Boloka (March 2014)

Monday, March 31, 2014

Ha ho le jwalo, a re leboheng Modimo ya re neileng ho hlola ka Morena wa rona Jesu Kreste.

Jesu a re ho yena: “Ke nna tsoho le bophelo; ya dumelang ho nna leha a ka shwa o tla phela. Mang le mang ya phelang, mme a dumela ho nna, ha a ka ke a shwa le ka mohla o le mong; na o dumela hona na?”

JOHANNE 11:25-26 tumelo lehu go tsoga bahung

Saturday, March 29, 2014

Lefatshe, mmoho le ditakatso tsa lona, le a fela, empa ya etsang thato ya Ntate o tla phela kamehla yohle.

1 JOHANNE 2:17 bophelo bjo bo sa felego boikobo ditumo

Friday, March 28, 2014

Jwalokaha re ena le ditho tse ngata mmeleng o le mong, empa ditho tseo tsohle di sa etse mosebetsi o tshwanang, ka mokgwa o jwalo, leha re le bangata, re mmele o le mong ho Kreste, e mong ke setho sa e mong.

BAROMA 12:4-5 mmele Jesu setšhaba

Thursday, March 27, 2014

Ho tshaba Morena
ke ho hloya bobe,
ke hloile boikgohomoso,
ke hloile le boikakaso,
boitshwaro bo bobe le leshano
le tsona ke di hloile.

MAELE 8:13 tlhompho boikgokgomošo mpe

Wednesday, March 26, 2014

Ya phelang tshireletsong
ya Ya Hodimodimo,
ya ahileng moriting
wa Ya Matla wohle,
o re ho Morena:
“O setshabelo sa ka
le qhobosheane ya ka,
Modimo wa ka eo ke mo tshepang.”

PESALEMA 91:1-2 tshepo polokego khutša

Tuesday, March 25, 2014

Le latele Morena Modimo wa lona, le mo tshabe, le boloke melao ya hae, le mamele lentswe la hae, le mo sebeletse, le mo kgomarele.

LIPOLELO 13:4 tlhompho go theeletša go latela

Monday, March 24, 2014

Jwale Morena Modimo a re: “Hase hantle hore motho a be inotshi; ke tla mo etsetsa molekane ya mo thusang.”

TŠIMOLOHO 2:18 tlholo lenyalo ditswalano

Sunday, March 23, 2014

Ka baka lena, Kreste ke mmoelanyi wa Modimo le batho ka selekane se setjha. Ka lefu la hae o lefeletse ditshito tseo batho ba neng ba di etse tlasa selekane sa pele, e le hore ba bitsitsweng ke Modimo ba tle ba tsebe ho ja lefa le sa feleng, leo ba le tshepisitsweng.

BAHEBERU 9:15 molao Mophološi mmoelanyi

Saturday, March 22, 2014

Tiisetsang thapelong ka phadimeho le ka teboho.

BAKOLOSE 4:2 tebogo thapelo

Friday, March 21, 2014

Morena ke modisa wa ka,
ha ke hloke letho.
o nkatla makgulong a matala,
o nkisa pela metsi
moo ke tla phomola teng.

PESALEMA 23:1-2 tšhegofatšo khutša go ikanya

Thursday, March 20, 2014

Ya nyahameng pelo
eka kgona a hauhelwe, ke metswalle,
leha eba a sa tshabe Ya Matla wohle.

JOBO 6:14 tlhompho segwera moagišane

Wednesday, March 19, 2014

Ka baka leo, le lahle tsohle tse manyala le bokgopo bo fetisisang, mme ka boikokobetso le amohele lentswe la Modimo le jetsweng ka dipelong tsa lona, le nang le matla a ho le pholosa.

JAKOBO 1:21 phološo Lentšu la Modimo mpe

Tuesday, March 18, 2014

Eyang, le ithute hore na ke ho reng ha ho thwe: ‘Ke thabela mohau, e seng sehlabelo.’ Ke tlile ho bitsa baetsadibe, e seng ba lokileng.

MATHEU 9:13 mohau boloki sehlabelo

Monday, March 17, 2014

Ka baka leo, jwalokaha sebe se ile sa busa ka lefu, ka mokgwa o jwalo mohau o busa ka ho loka ho isang bophelong bo sa feleng, ka Jesu Kreste, Morena wa rona.

BAROMA 5:21 sebe kgaugelo bophelo bjo bo sa felego

Sunday, March 16, 2014

Morena, hopola lerato
le mohau wa hao,
hobane esale o le teng
ho tloha kgale.
Nteballe dibe le ditlolo
tsa botjha ba ka,
nkgopole ka mohau wa hao.

PESALEMA 25:6-7 sebe mohau botse

Saturday, March 15, 2014

Bohle bao ke ba ratang ke a ba kgalemela, mme ke a ba otla. Tjheseha he, mme o bake.

TŠENOLO 3:19 lerato bophelo kotlo

Friday, March 14, 2014

Seo ke se bolelang ke hore Modimo o ile a boelanya batho bohle ba lefatshe le yena ka Kreste, ka ho ba leballa dibe tsa bona, le ka ho re nea mosebetsi wa ho ba boelanya le yena.

2 BAKORINTHE 5:19 sebe phološo Jesu

Thursday, March 13, 2014

Rolela morwalo wa hao ho Morena,
mme o tla o jarisa;
a ke ke a tlohella ya lokileng
hore a sisinngwe le ka mohla.

PESALEMA 55:23 potego boloki polokego

Wednesday, March 12, 2014

Etsang tsohle ka lerato.

1 BAKORINTHE 16:14 lerato mošomo

Tuesday, March 11, 2014

Jwalokaha ba bangata ba entswe baetsadibe ka ho se mamele ha motho a le mong, ka mokgwa o jwalo ba bangata ba tla etswa ba lokileng ka ho mamela ha motho a le mong.

BAROMA 5:19 boloki boikobo phološo

Monday, March 10, 2014

“Haeba le sa mmamele, le sa tsotelle ho ntlotlisa,” ho rialo Morena wa mabotho, “ke tla le dihela thohako, ke le amohe mahlohonolo a lona. E, ke se ke le amohile wona, hobane ha le ntsotelle!”

MALAKIEA 2:2 boikobo tšhegofatšo go theeletša

Sunday, March 9, 2014

Ho fihlela jwale ha le eso kope letho ka lebitso la ka; kopang, mme le tla fuwa, hore thabo ya lona e be e phethehileng.

JOHANNE 16:24 potego lethabo go amogela

Saturday, March 8, 2014

Molomong o le mong ho tswa thoriso le thohako. Bana beso, ha ho a lokela ho ba jwalo.

JAKOBO 3:10 sebe go bolela go direla/hlankela

Friday, March 7, 2014

Sethoto ha se kgutsitse
ho thwe se hlalefile,
se na le kutlwisiso
ha se tshwara leme la sona.

MAELE 17:28 go bolela bohlale mogopolo

Thursday, March 6, 2014

Ke nnete, lona le ne le ntheretse bokgopo, empa Modimo o ile a bo fetola molemo, e le hore a tle a etse jwalokaha a entse kajeno, a pholose setjhaba se sengata.

TŠIMOLOHO 50:20 Modimo bophelo mpe

Wednesday, March 5, 2014

Ke mang ya hlolang lefatshe, haese ya dumelang hore Jesu ke Mora wa Modimo?

1 JOHANNE 5:5 tumelo Jesu go hlola

Tuesday, March 4, 2014

Polelo tsa ya kgopo
di timetsa mohahabo,
empa ya lokileng
yena o pholoswa ke tsebo.

MAELE 11:9 boloki go bolela bohlale

Monday, March 3, 2014

O se ke wa hlolwa ke bobe, o mpe o hlole bobe ka botle.

BAROMA 12:21 mpe botse go hlola

Sunday, March 2, 2014

Morena o beile leihlo la hae
ho ba mo tshabang,
bona ba tshepileng mohau wa hae.

PESALEMA 33:18 potego Modimo tlhompho

Saturday, March 1, 2014

Empa jwale ho lokafatswa ke Modimo ho bonahaditswe e le ho sa itshetleheng ka Molao; hona ho pakwa ke Molao le Baporofeta. Ke ka ho dumela ho Jesu Kreste, Modimo a lokafatsang bohle ba dumelang, ho se kgethollo.

BAROMA 3:21-22 tumelo molao boloki