Boloka (November 2018)

Friday, November 30, 2018

O setshabelo sa ka,
o tla mphemisa matshwenyeho;
o nteela hare, o a ntopolla.

PESALEMA 32:7 lethabo polokego tšhireletšo

Thursday, November 29, 2018

Yena, ka mmele wa hae, o ile a isa dibe tsa rona sefapanong, hore re tle re shwe ka nqeng ya sebe, mme re phele ka nqeng ya ho loka. Ke yena eo le fodisitsweng ke maqeba a hae.

1 PETROSE 2:24 sebe boloki pholo

Wednesday, November 28, 2018

Ya jang tsohle a se ke a nyedisa ya sa jeng tsohle, le ya sa di jeng a se ke a ahlola ya di jang, hobane le yena eo Modimo o mo amohetse.

BAROMA 14:3 kahlolo dijo

Tuesday, November 27, 2018

Ya diehang ho halefa
o na le kutlwisiso,
athe sefelapelwana
se bontsha bothoto.

MAELE 14:29 bohlale bopelotelele kwešišo

Monday, November 26, 2018

Hlomelang ka dihlomo tsohle tsa Modimo, hore le tle le tsebe ho qhela maraba a Diabolosi.

BAEFESE 6:11 setlabelo mpe tšhireletšo

Sunday, November 25, 2018

Ha le tsamaya ho ya ka ditaelo tsa ka, le boloka melao ya ka, le e phetha, ke tla le nesetsa pula ka nako ya yona, mme masimo a tla ba le tjhai, le difate tsa naha di behe ditholwana tsa tsona.

MEETLO 26:3-4 boikobo molao tšhegofatšo

Saturday, November 24, 2018

Morena o molemo, o lokile;
kahoo o busetsa baetsadibe tseleng.
Ba eisehang o ba tsamaisa ho lokeng,
o ruta ba eisehang tsela ya hae.

PESALEMA 25:8-9 boloki boikokobetšo go ithuta

Friday, November 23, 2018

Ha re a ka ra tla le letho lefatsheng, ka mokgwa o jwalo ha re ka ke ra nka letho ho lona ha re tloha. Ha re ena le dijo le diaparo, re di kgotsofalle.

1 TIMOTHEA 6:7-8 dijo mahumo a lefase kgotsofalo

Ho lehlohonolo motho
ya itshepetseng Morena,
eo tshepo ya hae
e leng yena Morena.
O tla tshwana le sefate
se lemilweng pela metsi,
seo metso ya sona
e namelang pela molatswana.
Ha se ke se tshoswa
ke ho fihla ha lebatama,
mahlaku a sona
a matalana kamehla,
ka nako ya komello
ha se ke se tshwenyeha,
kamehla se beha
ditholwana tsa sona.

JEREMIA 17:7-8 tshepo tšhegofatšo go ba le dikenywa

Wednesday, November 21, 2018

Ya thahasellang ho loka le lerato
o tla fumana bophelo
le toka le tlotla.

MAELE 21:21 lerato boloki bophelo

Tuesday, November 20, 2018

Ha re lwane le motho wa nama le madi, empa re lwana le meya e busang, le e laolang, le e renang hodima lefatshe lena la lefifi, e leng meya e kgopo, e sebakeng.

BAEFESE 6:12 Moya wa Modimo legodimo mpe

Monday, November 19, 2018

Melao ya Morena Modimo wa hao, le ditemoso tsa hae, le ditaelo tsa hae, tseo a o laetseng tsona, o di boloke ka hloko.

LIPOLELO 6:17 molao boikobo

Sunday, November 18, 2018

Ho tshaba Modimo
ke qaleho ya tsebo,
empa dithoto di nyedisa bohlale,
di nyedisa le tayo.

MAELE 1:7 tlhompho bohlale go ithuta

Saturday, November 17, 2018

Lwana ntwa e ntle ya tumelo; ikgapele bophelo bo sa feleng, boo o bo bitseditsweng, jwalokaha o entse boipolelo bo botle pela dipaki tse ngata.

1 TIMOTHEA 6:12 bophelo bjo bo sa felego tumelo go hlola

Friday, November 16, 2018

Bohle ba tswetsweng ke Modimo ba hlola lefatshe. Tlholo eo re hlolang lefatshe ka yona ke tumelo ya rona.

1 JOHANNE 5:4 tumelo Modimo go hlola

Thursday, November 15, 2018

Ho tshaba batho
ke ho itjhehela leraba,
empa ya tshepang Morena
o tla bolokeha.

MAELE 29:25 tshepo letšhogo

Wednesday, November 14, 2018

Ka mokgwa o jwalo Moya o re thusa bofokoding ba rona, hobane ha re tsebe ho rapela ka mokgwa o tshwanelang, empa Moya ka bowona o re rapella ka mefehelo e ke keng ya bolelwa.

BAROMA 8:26 go bolela Moya wa Modimo thapelo

Tuesday, November 13, 2018

Ha le bona ditjellane tsena le tla hopola melao yohle ya Morena, mme le e phethe. Le se ke la phetha ditakatso tsa dipelo tsa lona le tsa mahlo a lona, e leng tse etsang hore le se ke la tshepahala.

LIPALO 15:39 molao boikobo ditumo

Monday, November 12, 2018

Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo.

PESALEMA 30:6 lerato bopelotelele manyami

Sunday, November 11, 2018

Baratuwa, a re rataneng, hobane lerato le tswa ho Modimo. Mang le mang ya nang le lerato o tswetswe ke Modimo, mme o tseba Modimo.

1 JOHANNE 4:7 lerato moagišane segwera

Saturday, November 10, 2018

Ha le tshwarela batho diphoso tsa bona, le lona Ntata lona ya mahodimong o tla le tshwarela.

MATHEU 6:14 sebe kgaugelo tshwarelo

Friday, November 9, 2018

Leleme le ka phedisa,
hape le ka bolaya,
ba ratang ho hehla
ba tla kotula tholwana tsa hona.

MAELE 18:21 go bolela tšhegofatšo boitshwaro

Thursday, November 8, 2018

O ile a le phatlalletsa selekane sa hae, seo a ileng a le laela ho se phetha; e leng Melao e leshome, eo a ileng a e ngola hodima matlapa a mabedi.

LIPOLELO 4:13 khobenente molao go latela

Wednesday, November 7, 2018

Re dibopuwa tsa Modimo, ka Kreste Jesu o re bopetse ho etsa mesebetsi e metle, eo a neng a e lokise e sa le pele hore re tle re e etse.

BAEFESE 2:10 tlholo Jesu go latela

Tuesday, November 6, 2018

Ya patang dibe tsa hae
a ke ke a ba le katleho;
ya ipolelang tsona, a di bakela,
o tla fumana mohau.

MAELE 28:13 sebe boipobolo mohau

Monday, November 5, 2018

Ka baka leo, wena motho ya ahlolang, leha o ka ba mang kapa mang, o hloka boitatolo, hobane ka ho ahlola ba bang, o a ikahlola, kaha wena ya ahlolang o ntse o etsa tsona tseo.

BAROMA 2:1 boloki kahlolo moagišane

Sunday, November 4, 2018

Re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.

2 BAKORINTHE 6:10 manyami lethabo tšhelete

Saturday, November 3, 2018

Ho tshaba Morena
ho ruta motho bohlale;
ikokobetse pele, mme o tla tlotlwa.

MAELE 15:33 boikokobetšo tlhompho bohlale

Friday, November 2, 2018

Le nne le ratane jwalokaha bana ba motho ba ratana. Se lebaleng ho amohela baeti, hobane, ka ho etsa jwalo, ba bang ba amohetse mangeloi ba sa lemohe.

BAHEBERU 13:1-2 lerato bonolo moagišane