Hlakubele 2023

Ke yena feela lefika la ka,
ke yena feela pholoho ya ka;
ke qhobosheane ya ka,
nke ke ka sisinyeha.

PESALEMA 62:3 phološo tšhireletšo potego

2023 Hlakubele 30, Labone

Kgalemelo e nngwe le e nngwe ha e etswa ha e thabise, e bohloko, empa hamorao bao e ba thapisitseng, e ba tlisetsa ditholwana tsa kgotso, tsa ho loka.

BAHEBERU 12:11 boloki khutšo bana

2023 Hlakubele 29, Laboraru

Tseo le ithutileng tsona, la di amohela, la di utlwa, la di bona ho nna, le di phethe, mme Modimo ya re fang kgotso o tla ba le lona.

BAFILIPI 4:9 khutšo go theeletša go ithuta

Mokgwa wa ho itima dijo
oo ke o kgethileng ke ona:
Ke hore o lokolle
mahlaahlela a bokgopo,
o imolle ba imetsweng
ke mejaro ya bona,
ba hateletsweng o ba lokolle,
mesebetsi yohle ya botlatlapi
o e fedise.

ESAEA 58:6 go ikona moagišane bokgoba

2023 Hlakubele 27, Mmantaha

Etsa ka matla ho ba ya amohelehang ho Modimo, mosebeletsi ya ke keng a hlajwa ke dihlong, ya rutang lentswe la nnete ka ho otloloha.

2 TIMOTHEA 2:15 go tshepega nnete mošomo

2023 Hlakubele 26, Sontaha

Ho fihlela jwale ha le eso kope letho ka lebitso la ka; kopang, mme le tla fuwa, hore thabo ya lona e be e phethehileng.

JOHANNE 16:24 potego lethabo go amogela

2023 Hlakubele 25, Moqebelo

Molomo wa ka o tla howa ka thabo,
o howe ha ke o roka,
le wona moya wa ka
oo o o lopolotseng.

PESALEMA 71:23 go direla/hlankela molopolodi moya

2023 Hlakubele 24, Labohlane

Ho feta tsohle, bana beso, le se ke la hlapanya leha e le ka lehodimo kapa ka lefatshe, leha e le ka mokgwa ofe kapa ofe. Ha le re “e”, le re “e”; ha le re “tjhe”, le re “tjhe”; e le hore le se ke la welwa ke kahlolo.

JAKOBO 5:12 go tshepega nnete go bolela

2023 Hlakubele 23, Labone

Jwalokaha ba bangata ba entswe baetsadibe ka ho se mamele ha motho a le mong, ka mokgwa o jwalo ba bangata ba tla etswa ba lokileng ka ho mamela ha motho a le mong.

BAROMA 5:19 boloki boikobo phološo

2023 Hlakubele 22, Laboraru

Tshepo e sa phethahaleng
e nyahamisa pelo,
takatso tse phethahatswang
di ka fate sa bophelo.

MAELE 13:12 kholofelo bophelo pelo

2023 Hlakubele 21, Labobedi

Ka pelong ya ka nna ke re:
“Morena ke yena kabelo ya ka,
kahoo ke itshepetse yena feela.”

KOLI-EA-MALLA 3:24 kholofelo mahumo a lefase go laetša

2023 Hlakubele 20, Mmantaha

Jesu a re: “Tse sitang batho ha di site Modimo.”

LUKA 18:27 mehlolo phološo Jesu

2023 Hlakubele 19, Sontaha

Ho lehlohonolo
ba latelang ditemoso tsa hae,
ba mmatlang
ka pelo tsohle tsa bona.

PESALEMA 119:2 tšhegofatšo go nyaka pelo

2023 Hlakubele 18, Moqebelo

Le se ke la eketsa letho ho tseo ke le laelang tsona, kapa la fokotsa letho ho tsona, e le hore le tle le boloke melao ya Morena Modimo wa lona, eo ke le laelang yona.

LIPOLELO 4:2 boikobo molao go latela

2023 Hlakubele 17, Labohlane

Mme ‘ho mo rata ka pelo yohle, le ka kelello yohle, le ka matla wohle, le ho rata mohahabo rona jwalokaha re ithata,’ ho feta ditjheso tsohle le mahlabelo wohle.

MAREKA 12:33 pelo mogopolo maatla

2023 Hlakubele 16, Labone

Ya ipatlelang bohlale
o rata bophelo ba hae,
ya nang le kelello,
katleho ke ya hae.

MAELE 19:8 bohlale bophelo mogopolo

2023 Hlakubele 15, Laboraru

Pelo tsa lona di ke di swabe,
ho ena le ho hahola
diaparo tsa lona.
Kgutlelang ho Morena,
Morena Modimo wa lona,
hobane o mosa, o mohau,
o dieha ho halefa,
o tletse lerato,
o hauhela ba etsang bokgopo.

JOELE 2:13 pelo kgaugelo lerato

2023 Hlakubele 14, Labobedi

Nako e fihlile, Mmuso wa Modimo o atametse; bakang, mme le dumele molaetsa o molemo.

MAREKA 1:15 mmušo tshokologo boitsholo

2023 Hlakubele 13, Mmantaha

Batlang Morena le matla a hae;
le nne le batle fahleho sa hae,
le se batle kamehla le mehla.

PESALEMA 105:4 Modimo go nyaka bokgauswi

2023 Hlakubele 12, Sontaha

Kamehla thabang ka ho ba ho Morena; ke boela ke re: Thabang!

BAFILIPI 4:4 Modimo lethabo

2023 Hlakubele 11, Moqebelo

Fadimehang, tiyang tumelong, emang senna, matlafalang.

1 BAKORINTHE 16:13 tumelo maatla sebete

2023 Hlakubele 10, Labohlane

O hlokomela metsamao
ya ba lokileng,
ke thebe ho ba hlokang kodi.

MAELE 2:7 boloki tšhegofatšo tšhireletšo

2023 Hlakubele 9, Labone

Ka baka leo, itokisetseng ho sebeletsa, ka ho ba tjhatsi dikelellong, le be le boitshwaro, le ntse le tshepile ka ho tlala ho newa mohau, mohla Jesu Kreste a bonahatswang.

1 PETROSE 1:13 kgaugelo Jesu Moya wa Modimo

2023 Hlakubele 8, Laboraru

Bohle re kolobeleditswe ho ba mmele o le mong, ka Moya o le mong; leha re ka ba Bajuda kapa Bagerike, makgoba kapa balokolohi, re amohetse Moya o le mong.

1 BAKORINTHE 12:13 kolobetšo Moya wa Modimo setšhaba

2023 Hlakubele 7, Labobedi

Ke ho Modimo feela
moo moya wa ka o ka phomolang,
pholoho ya ka e tswa ho yena.

PESALEMA 62:2 phološo khutša moya

2023 Hlakubele 6, Mmantaha

Mahlapa a se ke a tswa melomong ya lona, ho mpe ho tswe dipolelo tse molemo, tse ka thusang ho matlafatsa ba di utlwang, le ho ba tlisetsa lehlohonolo.

BAEFESE 4:29 go bolela lesebo botse