Tahirin-kevitra (Martsa 2023)

Zoma 31 Martsa 2023

Izy tokoa no vatolampiko sy famonjena ahy,
dia fiarovana avo ho ahy ka tsy hangozohozo loatra aho.

Salamo 62:2 famonjena fiarovana fitokisana

Alakamisy 30 Martsa 2023

Fa ny famaizana rehetra dia tsy mba atao ho mahafaly andro anaovana, fa mampahory; fa rehefa afaka izany, dia vao mitondra ny vokatry ny fahamarinana hiadanana ho an'izay nanaovana azy izy.

Hebreo 12:11 rariny fiadanana zaza

Alarobia 29 Martsa 2023

Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Filipiana 4:9 fiadanana mihaino mianatra

Talata 28 Martsa 2023

Tsy izao va no fifadiana izay ankasitrahako:
Dia ny hamaha ny famatoran'ny faharatsiana,
sy hanaboraka ny fehin'ny zioga,
sy handefa ny ampahorina ho afaka,
ary hanapatapaka ny zioga rehetra?

Isaia 58:6 fifadian-kanina manaraka fanandevozana

Alatsinainy 27 Martsa 2023

Mazotoa manolotra ny tenanao amin'Andriamanitra ho olona voazaha toetra, dia mpiasa tsy mahazo henatra, mizara tsara ny teny fahamarinana.

2 Timoty 2:15 fanaovana ny marina fahamarinana asa

Alahady 26 Martsa 2023

Mandraka ankehitriny dia tsy mbola nangataka na inona na inona tamin'ny anarako ianareo; mangataha, dia hahazo ianareo, mba ho tanteraka ny fifalianareo.

Jaona 16:24 fitokisana fifaliana fahazoana

Asabotsy 25 Martsa 2023

Hihoby ny molotro raha mankalaza Anao;
ny fanahiko koa izay efa navotanao.

Salamo 71:23 fiankohofana mpanafaka aina

Fa mihoatra noho ny zavatra rehetra, ry rahalahiko, aza mianiana, na amin'ny lanitra, na amin'ny tany, na amin'izay fianianana hafa akory aza; fa aoka ny fanaikinareo ho "Eny", ary ny fandànareo ho "Tsia", fandrao hiharan'ny fitsarana ianareo.

Jakoba 5:12 fanaovana ny marina fahamarinana lahateny

Alakamisy 23 Martsa 2023

Fa tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.

Romana 5:19 rariny fankatoavana famonjena

Alarobia 22 Martsa 2023

Ny fanantenana tsy azo vetivety dia mankarary am-bavafo;
Fa hazon'aina ny faniriana tanteraka.

Ohabolana 13:12 fanantenana fiainana fo

Talata 21 Martsa 2023

Jehovah no anjarako, hoy ny fanahiko,
ka dia hanantena Azy aho.

Fitomaniana 3:24 fanantenana fitiavan-karena manaiky

Alatsinainy 20 Martsa 2023

Fa hoy Jesosy: Izay zavatra tsy hain'ny olona dia hain'Andriamanitra.

Lioka 18:27 fahagagana famonjena Jesosy

Alahady 19 Martsa 2023

Sambatra izay mitandrina ny teni-vavolombelony
Ka mitady Azy amin'ny fo rehetra.

Salamo 119:2 fitahiana mitady fo

Asabotsy 18 Martsa 2023

Aza ampianareo ny teny izay andidiako anareo, ary aza anesoranareo, fa tandremo ny didin'i Jehovah Andriamanitrareo izay andidiako anareo.

Deotoronomia 4:2 fankatoavana lalàna fanarahana

Zoma 17 Martsa 2023

Ary ny ho tia Azy amin'ny fo rehetra sy ny saina rehetra sy ny hery rehetra, ary ny ho tia ny namana tahaka ny tena, dia mihoatra lavitra noho ny fanatitra hodorana sy ny fanatitra hafa rehetra izany.

Marka 12:33 fo saina tanjaka

Alakamisy 16 Martsa 2023

Izay mihary fahendrena no tia ny tenany,
Ary izay mitandrina fahalalana hahita soa.

Ohabolana 19:8 fahendresena fiainana saina

Alarobia 15 Martsa 2023

Ary ny fonareo no triatriaro,
fa aza ny fitafianareo,
ary miverena amin'i Jehovah Andriamanitrareo;
Fa mamindra fo sy miantra Izy,
mahari-po sady be famindram-po
ary manenina ny amin'ny loza.

Joela 2:13 fo fahasoavana fitiavana

Talata 14 Martsa 2023

Ka nanao hoe: Efa tonga ny fotoana, ka efa akaiky ny fanjakan'Andriamanitra; mibebaha ianareo ka minoa ny filazantsara.

Marka 1:15 fanjakana fiovam-po famerim-berenana

Alatsinainy 13 Martsa 2023

Mitadiava an'i Jehovah sy ny heriny
Katsaho mandrakariva ny tavany.

Salamo 105:4 Andriamanitra mitady manodidina

Alahady 12 Martsa 2023

Mifalia mandrakariva amin'ny Tompo; hoy izaho indray: Mifalia.

Filipiana 4:4 Andriamanitra fifaliana

Asabotsy 11 Martsa 2023

Miambena ianareo, tomoera tsara amin'ny finoana, aoka hitombandahy, mahereza.

1 Korintiana 16:13 finoana tanjaka herim-po

Zoma 10 Martsa 2023

Izy mitahiry fanambinana ho an'ny mahitsy
Sady ampingan'izay mandeha tsy misy tsiny.

Ohabolana 2:7 rariny fitahiana fiarovana

Alakamisy 9 Martsa 2023

Koa amin'izany sikino ny sainareo, dia mahonona tena, ka antenao tsara ny fahasoavana izay ho entina ho anareo amin'ny hisehoan'i Jesosy Kristy.

1 Petera 1:13 fahasoavana Jesosy Fanahy

Alarobia 8 Martsa 2023

Fa Fanahy iray ihany no nanaovam-batisa antsika rehetra ho tena iray, na Jiosy an jentilisa, na andevo na tsy andevo; ary isika rehetra dia efa nampisotroina ny Fanahy iray.

1 Korintiana 12:13 batisa Fanahy fiaraha-monina