Fitokisana (2/4)

Andriamanitra no aro sy hery ho antsika; Mpamonjy mora azo indrindra amin'ny fahoriana Izy. Salamo 46:1

MG1865

Andriamanitra no aro sy hery ho antsika;
Mpamonjy mora azo indrindra amin'ny fahoriana Izy.
Salamo 46:1 filaminana fiarovana
Na dia mandra-pahantitrareo aza, dia tsy miova Aho, ary mandra-pahafotsy volonareo, dia Izaho ihany no hisahirana mitondra anareo. Izaho no nanao, ka Izaho ihany no hitrotro, eny, izaho no hitondra sy hanafaka.
Isaia 46:4 fitaovana fiarovana
Aoka hohazonintsika mafy ny fanekena ny fanantenana mba tsy hihozongozonany (fa mahatoky Ilay efa nanao ny teny fikasana).
Hebreo 10:23 fanantenana manaiky fampanantenana
Fa Jehovah tia rariny
sady tsy hahafoy ny olony masina;
Harovana mandrakizay ireo;
Fa taranaky ny ratsy fanahy hofongorana.
Salamo 37:28 fiainana mandrakizay rariny mahatoky
Fa hoy ny Soratra Masina: Tsy ho menatra izay rehetra mino Azy.
Romana 10:11 Tenin'Andriamanitra finoana
Jehovah momba anareo, raha ianareo momba Azy; ary raha mitady Azy kosa ianareo, dia hahita Azy; fa raha mahafoy Azy ianareo, dia hahafoy anareo Izy.
2 Tantara 15:2b mitady manodidina
Ary na inona na inona no angatahinareo amin'ny fivavahana atao amin'ny finoana dia ho azonareo.
Matio 21:22 finoana fivavahana
Mahereza sy matanjaha; aza matahotra na manahy azy; fa Jehovah Andriamanitrao no miara-mandeha aminao; tsy handao anao na hahafoy anao Izy.
Deotoronomia 31:6 tahotra fiarovana herim-po
Ary hatoky Anao izay mahalala ny anaranao;
fa tsy foinao izay mitady Anao, Jehovah ô.
Salamo 9:10 fahatokisana mitady
Jesosy Kristy no tsy miova omaly sy anio ary mandrakizay.
Hebreo 13:8 Jesosy
Fa izay mirehareha, dia aoka Jehovah no ho reharehany Fa tsy izay midera tena no ankasitrahana, fa izay derain'ny Tompo.
2 Korintiana 10:17-18 fiavonavonana
Fa mahitsy ny tenin'i Jehovah,
ary ny asany rehetra dia mahatoky avokoa.
Salamo 33:4 Tenin'Andriamanitra fahamarinana
Fa lehibe mihatra amin'ny lanitra ny famindram-ponao,
ary mihatra amin'ny rahona ny fahamarinanao.
Salamo 57:10 fitiavana
Fony aho nanao hoe: Mangozohozo ny tongotro,
Dia ny famindram-ponao, Jehovah ô, no nanohana ahy.
Salamo 94:18 fitiavana fiankinan-doha
Ny fisasarana rehetra misy valiny avokoa;
Fa ny molotra mibedibedy foana tsy mba ahazoana na inona na inona.
Ohabolana 14:23 lahateny fankaherezana fahantrana
Fa na dia hifindra aza ny tendrombohitra ary na dia hihetsika aza ny havoana, tsy mba hiala aminao ny famindram-peko, ary tsy hitsoaka ny faneken'ny fihavanako, hoy Jehovah, Mpamindra fo aminao.
Isaia 54:10 fitiavana fiadanana fifanarahana
Hianareo izay tia an'i Jehovah, mankahalà ny ratsy;
Miaro ny fanahin'ny olony masina Izy
Ary mamonjy azy amin'ny tanan'ny ratsy fanahy.
Salamo 97:10 mpanafaka faharatsiana fahafahana
Ny amin'ny Vatolampy, tanteraka ny asany;
Fa ny lalany rehetra dia amin'ny rariny avokoa.
Andriamanitra mahatoky Izy, ka tsy misy ratsy ao aminy;
Marina sy mahitsy Izy.
Deotoronomia 32:4 fahamasinana rariny
Koa lazao aminy hoe: Izao no lazain'i Jehovah Tompo: Tsy hisy hajanona ela intsony ny teniko; fa ny teny izay lazaiko dia hotanterahiko, hoy Jehovah Tompo.
Ezekiela 12:28 Tenin'Andriamanitra fankatoavana
Aoka ny masonao hijery mahitsy,
Ary ny hodimasonao hibanjina eo anoloanao.
Ohabolana 4:25 fanaovana ny marina rariny
Ny volon'elany no anaronany anao,
Ary ao ambanin'ny elany no hialofanao;
Ho ampinga kely sy ampinga lehibe ny fahamarinany.
Salamo 91:4 fiarovana filaminana mahatoky
Hianao, Jehovah ô, aza miaro ny antranao tsy ho amiko;
aoka ny famindram-ponao sy ny fahamarinanao hiaro ahy mandrakariva.
Salamo 40:11 fitiavana fiarovana famindram-po
Maina ny ahitra, malazo ny voniny;
Fa ny tenin'Andriamanitsika dia haharitra mandrakizay.
Isaia 40:8 Andriamanitra Tenin'Andriamanitra hatsàra
Jehovah ô, aoka ny famindram-ponao hitoetra aminay
araka ny anantenanay Anao.
Salamo 33:22 fahatokisana fanantenana
Jehovah ô, henoy ny fivavako,
ary atongilano amin'ny fifonako ny sofinao;
Valio aho araka ny teninao marina sy ny fahamarinanao.
Salamo 143:1 rariny fivavahana mahatoky