Gcina (Meyi 2019)

2019 Meyi 31, Lwesihlanu

Banoyolo abo bangabaxolisi, kuba uThixo uya kuthi bangabantwana bakhe!

2019 Meyi 30, Lwesine

Akuba etshilo uYesu, wanyuselwa ezulwini, bejongile abafundi bakhe. Lamsitha ilifu, ababa sambona.

UMSEBENZI WABATHUNYWA 1:9 imimangaliso UYesu izulu

2019 Meyi 29, Lwesithathu

Musa ukuzibona usisilumko wena ngokwakho;
ndaweni yaloo nto hlala umhlonela uNdikhoyo, ubucezele ububi.
Loo nto iya kuwunika impilo umzimba wakho,
atsho omelezeke amathambo akho.

IZAFOBE 3:7-8 ukumoyika uthixo intsikelelo ububi

2019 Meyi 28, Lwesibini

“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.

ISITYHILELO 1:8 ubomi obungunaphakade ukuthembeka uThixo

2019 Meyi 27, Mvulo

Nokhalela kum, nize kundithandaza, ndize mna ndiniphulaphule.

UJEREMIYA 29:12 unqulo umthandazo ukuphulaphula

2019 Meyi 26, Cawe

Ngoko ke, nokuba ndihamba kwiingxondorha ezimnyama,
andinadyudyu.
Kaloku ungakum, wena Ndikhoyo;
isagweba sakho nebhunguza lakho lixhadi lam.

INdumiso 23:4 uloyiko ukhuthazo ukufa

2019 Meyi 25, Mgqibelo

Ewe, hambani ngokwemimiselo yonke kaNdikhoyo uThixo wenu, khon' ukuze nizinze kwelo lizwe ningena kulo, nixhamle intlala-kahle nide nikhokhobe.

UHLAZIYO-MNQOPHISO 5:33 ukuthobela ibuyiselo ukulandela

2019 Meyi 24, Lwesihlanu

Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.

KWABASEKOLOSE 3:13 uxolelo uxolo ummelwane

2019 Meyi 23, Lwesine

Ndiswel' imilomo yokukubonga,
ndikudumise maxa onke.

INdumiso 71:8 ukuthetha unqulo dumisani

2019 Meyi 22, Lwesithathu

Xa ke kanti, mawethu, izithembiso ezinje zenzelwa thina, masizenze sibe nyulu emzimbeni nasemphefumlweni, sibe ngcwele ngokuhlala simoyika uThixo.

2 KWABASEKORINTE 7:1 ukusulungekiswa ubungcwele ukumoyika uthixo

2019 Meyi 21, Lwesibini

Ngoko ke ndinawe, sukoyika;
ndinguThixo wakho, sukuphakuzela.
Ndiza kukomeleza ndikusize,
amandla am asindisayo akuxhase akukhusele.

UISAYA 41:10 uloyiko amandla ukukhathazeka

2019 Meyi 20, Mvulo

Hay' inyhweba yomntu omthobelayo uNdikhoyo,
ohamba ngokwemimiselo yakhe.

INdumiso 128:1 ukuthobela ukumoyika uthixo ukulandela

Kufanelekile ukuba simbulele uThixo ngawo onke amaxesha ngenxa yenu, mawethu. Ewe, kulunge kanye ukuba simbulele ngenxa yokuba ukholo lwenu luya lusanda ngokwanda. Yaye nokuthandana kwenu kuya kukhula ngakumbi nangakumbi.

2 KWABASETESALONIKA 1:3 ukholo uthando umbulelo

2019 Meyi 18, Mgqibelo

Noba sewucand' emanzini,
mna ndiya kuba nawe;
noba sowuwela imilambo,
ayisoze ibe nako ukukukhukulisa;
nditsho sowucand' emlilweni, soze urhawuke;
amadangatye akanakukutshisa wena.

UISAYA 43:2 thembela ukhuthazo izithembiso

2019 Meyi 17, Lwesihlanu

Khawukhangele ukubukeka nomkhitha
wokuhlala kwezalamane ngemvano!

INdumiso 133:1 ubuhlobo uluntu usapho

2019 Meyi 16, Lwesine

“Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.

1 KWABASEKORINTE 10:23 umthetho ukulunga ubulungisa

2019 Meyi 15, Lwesithathu

Olona thando lukhulu umntu anokuzithanda ngalo izihlobo zakhe kukuba ubomi bakhe abuncamele zona.

UYOHANE 15:13 uthando umbingelelo ubuhlobo

2019 Meyi 14, Lwesibini

Mfo wam, musa ukuyidela ingqeqesho kaNdikhoyo,
ungasicekisi isiluleko sakhe.
Kaloku uNdikhoyo uyamluleka umntu amthandayo,
kwanjengokuba uyise emohlwaya unyana anebhongo ngaye.

IZAFOBE 3:11-12 uthando UTata ukufunda

2019 Meyi 13, Mvulo

Nokuba ke nenza ntoni na, nokuba niyatya, nokuba niyasela, yenzelani udumo lukaThixo.

1 KWABASEKORINTE 10:31 ukutya ubomi unqulo

2019 Meyi 12, Cawe

Waphendula ke esithi:
“Ngaba umfazi angalulibala na usana lwakhe,
ade angavakalelwa ngowakhe umntwana?
Noba ke yena angade amlibale,
okokwam ke mna soze ndikufulathele,
kuba igama lakho ndilivambile,
ndilithe tyaba esandleni sam;
iindonga zakho zihlala zisemehlweni am.”

UISAYA 49:15-16 uthando usapho abantwana

2019 Meyi 11, Mgqibelo

Uyaweva amalungisa akuzibika kuye,
awakhulule kuzo zonke iinzima zawo.
UNdikhoyo ukufuphi nâbo badakumbileyo,
ebaphakamisa abo baphelelwe lithemba.

INdumiso 34:17-18 usindiso umhlawuleli ukusondela

2019 Meyi 10, Lwesihlanu

Liya kudlula izulu nehlabathi; ke wona amazwi am akasayi kuze adlule.

UMATEWU 24:35 ukuthembeka ILizwi likaThixo izulu

2019 Meyi 9, Lwesine

Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.

2 KWABASEKORINTE 1:3-4 ukubandezeleka unqulo ukhuthazo

2019 Meyi 8, Lwesithathu

Izikrelemnqa ziboleka zingabuyisi,
ke lona ilungisa lipha ngesisa.

INdumiso 37:21 ityala imali ubulungisa

2019 Meyi 7, Lwesibini

Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle.

2 KWABASEKORINTE 9:8 intsikelelo ukukhathazeka ukulunga

2019 Meyi 6, Mvulo

Ngaloo mini uThixo uya kuvuza elowo nalowo ngokwemisebenzi yakhe.

KWABASEROMA 2:6 ubulungisa ibuyiselo

2019 Meyi 5, Cawe

NguNdikhoyo ixhadi lakho lakubhek' umoya;
ewe, uya kukwalusa ungachukunyiswa nto.
Ngenene, uNdikhoyo uya kukwalusa,
xa uhambayo naxa ubuyayo,
kuqalela ngoku kude kube nini-nini.

INdumiso 121:7-8 ithemba ubomi ububi

2019 Meyi 4, Mgqibelo

Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.

2 YEZIGANEKO 30:9b ubabalo inguquko uguqulo

2019 Meyi 3, Lwesihlanu

UThixo unguMoya; abo ke bamnqulayo kufuneka bamnqule ngoMoya benyanisekile.

UYOHANE 4:24 inyaniso unqulo Umoya

2019 Meyi 2, Lwesine

Ndithe ke ndakusivuma kuwe isono sam,
ndabuxela ubugwenxa bam, ndisithi:
“Ndisixela kuwe, Ndikhoyo, isono sam;”
wandixolela wena ityala lam.

INdumiso 32:5 ukuvuma izono isono uxolelo

2019 Meyi 1, Lwesithathu

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi