UYesu (4/8)

Kodwa kungenxa yesi sizathu kanye ukuba uThixo andenzele inceba, ukuze umonde kaKrestu… 1 KUTIMOTI 1:16

XHO96

IBHAYIBHILE

Kodwa kungenxa yesi sizathu kanye ukuba uThixo andenzele inceba, ukuze umonde kaKrestu Yesu ubonakale ngokupheleleyo ngam. Undibizile, nangona ndingobalaseleyo nje umoni, ukuze ndibe ngumzekelo kubo bonke abasaza kukholwa kuye bafumane obona bomi bungenasiphelo.
1 KUTIMOTI 1:16 ubomi obungunaphakade umonde
Yinjongo yakhe uThixo ukuyazisa kubantu bakhe le mfihlelo ixabiseke kunene, iqaqambileyo, ayilungiselele uluntu luphela. Yiyo le ke loo mfihlelo: uKrestu ungaphakathi kuni, ulithemba lewonga eniya kulifumana kuThixo.
KWABASEKOLOSE 1:27 ukuvangela ithemba
Ukuba ke uNyana uthe wanenza nakhululeka, noba ngabakhululekileyo mpela.
UYOHANE 8:36 umhlawuleli inkululeko ukuba likhoboka
Hayi uyolo lwenu xa abantu bathe banithiya ngenxa yakhe uNyana woLuntu, benigxotha, beningcikiva, benihlamba okwabancanyiweyo.
ULUKA 6:22 intsikelelo intshutshiso ububi
Kanti ke thina ikomkhulu lethu lisezulwini, apho silindele ngolangazelelo ukuba uya kuvela khona uMsindisi wethu, iNkosi uYesu Krestu.
KWABASEFILIPI 3:20 usindiso izulu
Ubabalo lweNkosi uYesu Krestu malube nani nonke.
KWABASEFILIPI 4:23 ubabalo intsikelelo
Njengoko ziphuphumela kuthi iimbandezelo zikaKrestu, ngokunjalo ke, kwangaye uKrestu, iphuphumela kuni nentuthuzelo yethu.
2 KWABASEKORINTE 1:5 ukubandezeleka umthuthuzeli ukhuthazo
Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe!
ISITYHILELO 22:12 ukuza kwesibini ukuphela kwexesha ibuyiselo
Lo unika obu bungqina uthi: “Nanjani na ndiza kufika ngokukhawuleza!”
Makube njalo! Yiza, Nkosi Yesu!
ISITYHILELO 22:20 ukuza kwesibini ukuphela kwexesha
Xa nihleli nimanyene nam, nisoloko nisenza ngokwamazwi am, nocela nantoni na ke eniyifunayo, niyifumane.
UYOHANE 15:7 ibuyiselo ILizwi likaThixo
Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.
UYOHANE 14:2 UTata izulu ukunyuka
Yaye ndiqinisekile ngale ndawo yokuba lo msebenzi mhle awuqalileyo uThixo kuni, uya kude awuqabelise ngeMini kaKrestu uYesu.
KWABASEFILIPI 1:6 ukuza kwesibini ukuzalwa ngokutsha
Ndim isonka esinobomi, esihlileyo sivela ezulwini. Ukuba ubani uthe wasitya esi sonka, wophila ngonaphakade. Isonka endiya kumnika sona ngumzimba wam, endiwunikelayo ukuze ihlabathi liphile.
UYOHANE 6:51 isonka umzimba umhlaba
Ngosuku lokugqibela, olo ke lulolona lubalulekileyo lwetheko, wema uYesu, wathetha ngelivakalayo esithi: “Onxaniweyo makeze kum asele.”
UYOHANE 7:37 ukutya izixhobo
Waza uYesu wathi: “Ndisaza kuba nani ithutyana, ndize ndimke, ndiye kulowo undithumileyo.”
UYOHANE 7:33 ukunyuka
Khawukhangele, nanko esiza ekhatshwa ngamafu! Lonke uluntu luya kumbona, nkqu nabo bâmhlabáyo. Ewe, zonke izizwe ziya kungqukruleka zizisola. Injalo ke loo nto! Amen.
ISITYHILELO 1:7 ukuza kwesibini ukubethelwa emnqamlezweni
Makube lubabalo noxolo oluvela kuThixo uBawo wethu, neNkosi uYesu Krestu.
KWABASEROMA 1:7b ubabalo uxolo UTata
Kaloku siyakholwa ukuba uYesu wafa, wabuya wavuka. Ngokukwanjalo ke nâbo bafe bemanywe noYesu uThixo uya kubabuyisa kunye noYesu.
1 KWABASETESALONIKA 4:14 ukholo uvuko
Sanukusebenzela ukutya okuphelayo; sebenzelani ukutya okungapheliyo, okusisondlo sobona bomi bungenasiphelo. Oko kutya niya kukunikwa nguye uNyana woLuntu, kuba uYise, uThixo, wamgunyazisela oko.
UYOHANE 6:27 ubomi obungunaphakade ukutya
INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.
KWABASEROMA 13:14 iminqweno ukuba likhoboka umzimba
Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.
2 KWABASEKORINTE 12:9 ubabalo amandla ubuthathaka
Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.
UYOHANE 14:13 UTata umthandazo
Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.
2 KWABASEKORINTE 13:13 ubabalo intsikelelo uMoya oyiNgcwele
Ke yena uYesu unikwe ububingeleli obuphakamileyo kunobabo. Kanti ke nomnqophiso awuzakuzelayo phakathi koThixo nabantu ukwamkhulu, ngenxa yokubaluleka kwezithembiso osekelwe phezu kwazo.
KUMAHEBHERE 8:6 umnqophiso umlamli izithembiso
Andifekethi ngesisa sikaThixo; kuba, ukuba umntu ebenokuba lilungisa phambi koThixo ngenxa yokugcina umthetho, loo nto ibiya kuthetha ukuba wafumana wafa uKrestu.
KUMAGALATI 2:21 ubabalo ubulungisa umthetho