EKAYAKOBI 1

XHO96

Kaloku isiqhamo sokumelana nezilingo ngokholo lunyamezelo.
EKAYAKOBI 1:3 ukholo isilingo ukuba likhoboka
Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.
EKAYAKOBI 1:5 ubulumko ukwamkela isisa
Kodwa ke loo mntu makacele ekholwa, engathandabuzi konke. Kaloku umntu othandabuzayo ufana namaza alatyuziswa ngumoya elwandle.
EKAYAKOBI 1:6 thembela ukholo umthandazo
Ikholwa elihlelelekileyo malivuye lakuphakanyiswa nguThixo. Nekholwa elimi kakuhle nalo malizidle lakuthotywa nguThixo. Kaloku kwanesinhanha esi sithi shwaka njengentyatyambo esendle.
EKAYAKOBI 1:9-10 ikratshi ukuthobeka imali
Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.
EKAYAKOBI 1:12 ibuyiselo isilingo ubomi
Makungabikho mntu uthi ulukuhlwe nguThixo xa ahendwayo. UThixo akoyiswa bububi kaloku; yaye akalingi mntu yena.
EKAYAKOBI 1:13 isilingo iminqweno ukuqonda
Konke ukupha naso sonke isipho esifezekileyo sivela phezulu kuThixo, umdali wezikhanyiso zesibhakabhaka. Yena akaguqu-guquki aphinzi-phinzize.
EKAYAKOBI 1:17 ukuthembeka UTata ngokungenatyala
Wathi akuthanda uThixo wasizala ngokutsha ngelizwi lenyaniso, saza ke saba lulibo lwayo yonke indalo yakhe.
EKAYAKOBI 1:18 indalo inyaniso ubomi
Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.
EKAYAKOBI 1:19 ukuthetha ukuphulaphula umsindo
Yahlukanani nemikhwa emibi nehambo engcolileyo. Mlulameleni uThixo, namkele ilizwi lakhe alifake kuni ezintliziyweni. Lilo elinamandla okunisindisa.
EKAYAKOBI 1:21 usindiso ILizwi likaThixo ububi
Musani ukuzikhohlisa ngokuliphulaphula nje qha ilizwi likaThixo. Endaweni yaloo nto nina yenzani oko likuthethayo.
EKAYAKOBI 1:22 ukuthobela ILizwi likaThixo ukuphulaphula
Kodwa loo mntu uthi awucoselele ukuwugcina umthetho osinika inkululeko, lowo uthe rhoqo ukuhamba ngawo engaphulaphuli nje aze alibale, lowo wosikelelwa nguThixo ngokwenjenjalo.
EKAYAKOBI 1:25 umthetho intsikelelo ukuphulaphula
Ewe, umntu angázicingela ukuba ulikholwa; kodwa uyazikhohlisa ukuba akakwazi ukulawula ulwimi lwakhe. Ingamampunge nje into yokuba ulikholwa.
EKAYAKOBI 1:26 ukuthetha
Inkolo enyanisekileyo nengenachaphaza kuThixo uBawo yile: kukubonelela iinkedama nabahlolokazi abahluphekileyo, nokuphepha ukudyojwa lihlabathi.
EKAYAKOBI 1:27 isono ngokungenatyala abahlolokazi