Boloka (Tshitwe 2014)

SSO89

2014 Tshitwe 31, Laboraru

Morena Modimo ke yena
ya mmatlafatsang,
ya potlakisang maoto a ka
jwaloka a dikgama,
ya ntsamaisang hodima dihlaba.

HABAKUKE 3:19 tšhegofatšo maatla setlabelo

2014 Tshitwe 30, Labobedi

Jwale, kaha re tseba hore o a re utlwa ha re kopa, re a tseba hore tseo re di kopang ho yena e se e ntse e le tsa rona.

1 JOHANNE 5:15 tshepo thapelo go theeletša

2014 Tshitwe 29, Mmantaha

Ruta ngwana tsela ya ho phela,
ha a hodile a ke ke be a fapoha.

MAELE 22:6 boloki lapa bana

2014 Tshitwe 28, Sontaha

Motho ka mong a ipolele dibe ho ba bang, mme le rapellane, hore le tle le fole. Thapelo ya motho ya lokileng e matla haholo.

JAKOBO 5:16 boloki pholo thapelo

2014 Tshitwe 27, Moqebelo

Modimo ke mang,
haese Morena?
Lefika ke mang,
haese Modimo wa rona?

2 SAMUELE 22:32 potego Modimo tšhireletšo

2014 Tshitwe 26, Labohlane

Badisa ba nto kgutla ba ntse ba tlotlisa Modimo, ba mo roka ka ditaba tsohle tseo ba di utlwileng, ba di boneng, jwalokaha ba boleletswe.

LUKA 2:20 go direla/hlankela keresemose tumišo

2014 Tshitwe 25, Labone

Ha ba le moo, nako ya hae ya ho beleha ya fihla, mme a beleha mora wa hae wa letsibolo; a mo phutha ka masela, a mo robatsa ka sejelong, hobane ba ne ba hlokile sebaka tlung ya baeti.

LUKA 2:6-7 Jesu keresemose

2014 Tshitwe 24, Laboraru

O tla tswala mora, mme o tla mo rea lebitso la Jesu, hobane o tla pholosa setjhaba sa hae dibeng tsa sona.

MATHEU 1:21 Jesu molopolodi keresemose

2014 Tshitwe 23, Labobedi

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa.

JAKOBO 1:19 go bolela go theeletša pefelo

2014 Tshitwe 22, Mmantaha

Polelo tsa ya lokileng
ke silefera e hlwekisitsweng,
pelo ya ya kgopo ha e na thuso.

MAELE 10:20 bohlokwa boloki go bolela

2014 Tshitwe 21, Sontaha

Ha e mong a lla ka e mong le mamellane, mme le tshwarelane jwalokaha le Morena a le tshwaretse.

BAKOLOSE 3:13 tshwarelo khutšo moagišane

2014 Tshitwe 20, Moqebelo

Ha ho ya halalelang
jwaloka Morena,
hobane ha ho e mong
kantle ho wena,
ha ho mosireletsi
ya kang Modimo wa rona.

1 SAMUELE 2:2 Modimo kgalalelo go direla/hlankela

2014 Tshitwe 19, Labohlane

Bana ba ka, lerato la rona e se ke ya eba la mantswe kapa la leleme feela, empa e be la diketso le la nnete.

1 JOHANNE 3:18 go tshepega nnete go bolela

2014 Tshitwe 18, Labone

Erekaha lefu le hlahile ka motho, le tsoho ya bafu e hlaha ka motho.

1 BAKORINTHE 15:21 Jesu lehu go tsoga bahung

2014 Tshitwe 17, Laboraru

Mantswe ana ao ke o laelang wona hona kajeno a be ka pelong ya hao. O a rute bana ba hao ka hloko, o bue ka wona ha o dutse ka tlung ya hao, leha o tsamaya tseleng, leha o paqame, leha o tsoha.

LIPOLELO 6:6-7 molao lapa bana

2014 Tshitwe 16, Labobedi

E mong o hopola hore letsatsi le leng ke la bohlokwa ho feta le leng; e mong o hopola hore matsatsi wohle a a tshwana. Tabataba ke hore e mong le e mong a kgodisehe ka ho tlala hore o nepile.

BAROMA 14:5 boikobo bohlale moagišane

Jwale, bana beso, ke le hopotsa molaetsa o molemo oo ke le boleletseng wona, oo le o amohetseng, oo le tiileng ho wona, oo le tla pholoswa ka wona, ha le o boloka kamoo ke le boleletseng wona kateng; ho seng jwalo tumelo ya lona ke ya lefeela.

1 BAKORINTHE 15:1-2 tumelo boebangedi phološo

2014 Tshitwe 14, Sontaha

“Na mosadi a ka lebala lesea
leo a le anyesang,
a se ka hauhela ngwana
wa popelo ya hae?
Leha yena a ka lebala,
nna ha nka ke ka o lebala!”
Bona! ke ngotse bitso la hao
kahara diatla tsa ka,
marako a hao
ke ntse ke a bona kamehla.

ESAEA 49:15-16 lerato lapa bana

2014 Tshitwe 13, Moqebelo

Efela ha re ne re sa ntse re fokola, Kreste o ile a shwela ba kgopo, ka nako e beilweng.

BAROMA 5:6 sehlabelo Jesu phetošo

2014 Tshitwe 12, Labohlane

Ntlhahlobe, Modimo,
o tsebe pelo ya ka;
o nnonye maikutlo,
o tsebe mehopolo ya ka;
o bone hore na ke tseleng e mpe,
o ntsamaise tseleng
ya kamehla yohle.

PESALEMA 139:23-24 bophelo bjo bo sa felego kgalalelo boloki

2014 Tshitwe 11, Labone

Tloong ho nna, lona bohle ba kgathetseng, ba imetsweng, mme ke tla le kgatholla.

MATHEU 11:28 kholofelo tlhohleletšo khutša

2014 Tshitwe 10, Laboraru

Ebile ke kahoo le ntshang lekgetho, hobane babusi ke bahlanka ba Modimo ba phethang mosebetsi wona oo ka hloko.

BAROMA 13:6 go tshepega tšhelete megabaru

2014 Tshitwe 9, Labobedi

Wena Ya Hodimodimo,
mohla ke tshohileng,
ke tla tshepa wena.

PESALEMA 56:4 tshepo Modimo letšhogo

2014 Tshitwe 8, Mmantaha

Lerato la Kreste le a re susumetsa, rona ba kgotsweng hore ha a le mong a shwetse bohle, eba bohle ba shwele le yena. Jwale Kreste o shwetse bohle, e le hore ba phelang ba se hlole ba iphelela, ba mpe ba phelele ya ba shwetseng, a ba a tsoha ka baka la bona.

2 BAKORINTHE 5:14-15 lerato bophelo go tsoga bahung

2014 Tshitwe 7, Sontaha

Motsu wa lefu ke sebe, mme matla a sebe ke Molao.

1 BAKORINTHE 15:56 sebe molao medimo e šele

2014 Tshitwe 6, Moqebelo

Kaha o bile ntho ya bohlokwa,
o hlompheha mahlong a ka,
hobane ke o rata,
ke tla fana ka batho
bakeng sa hao,
ke fane ka ditjhaba
bakeng sa bophelo ba hao.

ESAEA 43:4 lerato phološo tlhohleletšo

2014 Tshitwe 5, Labohlane

Ho tloha tlholehong ya lefatshe, tse sa bonweng tsa hae, ke ho re matla a hae a sa feleng le bomodimo ba hae, haesale di bonwa hantle, mme di utlwisiswa ka tse entsweng ke yena. Kahoo ba hloka boitatolo.

BAROMA 1:20 tlholo maatla mogopolo

2014 Tshitwe 4, Labone

Kgotso ya Kreste e ke e buse dipelo tsa lona. Ke ka kgotso ena Modimo a le bitseditseng ho ba mmele o le mong. Lebohang ke hona.

BAKOLOSE 3:15 Jesu khutšo tebogo

2014 Tshitwe 3, Laboraru

Ipiletse ho nna, mme ke tla o araba, ke o bolelle dintho tse kgolo, tse matla, tseo wena o sa di tsebeng.

JEREMIA 33:3 thapelo kwešišo go theeletša

2014 Tshitwe 2, Labobedi

Modimo o ratile ho ba tsebisa menono le tlotla ya sephiri seo hara baditjhaba. Sephiri ke sena: Kreste o ka ho lona, eo ka yena le nang le tshepo ya tlotla.

BAKOLOSE 1:27 boebangedi Jesu kholofelo