- Ke tla bonahatsa jwalo boholo ba ka le kgalalelo ya ka, ke itsebise ditjhaba tse ngata moo di ntseng di bona. Kahoo di tla tseba hore ke nna Morena.
- Jwale re tla reng ka ditaba tsee? Ha Modimo a eme le rona, ke mang ya ka re lwantshang?
- Empa dinthong tsena tsohle re hlola ka mokgwa o phethehileng ka ya re ratileng.
- Empa Morena o re:
“Ke nna Morena Modimo wa hao,
ho tloha ha o le naheng,
naheng ya Egepeta.
Ha o a ka wa ba le Modimo e mong
kantle ho nna,
hobane ha ho Mopholosi e mong
kantle ho nna.” - Mamela, Iseraele! Morena ke Modimo wa rona, ke yena Morena a le mong feela. O tla rata Morena Modimo wa hao, ka pelo ya hao yohle, le ka moya wa hao wohle, le ka matla a hao wohle.
- Feela, baratuwa, ntho eo le sa tshwanelang ho e lebala ke ena: Ho Morena letsatsi le le leng le jwaloka dilemo tse sekete, mme le dilemo tse sekete di jwaloka letsatsi le le leng.
- Motho ka mong a ikokobeletse borena bo mo okametseng, hobane ha ho borena haese bo tswang ho Modimo, mme bo leng teng bo beilwe ke Modimo.
- Jwale Modimo a re: “A re etseng motho ka setshwano sa rona le ka sebopeho sa rona, mme a laole ditlhapi tsa lewatle, le dinonyana tse fofang, le makgomo, le lefatshe lohle, le tsohle tse hahabang hodima lefatshe.”
- Modimo ya le bitseditseng ho ba le kabelo bophelong ba Mora wa hae, Jesu Kreste, Morena wa rona, o a tshepahala.
- Lefatshe ke la Morena
le tsohle tse ho lona,
lefatshe le bohle
ba ahileng ho lona. - Mohau wa Morena Jesu Kreste, le lerato la Modimo, le phedisano le Moya o Halalelang di ke di be le lona bohle.
- Ke a o thabela,
ke nyakallela ho wena;
ke roka lebitso la hao,
wena Ya Hodimodimo. - Lona bakwenehi, na ha le tsebe hore ho etsa setswalle le lefatshe ke bora ho Modimo? Mang le mang ya ratang ho ba motswalle wa lefatshe o iketsa sera sa Modimo.
- Modimo ke mang,
haese Morena?
Lefika ke mang,
haese Modimo wa rona? - Ya Matla wohle
re ke ke ra mo fihlela,
o re phahametse ka matla
le ka dikahlolo,
a ke ke be a sokamisa toka ya hae. - Diphiri di senolwa ke yena,
tse mafifing le tsona o a di tseba,
leaho la lesedi le fumanwa ho yena. - Mahlong a hao dilemo tse sekete
di ka letsatsi la maobane
le seng le fetile,
di ka nakwana ya bosiu. - Modimo wa rona o mahodimong,
o etsa tsohle tse mo kgahlang. - Yena eo leaho la hae
le leng mahodimong,
metheo ya lona
o e hlomme hodima lefatshe;
yena ya bokellang metsi a lewatle,
a a bokelle,
a a tshollele hodima lefatshe;
lebitso la hae ke Morena. - Ke tla bonahatsa kgalalelo ya lebitso la ka le leholo, leo le le silafaditseng hara ditjhaba, lebitso leo le le silafaditseng hara tsona. Ha ke se ke bonahaditse kgalalelo ya ka ka lona, moo baditjhaba ba ntseng ba bona, ba tla tseba hore ke nna Morena, ho rialo Morena Modimo.
- Ka utlwa lentswe le phahameng, le tswang teroneng, le re: “Bona, leaho la Modimo ke leo hara batho. O tla aha le bona; bona e tla ba setjhaba sa hae, mme Modimo ka sebele a be le bona, e le Modimo wa bona. O tla hlakola meokgo yohle mahlong a bona, mme lefu ha le sa tla hlola le eba teng, esita le mahlomola, kapa dillo, kapa bohloko, hobane tsa kgale di fetile.”
- Ha utlwahala lentswe le tswang mahodimong, le reng: “Enwa ke Mora wa ka eo ke mo ratang, ya nkgahlang!”
- Lengeloi la araba, le re: “Morena o bua tjena ho Serubabele: ‘Hase ka dikgoka kapa ka matla o tlang ho atleha, empa ke ka Moya wa ka,’ ho rialo Morena wa mabotho.”
- Ha ke re o dumela hore Modimo o mong feela? O etsa hantle; le bona bademona ba dumela jwalo, mme ba a thothomela.
- Mme ‘ho mo rata ka pelo yohle, le ka kelello yohle, le ka matla wohle, le ho rata mohahabo rona jwalokaha re ithata,’ ho feta ditjheso tsohle le mahlabelo wohle.
Dihlogotaba tša go tswalana
Lerato
Lerato le na le...
Potego
Empa Morena o a...
Go direla/hlankela
Oho, Morena, ke wena...
Maatla
O se ke wa...
Legodimo
Mohla ho hlahang taelo...
Jesu
Jesu a ba tadima...