Monday, October 31, 2016
Jwale he, ha ke le hlatswitse maoto, nna ke le Morena le Moruti, le lona le tshwanetse ho hlatswana maoto.Sunday, October 30, 2016
Ya diehang ho halefao na le kutlwisiso,
athe sefelapelwana
se bontsha bothoto.
Saturday, October 29, 2016
Ya dumelang ho Mora o na le bophelo bo sa feleng, empa ya sa mameleng Mora a ke ke a bona bophelo, mme kgalefo ya Modimo e tla ba hodima hae kamehla.Friday, October 28, 2016
Bohle ba kenang tlhodisanong ba thapisa mmele ya bona. Empa bona ba etsa jwalo hore ba tle ba fumane mofapahlooho o senyehang; athe rona re etsa jwalo hore re tle re fumane o sa senyeheng.Thursday, October 27, 2016
O setshabelo sa ka,o tla mphemisa matshwenyeho;
o nteela hare, o a ntopolla.
Wednesday, October 26, 2016
Ho lehlohonolo mothoya itshepetseng Morena,
eo tshepo ya hae
e leng yena Morena.
O tla tshwana le sefate
se lemilweng pela metsi,
seo metso ya sona
e namelang pela molatswana.
Ha se ke se tshoswa
ke ho fihla ha lebatama,
mahlaku a sona
a matalana kamehla,
ka nako ya komello
ha se ke se tshwenyeha,
kamehla se beha
ditholwana tsa sona.
Tuesday, October 25, 2016
Ha ho motho ya ka sebeletsang marena a mabedi, hobane o tla hloya e mong, a rate e mong; kapa o tla kgomarela e mong, a nyedise e mong. Le ke ke la sebeletsa Modimo le Leruo.Monday, October 24, 2016
O ile a tima lenyorala ba nyorilweng,
a kgorisa ba lapileng
ka tse molemo.
Sunday, October 23, 2016
Ha re a ka ra tla le letho lefatsheng, ka mokgwa o jwalo ha re ka ke ra nka letho ho lona ha re tloha. Ha re ena le dijo le diaparo, re di kgotsofalle.Saturday, October 22, 2016
Hobane tsohle tsa lefatshe: ditakatso tsa botho, tse hohelang mahlo, le ho ikgantsha ka maruo, tsena hase tse tswang ho Ntate, empa ke tse tswang ho lefatshe.Friday, October 21, 2016
Ho tshaba Morenake ho hloya bobe,
ke hloile boikgohomoso,
ke hloile le boikakaso,
boitshwaro bo bobe le leshano
le tsona ke di hloile.
Thursday, October 20, 2016
O re phemise ho kena molekong,o mpe o re lopolle bobeng,
hobane Mmuso ke wa hao,
le matla, le tlotla,
kamehla le mehla. Amen.
Wednesday, October 19, 2016
Kwetliso ya mmele ha e na thuso e kgolo, athe borapedi bo na le thuso dinthong tsohle, bo re tshepisa bophelo ba hona jwale, esita le ba nako e tlang.Tuesday, October 18, 2016
Eba le lerato, o be le botshepehi,molaleng wa hao o itlame ka tsona;
o di ngole tlapeng la pelo ya hao.
O tla ratwa ke Modimo le batho,
o iketsetse lebitso mahlong a bona.
Monday, October 17, 2016
Ntate o tlotliswa ka hona: ha le beha ditholwana tse ngata, le tla ba barutuwa ba ka.Sunday, October 16, 2016
Nehemia a re ho sona: “Itsamaeleng, le yo ja dijo tse monate, le nwe tse maphodi, mme le abele ba hlokang, hobane letsatsi lena ke le halalelang ho Morena wa rona. Le se ke la swaba, hobane thabo ya Morena ke yona e tla le matlafatsa.”Saturday, October 15, 2016
Matlafatsa mehato ya kaho ya ka tshepiso ya hao,
o se dumelle hore ke buswe ke bobe.
Friday, October 14, 2016
Ka mokgwa o jwalo Moya o re thusa bofokoding ba rona, hobane ha re tsebe ho rapela ka mokgwa o tshwanelang, empa Moya ka bowona o re rapella ka mefehelo e ke keng ya bolelwa.Thursday, October 13, 2016
Bohle ba tswetsweng ke Modimo ba hlola lefatshe. Tlholo eo re hlolang lefatshe ka yona ke tumelo ya rona.Wednesday, October 12, 2016
Ho tshaba Morenake qaleho ya bohlale,
ho tseba Ya Halalelang
ke yona kutlwisiso.
Tuesday, October 11, 2016
Ha le tshwarela batho diphoso tsa bona, le lona Ntata lona ya mahodimong o tla le tshwarela.Monday, October 10, 2016
Ha ke na ho le siya le le dikgutsana, ke tla tla ho lona.Sunday, October 9, 2016
Batlang Morena le matla a hae;le nne le batle fahleho sa hae,
le se batle kamehla le mehla.
Saturday, October 8, 2016
Thahasellang dintho tse hodimo, e seng tse lefatsheng.Friday, October 7, 2016
O re tshwarele ditshito tsa rona,jwalokaha le rona re tshwarela
ba re sitetsweng.
Thursday, October 6, 2016
Morena o na le kutlwelobohloko,Morena o mosa;
o dieha ho halefa, o tletse mohau.
Wednesday, October 5, 2016
Taelo tse tswang molomong wa haeha ke a di kgeloha,
ka pelong ya ka
ke bolokile polelo tsa hae.
Tuesday, October 4, 2016
Ka baka leo, le lahle tsohle tse manyala le bokgopo bo fetisisang, mme ka boikokobetso le amohele lentswe la Modimo le jetsweng ka dipelong tsa lona, le nang le matla a ho le pholosa.Monday, October 3, 2016
Bohle re kolobeleditswe ho ba mmele o le mong, ka Moya o le mong; leha re ka ba Bajuda kapa Bagerike, makgoba kapa balokolohi, re amohetse Moya o le mong.Sunday, October 2, 2016
Ke yena feela lefika la ka,ke yena feela pholoho ya ka;
ke qhobosheane ya ka,
nke ke ka sisinyeha.
Saturday, October 1, 2016
Ya nang le ditaelo tsa ka, mme a di boloka, ke yena ya nthatang; ya nthatang o tla ratwa ke Ntate, le nna ke tla mo rata, mme ke tla iponahatsa ho yena.Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...