UYesu (3/8)

Abantu basidelile basibukula, saba ngumntu wenkxwaleko nentlungu. Saba njengalowo ufulathelwayo, engasiwa so… UISAYA 53:3

Abantu basidelile basibukula,
saba ngumntu wenkxwaleko nentlungu.
Saba njengalowo ufulathelwayo, engasiwa so;
saba ngulowo udeliweyo, nathi asasikhathalela.
UISAYA 53:3 ukubandezeleka ukugula
Akukho mntu unokuloyisa ihlabathi ngaphandle kwalowo ukholwayo ukuba uYesu nguNyana kaThixo.
1 KAYOHANE 5:5 ukholo ukoyisa umhlaba
Nabu ke obo bungqina: bukukuba uThixo usinike ubomi obungenasiphelo, bomi obo sibuzuza ngokumanywa noNyana.
1 KAYOHANE 5:11 ubomi obungunaphakade
Ndim umdiliya; nina ningamasebe. Ohlala emanyene nam, ndibe mna ndihleli ndimanyene naye, uya kuvelisa iziqhamo ezininzi. Kaloku aninakwenza nento le nahlukene nam.
UYOHANE 15:5 ibuyiselo ukuxhomekeka ukuba nesiqhamo
Kuba kaloku noNyana woLuntu akezanga kukhonzwa, weza kukhonza, nokuncama ubomi bakhe, bube yintlawulelo yokukhulula abaninzi.
UMARKO 10:45 ukuthobeka umbingelelo usindiso
Ndiyabuya; andiyi kunishiya niziinkedama.
UYOHANE 14:18 umthuthuzeli Umoya ukuthembeka
Khumbulani ixabiso enakhululwa ngalo kwintlalo ebingento yookhokho benu. Anihlawulelwanga nganto itshitshayo, ifana nesiliva negolide. Nahlawulelwa ngegazi elixabisekileyo leXhwane elinguKrestu ongenasisihla nasiphako.
1 KAPETROS 1:18-19 UMsindisi ubomi igazi
Andizanga kubiza malungisa, ndize kubiza aboni, ukuba baguquke.
ULUKA 5:32 isono inguquko uguqulo
Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.
UYOHANE 14:2 UTata izulu ukunyuka
UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.
KUMAGALATI 5:1 ubomi umhlawuleli ukuba likhoboka
Lo Yesu ngulowo zithi iziBhalo xa zithetha ngaye:
“ ‘Ilitye enalidelayo nina bakhi
laba lelona litye lesiseko.’”
UMSEBENZI WABATHUNYWA 4:11
Inkqu yothando siyibona kule nto yokuba uKrestu anikele ubomi bakhe ngenxa yethu. Ngokunjalo ke nathi sifanele ukuba sibunikele ubomi bethu ngenxa yamawethu.
1 KAYOHANE 3:16 uthando ummelwane
Xa nihleli nimanyene nam, nisoloko nisenza ngokwamazwi am, nocela nantoni na ke eniyifunayo, niyifumane.
UYOHANE 15:7 ibuyiselo ILizwi likaThixo
Kuthi mnye uThixo. Yena nguThixo uYise owadala izinto zonke, esikholo yena thina. Inye kuthi neNkosi. Yona nguYesu Krestu, ezabakho ngaye zonke izinto, esikho ngaye nathi.
1 KWABASEKORINTE 8:6 UTata ubomi indalo
Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.
UYOHANE 14:13 UTata umthandazo
Ukuba ke uNyana uthe wanenza nakhululeka, noba ngabakhululekileyo mpela.
UYOHANE 8:36 umhlawuleli inkululeko ukuba likhoboka
Siyazi ukuba uNyana kaThixo ufikile wasinika ukuqonda, ukuze simazi uThixo onguye ngenene. Thina simanywe nalowo unguThixo ngenene, kuba kaloku simanywe noNyana wakhe uYesu Krestu. Yena ke unguThixo ngenene; nguye obona bomi bungenasiphelo.
1 KAYOHANE 5:20 ukuqonda inyaniso ubomi obungunaphakade
Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe!
ISITYHILELO 22:12 ukuza kwesibini ibuyiselo
Ndibhala nje ndifuna niqonde, nina nikholwayo kwigama loNyana kaThixo, ukuba ninobomi obungenasiphelo.
1 KAYOHANE 5:13 ubomi obungunaphakade ukholo
Kanti ke thina ikomkhulu lethu lisezulwini, apho silindele ngolangazelelo ukuba uya kuvela khona uMsindisi wethu, iNkosi uYesu Krestu.
KWABASEFILIPI 3:20 usindiso izulu
Kaloku siyakholwa ukuba uYesu wafa, wabuya wavuka. Ngokukwanjalo ke nâbo bafe bemanywe noYesu uThixo uya kubabuyisa kunye noYesu.
1 KWABASETESALONIKA 4:14 ukholo uvuko
Nindazi nje mna, niyamazi noBawo. Ngoku ke niyamazi, nimbonile nokumbona.
UYOHANE 14:7 UTata
Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.
2 KWABASEKORINTE 13:13 ubabalo intsikelelo uMoya oyiNgcwele
Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.
2 KWABASEKORINTE 12:9 ubabalo amandla ubuthathaka
Ezi zinto ndizithethe kuni ukuze nibe novuyo enilunikwe ndim, luze uvuyo lwenu lugqibelele.
UYOHANE 15:11 uvuyo ngokungenatyala

UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”

Funda ngokugqithisileyo...