- Jwale ha le rapela le se ke la ya lolololo jwaloka bahedene, ba hopolang hore ba tla utluwa ka baka la mantswe a bona a mangata.
- Polelo tse monate
di ka mahe a dinotshi,
moyeng di a hlabosa,
di matlafatse mmele. - Bokang Morena,
le rapele lebitso la hae,
le tumise diketso tsa hae,
le di tumise hara ditjhaba. - Le dipolelo
tseo ke di buang di jwalo,
di ke ke tsa kgutlela ho nna
di sa sebetsa letho,
empa di tla phethahatsa
seo ke se ratang,
di phethe merero
eo ke di rometseng ho e phetha. - Sethoto ha se thabele
ho ba le kutlwisiso,
se thabela
ho pepesa mehopolo ya sona. - Morena, ako nnamolele
molomong wa ya leshano,
le lelemeng la ya thetsang. - Polelo tsa ya kgopo
di timetsa mohahabo,
empa ya lokileng
yena o pholoswa ke tsebo. - Ako kgahlwe ke mantswe
a tswang molomong wa ka,
le ke menahano e ka pelong ya ka,
wena Morena, lefika la ka,
le molopolli wa ka. - Leleme la sethoto
le baka diqabang,
polelo tsa sona
di se memela ho shapuwa. - Mesebetsi yohle
e na le moputso wa yona,
empa ho berabera
hona ho a futsanehisa. - Leha nka bua dipuo tsa batho le tsa mangeloi, empa ke se na lerato, ke itshwanela feela le tshepe e llang kapa lekapa le etsang mangenengene.
- Ho feha matshwafo
ho nyahamisa pelo ya motho,
polelo e monate yona e a e thoba. - Ya lokileng
o bua puo tse thabisang,
athe ya kgopo
o tseba ho sokamisa ditaba. - Eng kapa eng eo le e etsang kapa le e bolelang, le e etse lebitsong la Morena Jesu, mme ka yena le lebohe Modimo Ntata lona.
- Tshwara leleme la hao
le se bue tse mpe,
le molomo wa hao
o se bue leshano. - Ke tlotla ho kgaohana le diqabang,
sethoto sona ke maratahelele! - Se bue leshano ka molomo wa hao,
puo tse thetsang
di se tswe ka hanong la hao. - Le se ke la ikamahanya le mesebetsi e nyopang ya lefifi, le mpe le e nyatse.
Tseo ba di etsang sephiring, le ho di bolela ho dihlong. - Lentswe le eso be teng lemeng la ka,
o se o le tseba hantle, Morena. - Polelo tsa ya lokileng
ke silefera e hlwekisitsweng,
pelo ya ya kgopo ha e na thuso. - Ha ke ne ke sa kgutsitse,
ke ne ke opelwa ke masapo
ke ho dumaela letsatsi lohle. - Ya patang lehloyo ke mothetsi,
ya sebang ba bang, yena ke sethoto. - Ha motho a nahana hore ke morapedi, feela a sa tshware leleme la hae, a ithetsa, borapedi boo ba hae ke ba lefeela.
- Jesu a ba araba, a re: “Ruri ke a le bolella hore haeba le ena le tumelo, le sa belaele, ha le na ho etsa feela se entsweng sefateng sa feiye, empa leha le ka re ho thaba ena: ‘Sutha, o yo wela lewatleng,’ hoo ho tla etsahala.”
- Motho o dumela ka pelo hore a tle a lokafatswe, mme o bolela tumelo ya hae ka molomo hore a tle a pholoswe.
Dihlogotaba tša go tswalana
Go sekama
Morena o hloile motho...
Sebe
Kapa na ha le...
Bohlale
Ke Morena ya fanang...
Lesebo
Motho ya kgopo o...
Nnete
Ke ya metsamao e...
Tšhegofatšo
Morena a le hlohonolofatse...
Temana ya Bibele ya lehono
Makaqabetsing a kaka ipiletsa ho Morena,
ka llela Modimo wa ka
hore a nthuse;
a utlwa lentswe la ka
a le ka tempeleng ya hae,
sello sa ka sa fihla tsebeng tsa hae.