Gcina (Matshi 2023)

2023 Matshi 31, Lwesihlanu

Ndizimela ngaye, nguye ondisindisayo.
Yinqaba yam, soze ndichukunyiswe.

INdumiso 62:2 usindiso ukukhuselwa ukuthembeka

2023 Matshi 30, Lwesine

Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.

KUMAHEBHERE 12:11 ubulungisa uxolo abantwana

2023 Matshi 29, Lwesithathu

Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.

KWABASEFILIPI 4:9 uxolo ukuphulaphula ukufunda

2023 Matshi 28, Lwesibini

Naku okona kuzila ndikufunayo:
Zikhululeni iimbophelelo zengcinezelo;
niwanyenyise amatyathanga edyokhwe,
bakhululwe bonke abacinezelwa,
niyaphule idyokhwe yengcinezelo.

UISAYA 58:6 ukuzila ukutya ummelwane ubukhoboka

2023 Matshi 27, Mvulo

Zama kangangoko unako ukuba ukholeke kuThixo, ube ngumntu ongenadyudyu ngomsebenzi wakhe, uyifundisa ngokufanelekileyo inyaniso.

2 KUTIMOTI 2:15 ukunyaniseka inyaniso umsebenzi

2023 Matshi 26, Cawe

Kude kube ngoku anikaceli nto ngegama lam. Celani ke; niya kuphiwa, luze uvuyo lwenu lugqibelele.

UYOHANE 16:24 ukuthembeka uvuyo ukwamkela

2023 Matshi 25, Mgqibelo

Ndiya kumemelela ndinemincili,
ndicule ngokuzimisela okukhulu
ngenxa yokuba undihlangule.

INdumiso 71:23 unqulo umhlawuleli umphefumlo

Ngaphezu koko ke, mawethu, musani ukufunga xa nisenza isithembiso; nditsho nangezulu, umhlaba, nangantoni na. Xa nivuma yithini: “Ewe,” nithi: “Hayi,” xa nisala, kube kuphela, ukuze ningabi sesichengeni sokugwetywa.

EKAYAKOBI 5:12 ukunyaniseka inyaniso ukuthetha

2023 Matshi 23, Lwesine

Kuba njengokuba kwathi, ngokungeva kwalowo mnye unguAdam, abaninzi bafumaneka bengaboni, ngokunjalo kuya kuthi nangokuthobela kwalowo mnye unguKrestu, abaninzi benziwe amalungisa.

KWABASEROMA 5:19 ubulungisa ukuthobela usindiso

2023 Matshi 22, Lwesithathu

Umnqweno ongafezekiyo uyamngcungcuthekisa umntu;
kanti ke wakufezeka umnqweno ufana nomthi onika ubomi.

IZAFOBE 13:12 ithemba ubomi intliziyo

2023 Matshi 21, Lwesibini

Umoya wam uthi: “Isabelo sam nguNdikhoyo;
ngako oko ndiya kukholosa ngaye.”

IZILILO 3:24 ithemba ukuthanda izinto eziphathekayo ukuvuma

2023 Matshi 20, Mvulo

Waza uYesu wathi: “Oko aba umntu akunakwenzeka, kunokwenziwa nguThixo.”

ULUKA 18:27 imimangaliso usindiso UYesu

2023 Matshi 19, Cawe

Banoyolo abo bayithobelayo imfundiso kaNdikhoyo,
abayilulamelayo ngomxhelo wabo wonke.

INdumiso 119:2 intsikelelo ukufuna intliziyo

2023 Matshi 18, Mgqibelo

Le miyalelo kaNdikhoyo ndininika yona ze niyigcine, ningaze niyandise okanye niyinciphise.

UHLAZIYO-MNQOPHISO 4:2 ukuthobela umthetho ukulandela

2023 Matshi 17, Lwesihlanu

Nokuthi umthande yena ngentliziyo iphela, nangengqiqo iphela, nangamandla ephela, nokuthi umthande ummelwane wakho kanye ngale ndlela uzithanda ngayo, kungaphezulu lee kunayo yonke imibingelelo namadini atshiswayo.

UMARKO 12:33 intliziyo ingqondo amandla

2023 Matshi 16, Lwesine

Ozingela ubulumko uyazithanda ngokwakhe;
okuxabisileyo ukuqonda uzuza ukonwaba.

IZAFOBE 19:8 ubulumko ubomi ingqondo

2023 Matshi 15, Lwesithathu

Ndithi sanukuzikrazula izinxibo,
koko zisoleni kukrazuk' iintliziyo.
Buyelani kuNdikhoyo uThixo wenu;
kaloku yena unesisa kwanemfobe,
uza kade umsindo,
yimvuze-mvuze ngobubele;
ewe, unebuyambo, akananqala.

UJOWELI 2:13 intliziyo ubabalo uthando

2023 Matshi 14, Lwesibini

Lifikile ngoku ixesha. Luthwasile ulawulo lukaThixo. Guqukani, nikholwe kuzo ezi ndaba zimnandi.

UMARKO 1:15 ubukumkani uguqulo inguquko

2023 Matshi 13, Mvulo

Lufuneni kuNdikhoyo uncedo;
mfuneni aph' akhoyo ngawo onke amaxesha.

INdumiso 105:4 uThixo ukufuna ukusondela

2023 Matshi 12, Cawe

Ngoko ke, nimanywe neNkosi nje, yonwabani! Ewe, ndiyaphinda ndithi vuyani!

KWABASEFILIPI 4:4 uThixo uvuyo

2023 Matshi 11, Mgqibelo

Phaphani, nime zinzi elukholweni! Khaliphani, nomelele!

1 KWABASEKORINTE 16:13 ukholo amandla isibindi

2023 Matshi 10, Lwesihlanu

Abo bathembekileyo ubathululela ingqiqo,
aze abe likhaka lâbo banyanisekileyo.

IZAFOBE 2:7 ubulungisa intsikelelo ukukhuselwa

2023 Matshi 9, Lwesine

Ngako ke finyezani umbhinqo, nibaze iingqondo, ningathembi nanye into ngaphandle kwesisa seentsikelelo eziza kuza noYesu ukufika kwakhe.

1 KAPETROS 1:13 ubabalo UYesu Umoya

2023 Matshi 8, Lwesithathu

Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.

1 KWABASEKORINTE 12:13 ubhaptizo Umoya uluntu