Gcina (Epreli 2019)

2019 Epreli 30, Lwesibini

Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!

1 KWABASEKORINTE 13:2 ukholo uthando isiprofeto

2019 Epreli 29, Mvulo

Ndibhenela kuwe, Thixo wam:
khawundigoca-goce, undiphicothe, undiqondisise;
ndivavanye uziqonde iingcamango zam!
Ndiqwalasele, hleze ndithi kanti ndiphambukile;
undikhokelele kwindlela eyeyona-yona.

INdumiso 139:23-24 ubomi obungunaphakade ubungcwele ubulungisa

2019 Epreli 28, Cawe

Ukususela ngoko uYesu washumayela esithi: “Guqukani, kuba ulawulo lukaThixo lusemnyango.”

UMATEWU 4:17 UYesu uguqulo ukuvangela

2019 Epreli 27, Mgqibelo

Ngoko ke sisondela singenaxhala kuThixo, sisazi ukuba uyasiphulaphula xa sicela silungele ukwenza loo nto athanda ukuba siyenze.

1 KAYOHANE 5:14 thembela umthandazo ukuphulaphula

2019 Epreli 26, Lwesihlanu

Obugubungelayo ubugwenxa uzicengezelela ukuthandwa,
kodwa lowo umana ewunokoza umcimbi uchitha ubuhlobo.

IZAFOBE 17:9 uxolelo ubuhlobo

Amadoda ngokunjalo makahlalisane kakuhle namakhosikazi awo. Naxa ingabantu ababuthathaka amakhosikazi la, makahlonitshwe; aziindlamafa zesisa sikaThixo ngokulinganayo namadoda. Xa nenjenjalo ke akukho nto iya kuwuphazamisa umthandazo wenu.

1 KAPETROS 3:7 umtshato umthandazo ubabalo

2019 Epreli 24, Lwesithathu

Zihlobo zam ezithandekayo, xa ke uThixo asithande ngolu hlobo nathi simelwe kukuthandana.

1 KAYOHANE 4:11 uthando uThixo uluntu

2019 Epreli 23, Lwesibini

Ndiya kumemelela ndinemincili,
ndicule ngokuzimisela okukhulu
ngenxa yokuba undihlangule.

INdumiso 71:23 unqulo umhlawuleli umphefumlo

2019 Epreli 22, Mvulo

Ndawo yokuqala ndazigqithisela kuni ezona ndawo ndazamkelayo, ezi zokuba uKrestu wafela izono zethu, ngokutsho kweziBhalo, nokuba wangcwatywa, nokuba wavuka ekufeni ngomhla wesithathu, ngokweziBhalo.

1 KWABASEKORINTE 15:3-4 isono umbingelelo UYesu

2019 Epreli 21, Cawe

Akakho apha, uvukile. Khumbulani awakuthetha kuni esekwelaseGalili, esithi: ‘UNyana woLuntu umelwe kukunikelwa ezandleni zaboni, abethelelwe emnqamlezweni, athi ngomhla wesithathu abuye avuke.’

ULUKA 24:6-7 UYesu uvuko ipasika

2019 Epreli 20, Mgqibelo

UNdikhoyo uyalifezekisa icebo lakhe ngam.
Kambe ke, Ndikhoyo, izibele zakho zisisimakade;
ungabi sawushiya umsebenzi wezandla zakho.

INdumiso 138:8 ukuthembeka uThixo ukhuseleko

2019 Epreli 19, Lwesihlanu

Phofu ke ungxwelerhwe ngenxa yokukreqa kwethu;
ewe, ubulewe ngenxa yobugwenxa bethu.
Ukohlwaywa kwakhe kusiphathele uxolo;
thina sinyangwe ngamanxeba akhe.

UISAYA 53:5 isono UYesu ukuphilisa

2019 Epreli 18, Lwesine

Ngoko ke zivumeni izono omnye komnye, nithandazelane, khon' ukuze ninyangeke. Kaloku umthandazo womntu olungileyo unamandla angummangaliso.

EKAYAKOBI 5:16 ubulungisa ukuphilisa umthandazo

2019 Epreli 17, Lwesithathu

Umntu onobugwenxa udala ingxabano;
umntu ohlebayo wahlukanisa izihlobo.

IZAFOBE 16:28 ukunyaniseka ukuhleba ubuhlobo

2019 Epreli 16, Lwesibini

Uthembekile lo unibizayo; uya kuyenza yonke le nto.

1 KWABASETESALONIKA 5:24 ubizo uthembekile ILizwi likaThixo

2019 Epreli 15, Mvulo

Ke wena ubathi jize ngenzolo
abo banjongo zingajika-jikiyo,
kuba behlala bekholose ngawe.

UISAYA 26:3 thembela ukhuseleko uxolo

2019 Epreli 14, Cawe

Sisindise, siyakubongoza, Ndikhoyo!
Awu, siyatarhuzisa, Ndikhoyo; masiphumelele ngawe!
Banoyolo abangena ngegama likaNdikhoyo;
siyanithamsanqela thina sisendlwini kaNdikhoyo.

INdumiso 118:25-26 ipasika intsikelelo ukoyisa

2019 Epreli 13, Mgqibelo

Musani ukuboyika abo banibulala ngokwasenyameni, kodwa bengenako ukubulala umphefumlo. Yoyikani uThixo, yena onako ukutshabalalisa umphefumlo kwanomzimba esihogweni.

UMATEWU 10:28 uloyiko umphefumlo umzimba

2019 Epreli 12, Lwesihlanu

Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.

KWABASE-EFESE 3:16-17 ukholo uthando Umoya

2019 Epreli 11, Lwesine

Umntu onyanisekileyo uhamba engaxhalele nto;
ke yena onamaqhinga uya kubhaqwa.

IZAFOBE 10:9 isono ukhuseleko ubomi

2019 Epreli 10, Lwesithathu

Andikholiswa kukufa kwakhe nabani na, itsho iNkosi uNdikhoyo. Guqukani, nidle ubomi!

UHEZEKILE 18:32 uguqulo ukufa ubomi obungunaphakade

2019 Epreli 9, Lwesibini

“Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.

UJEREMIYA 29:11 ukucwangcisa intsikelelo ithemba

2019 Epreli 8, Mvulo

Wanga angakunika umnqweno wentliziyo yakho,
aziphumelelise zonk' iinquleqhu zakho.

INdumiso 20:4 ukucwangcisa intsikelelo intliziyo

2019 Epreli 7, Cawe

Xa nicaphukile, umsindo mawunganiqweqwediseli esonweni; futhi malingade litshone ilanga ninomsindo. Umtyholi musani ukumvulela indawo ebomini benu.

KWABASE-EFESE 4:26-27 isono umsindo ububi

2019 Epreli 6, Mgqibelo

Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.

KWABASEKOLOSE 3:12 ukuthobeka ubulali umonde

2019 Epreli 5, Lwesihlanu

Kaloku uNdikhoyo uwalusile amalungisa,
uyayiva imithandazo yawo.

INdumiso 34:15 ubulungisa ukuphulaphula

2019 Epreli 4, Lwesine

Njengoko abantu bâthi ngokumanywa kwabo noAdam bafa bonke, ngokunjalo nangokumanywa kwabo noKrestu baya kuvuka bonke.

1 KWABASEKORINTE 15:22 usindiso ukufa ubomi

2019 Epreli 3, Lwesithathu

Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.

KWABASE-EFESE 4:32 uxolelo uvelwano ukulunga

2019 Epreli 2, Lwesibini

Kodwa ke mna ndiya kucula ndibonga amandla akho;
ndiya kumemelela kwasekuseni,
kuba uthando lwakho luyamangalisa.
Kaloku wena uyinqaba yam,
ungumqolomba ngomhla wembandezelo.

INdumiso 59:16 ukuthembeka amandla ukukhuselwa

2019 Epreli 1, Mvulo

UYesu wathi kuye: “Ukuba ufuna ukufeza konke ngokupheleleyo, hamba uye kuzithengisa zonke izinto onazo, wabele amahlwempu imali leyo; woba nobutyebi ezulwini; uze kum ke, undilandele.”

UMATEWU 19:21 ngokungenatyala ukupha ukuthanda izinto eziphathekayo