Ukuqonda (2/2)

Isiseko sobulumko kukuthobela uNdikhoyo; umntu omaziyo oyiNgcwele kanye uzuza ingqiqo. IZAFOBE 9:10

XHO96

Isiseko sobulumko kukuthobela uNdikhoyo;
umntu omaziyo oyiNgcwele kanye uzuza ingqiqo.
IZAFOBE 9:10 ukumoyika uthixo ubulumko ubungcwele
UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”
UMARKO 9:35 ukuthobeka UYesu ukukhonza
Zingekadalwa iintaba, ungekalenzi ilizwe nehlabathi,
ubusel' ukade unguThixo wena kwanini-nini.
INdumiso 90:2 indalo uThixo
Ewe, Ndikhoyo, undigoca-gocile, uyandazi.
Wena undazi ukusuka nokuhlala;
iingcamango zam uziqonda zingekaveli.
INdumiso 139:1-2 ukufuna iingcamango
Ngenene uNdikhoyo yingangalala, ufanele ukudunyiswa;
obakhe ubukhulu abuphengululeki.
INdumiso 145:3 unqulo usomandla dumisani
Siyazi ukuba uNyana kaThixo ufikile wasinika ukuqonda, ukuze simazi uThixo onguye ngenene. Thina simanywe nalowo unguThixo ngenene, kuba kaloku simanywe noNyana wakhe uYesu Krestu. Yena ke unguThixo ngenene; nguye obona bomi bungenasiphelo.
1 KAYOHANE 5:20 UYesu inyaniso ubomi obungunaphakade
Ndiyamcela ukuba anikhanyisele nibe nokuqonda, khon' ukuze nilazi ithemba anibizele kulo, niziqonde iintsikelelo ezingaka ezililifa lemilowo yakhe.
KWABASE-EFESE 1:18 ithemba ukwamkela ukukhanya
UThixo wazityhila kuthi ke ezi ndaba ngoMoya wakhe; kuba uMoya uphengulula zonke izinto, nobunzulu bobume bukaThixo.
1 KWABASEKORINTE 2:10 uThixo Umoya ukucwangcisa
Into yonke uyimisele ixesha layo. Umntu yena umnike ulangazelelo lokuqonda nangamaxesha angamiselwanga. Kodwa ke umntu akafikeleli ekuyazini into eyenziwa nguThixo ukususela ekuqaleni kuye esiphelweni.
AMAVA ENGQONDI 3:11 indalo ubomi ukuxhomekeka
Abantu abaninzi baya kuhlanjululwa, bacoceke, bacikizeke; ke bona abantu abakhohlakeleyo baya kuqhubela phambili ngenkohlakalo yabo. Xa bebonke abakhohlakeleyo baya kuncitheka bangaqondi; ke zona izilumko ziya kuqonda.
UDANIYELI 12:10 ukusulungekiswa isono ubulumko
Osisilumko uya kuziqonda ezi zinto;
oqaphelayo uya kukwazi oku.
Iindlela zikaNdikhoyo zithe ngqo.
Ke amalungisa ahamba ngazo;
ke bona abakreqi ziyabakhubekisa.
UHOSIYA 14:9 ubulumko ubulungisa
Umntu oyithandayo ingqeqesho uthanda ulwazi;
kodwa ke yena ongafuni kululekwa usisityhakala.
IZAFOBE 12:1 ukufunda ukuphulaphula
Buyelani engqondweni nahlukane nezono. Abazani noThixo abanye benu. Loo nto ndiyithetha ukuze nidane.
1 KWABASEKORINTE 15:34 ubulungisa isono uguqulo
Kaloku wena wazi ndingekathethi;
ewe, Ndikhoyo, wazi nento endiza kuyithetha.
INdumiso 139:4 ukuthetha usomandla
Kanene yintoni na emntwini ebaziyo ubume bomntu, ingenguwo umoya womntu ongaphakathi kwakhe? Ngokunjalo nobume bukaThixo akukho namnye ubaziyo, ingenguye uMoya kaThixo.
1 KWABASEKORINTE 2:11 Umoya uMoya oyiNgcwele iingcamango
UThixo wethu usemazulwini;
yena wenza loo nto ayithandayo.
INdumiso 115:3 uThixo izulu ukuxhomekeka
Wangena ke naloo mfundi obefike kuqala engcwabeni. Akukhangela wakholwa. Kaloku babengaliqondi ilizwi leziBhalo elithi umelwe kukuba avuke ekufeni.
UYOHANE 20:8-9 imimangaliso ipasika uvuko