Friday, April 30, 2021
Feela a bo kope ka tumelo, a sa belaele letho, hobane ya belaelang o tshwana le leqhubu la lewatle le tsokotswang ke moya.Thursday, April 29, 2021
Ho tshaba Morenake ho hloya bobe,
ke hloile boikgohomoso,
ke hloile le boikakaso,
boitshwaro bo bobe le leshano
le tsona ke di hloile.
Wednesday, April 28, 2021
Hoba a dule, a bitsa ba leshome le metso e mmedi, a re ho bona: “Haeba mang kapa mang a rata ho ba wa pele, e be wa ho qetela ho bohle le mosebeletsi wa bohle.”Tuesday, April 27, 2021
Modimo hase mothohoo a ka buang leshano,
hase mora wa motho
hoo a ka inyatsang.
Na seo a se bolelang
a ke ke a se etsa?
Na seo a se buileng
a ke ke a se phetha?
Monday, April 26, 2021
Morena, ke o bokaka pelo ya ka yohle,
ke bolela dimakatso tsohle tsa hao.
Sunday, April 25, 2021
Bana beso, ke a le rapela hore le fadimehele ba bakang dikarohano, ba le kgelosang thutong eo le ithutileng yona. Le ba sesefe.Saturday, April 24, 2021
Ke ka baka leo re leng sebete ho re:“Morena ke mothusi wa ka,
nke ke ka tshaba letho.
Motho a ka nketsang?”
Friday, April 23, 2021
Morena, ako nnamolelemolomong wa ya leshano,
le lelemeng la ya thetsang.
Thursday, April 22, 2021
Bohle ba tla tseba ka hona hore le barutuwa ba ka, ha le ratana.Wednesday, April 21, 2021
Ha ho le jwalo, re se ke ra robala jwaloka ba bang bohle, re mpe re fadimehe, mme re be le boitshwaro.Tuesday, April 20, 2021
Tsohle jwale di utlwahetse,mme qetello ya taba ke ena:
Tshaba Modimo,
o boloke melao ya hae,
hoba hona
ke tshwanelo yohle ya motho.
Monday, April 19, 2021
Wena o tla sebeletsa Morena Modimo wa hao; yena o tla hlohonolofatsa bohobe ba hao le metsi ao o a nwang, mme nna ke tla fedisa malwetse hara lona.Sunday, April 18, 2021
Ho ke ho bokwe Modimo, Ntata Morena wa rona Jesu Kreste, ya re hlohonolofaditseng ka Kreste ka mahlohonolo wohle a moya, a tswang mahodimong.Saturday, April 17, 2021
Morena o na le kutlwelobohloko,Morena o mosa;
o dieha ho halefa, o tletse mohau.
Friday, April 16, 2021
Le se ke la rata lefatshe le tsa lona. Haeba motho a rata lefatshe, lerato la Ntate ha le yo ka ho yena.Thursday, April 15, 2021
Ba re: “Dumela ho Morena Jesu, mme wena le ba lelapa la hao le tla pholoswa.”Wednesday, April 14, 2021
Polelo tsa ya lokilengke silefera e hlwekisitsweng,
pelo ya ya kgopo ha e na thuso.
Tuesday, April 13, 2021
Ya Matla wohlere ke ke ra mo fihlela,
o re phahametse ka matla
le ka dikahlolo,
a ke ke be a sokamisa toka ya hae.
Monday, April 12, 2021
Ho se be ya ipatlelang tse molemo, empa e mong a batlele e mong tse molemo.Sunday, April 11, 2021
Mahlomola a ya lokileng a mangata,empa Morena o mo lopolla
ho wona wohle.
Saturday, April 10, 2021
Thabang kamehla, se phetseng ho rapela, lebohang dinthong tsohle, hobane tsena ke tsona tseo Modimo a ratang hore le di etse ka Kreste Jesu.Friday, April 9, 2021
Itjariseng joko ya ka, le ithute ka nna, kahobane ke mosa, ke na le pelo e ikokobeditseng, mme le tla fumana phomolo. Joko ya ka e bonolo, mme thoto ya ka e bobebe.Thursday, April 8, 2021
Ho tshaba bathoke ho itjhehela leraba,
empa ya tshepang Morena
o tla bolokeha.
Wednesday, April 7, 2021
Tsoha, phatsima,hobane sedi la hao le tlile,
tlotla ya Morena
e phatsima hodima hao.
Tuesday, April 6, 2021
Matshwenyeho a rona a bobebe, ke a motsotswana, a re tlisetsa tlotla e kgolohadi, e sa feleng.Monday, April 5, 2021
Modimo, ako bontshehore o okametse mahodimo,
tlotla ya hao
e phahamele lefatshe lohle.
Sunday, April 4, 2021
Lengeloi la re ho basadi: “Lona le se ke la tshoha; ke a tseba hore le batla Jesu ya thakgisitsweng. Ha a yo mona, hobane o tsohile, jwalokaha a ne a bolele. Tloong, le bone sebaka seo a neng a le ho sona.”Saturday, April 3, 2021
Lona le filwe lehlohonolo, e seng feela la ho dumela ho Kreste, empa le la ho mamella mahloko ka baka la hae.Friday, April 2, 2021
Yena, ka mmele wa hae, o ile a isa dibe tsa rona sefapanong, hore re tle re shwe ka nqeng ya sebe, mme re phele ka nqeng ya ho loka. Ke yena eo le fodisitsweng ke maqeba a hae.Thursday, April 1, 2021
Ako re thuse, Modimo,wena mopholosi wa rona,
bitso la hao le tle le tlotliswe;
ako re namolele,
mme o re tshwarele dibe
ka baka la lebitso la hao.
Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...
Temana ya Bibele ya lehono
Kgosi eo e tlotlehang ke mang?Ke Morena wa mabotho,
ke yena Kgosi e tlotlehang.