unguThixo wam...
Umthandazo
Vuyani maxa onke, nithandaze...