Iivesi zeBhayibhile malunga nokubawa

«»

• Umntu oyinyolukeleyo imali soze imanelise;
  kanti ke noxhinele ubutyebi akaze aneliswe yingeniso yakhe.
  Nale ke into ngamampunge.
  AMAVA ENGQONDI 5:10imaliukuthanda izinto eziphathekayo
• Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.
  1 KUTIMOTI 6:9imaliukuthanda izinto eziphathekayo
• Wathi kubo: “Kulumkeleni konke ukubawa, kuba ubomi bomntu abuxhomekekanga ebuninzini bezinto anazo.”
  ULUKA 12:15imaliukuthanda izinto eziphathekayoukwaneliseka
• Ukuthanda imali yingcambu yazo zonke iintlobo zobubi. Abanye bathe ngokusukelana nayo bahola elukholweni, baza bayingxwelerha imiphefumlo yabo ngeenzingo.
  1 KUTIMOTI 6:10imaliububiiminqweno
• Kuba kaloku komnceda ntoni umntu, ukuba uthe walizuza ihlabathi liphela, kodwa walahlekelwa bubomi bakhe?
  UMARKO 8:36ukuthanda izinto eziphathekayoubomiumhlaba
• Ze ningaziqwebeli ubutyebi emhlabeni, apho konakalisa inundu nomhlwa, nalapho amasela aqhekezayo ebe. Koko ziqwebeleni ubutyebi ezulwini, apho kungonakalisi nundu namhlwa, nalapho amasela angaqhekeziyo ebe.
  UMATEWU 6:19-20ukuthanda izinto eziphathekayoizulu
• Umntu onjalo ulibala imini yonke kukucinga ngezinto azifunayo;
  kanti ke yena umntu olungileyo unezinwe uyapha.
  IZAFOBE 21:26ukuphaukuthanda izinto eziphathekayoiminqweno
• Ubutyebi obufumaneka bumini buphuncuka lula;
  obufumaneka ngendlela ecothayo buya busanda ngokwanda.
  IZAFOBE 13:11imaliumsebenziityala
• Mhla wavela umntu uzalwa ngunina ezé;
  mhla andulukayo uhamba kwangolo hlobo eze ngalo.
  Kuko konke ukubulaleka kwakhe umntu apha emhlabeni
  umka engaphathanga nto ngesandla sakhe.
  AMAVA ENGQONDI 5:15ukuthanda izinto eziphathekayoizulu
• Musa ukuziqoba amandla ufunana nobutyebi,
  ungaphulukani nengqondo yakho ngenxa yabo.
  IZAFOBE 23:4imaliukucwangcisa
• Akukho mntu unokukhonza iinkosi ezimbini, kuba uya kuyithiya le, ayithande leya, okanye abambelele kule, ayidele leya. Aninako ukukhonza uThixo kwanobutyebi.
  UMATEWU 6:24ukukhonzaimaliityala
• Intliziyo yam mayinxanele imfundiso yakho
  ndaweni yokusukelana nenzuzo yobuqhophololo.
  INdumiso 119:36umthethointliziyoukuzingca
• Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.
  KWABASEKOLOSE 3:5isonoiminqwenoukuthanda izinto eziphathekayo
• Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.
  1 KWABASEKORINTE 6:9-10isonousindisoubukumkani
• Nanjengoko nilusapho lukaThixo, makungakhankanywa phakathi kwenu ukurheletya nako konke ukungcola nokunyoluka.
  KWABASE-EFESE 5:3isonoubungcwelengesondo
• Nirhafa nje kaloku, kungenxa yokuba abasemagunyeni bangamagosa kaThixo, ngakumbi xa besenza umsebenzi wabo.
  KWABASEROMA 13:6ukunyanisekaimali
• Musa ukunqwenela umzi womnye umntu, nokuba ngumfazi wakhe, nokuba sisicaka sakhe okanye isicakakazi sakhe, nokuba yinkomo yakhe, nokuba yidonki yakhe, okanye nantoni na eyeyomnye umntu.
  EYEMFUDUKO 20:17ukuthanda izinto eziphathekayoumthethoummelwane